Sam
43 Jɔj mi, E Gɔd,
Fɛt mi kes agens neshɔn we nɔ de wɔship yu.
Sev mi frɔm di wan we de tɔk lay lay tɔk dɛn ɛn we nɔ de du wetin rayt.
2 Yu na mi Gɔd, mi strɔng wɔl.
Wetin mek yu dɔn drɛb mi?
Wetin mek a fɔ de waka wit pwɛlat bikɔs mi ɛnimi dɛn de sɔprɛs mi?
3 Sɛn yu layt ɛn tru tichin dɛn.
Lɛ dɛn lid mi.
Lɛ dɛn gayd mi fɔ go na yu oli mawntin ɛn na yu wɔndaful tabanakul.
4 E mi Gɔd, a go kam na yu ɔlta;
A go kam de wit pasmak gladi-at.
E Gɔd, a go yuz ap fɔ prez yu.
5 Wetin mek mi at pwɛl?
Wetin mek a kɔnfyuz?
A go wet fɔ Gɔd,
Bikɔs a go prez am as di Wan We De Sev mi ɛn as mi Gɔd.