Sam
99 Jiova dɔn bi Kiŋ. Lɛ di pipul dɛn trimbul.
I sidɔm na in tron we de oba* di chɛrɔb dɛn. Lɛ di wɔl shek.
2 Jiova gret na Zayɔn,
Ɛn i de oba ɔl di pipul dɛn.
3 Lɛ dɛn prez yu nem we gret,
Bikɔs i fit fɔ mek dɛn fred ɛn rɛspɛkt yu nem ɛn i oli.
4 In na pawaful kiŋ we lɛk fɔ du tin fia wan.
Yu de mek shɔ se wetin rayt apin.
Yu dɔn mek dɛn de du tin fia wan,
Ɛn dɛn de du tin di rayt we to Jekɔp.
5 Prez Jiova wi Gɔd
Ɛn butu* bifo di say we i de put in fut; i oli.
6 Mozis ɛn Erɔn na bin tu pan in prist dɛn,
Ɛn Samiɛl na wan pan di wan dɛn we de kɔl in nem.
Dɛn bin de kɔl Jiova,
Ɛn i bin de ansa dɛn.
7 I bin de tɔk to dɛn frɔm pila we tan lɛk klawd.
Dɛn bin de du di tin dɛn we i bin de mɛmba dɛn
Ɛn obe di lɔ dɛn we i bin de gi dɛn.
8 E Jiova wi Gɔd, yu ansa dɛn.
Yu na bin Gɔd we de fɔgiv dɛn,
Ɛn yu pɔnish dɛn fɔ di sin dɛn we dɛn kɔmit.