Sam
Maskil.* Di siŋ we Devid siŋ di tɛm we i bin de na di kev. Wan prea.
142 A kɔl Jiova fɔ ɛp mi;
A beg Jiova fɔ sɔri fɔ mi.
2 A tɛl am di tin dɛn we bin de mek a wɔri;
A tɛl am bɔt di tin dɛn we de mek mi at pwɛl
3 We a nɔ bin gɛt trɛnk igen.
Yu wach di rod we a de waka.
Dɛn sɛt trap fɔ mi
Na di say we a de waka.
4 Luk na mi raytan ɛn si
Se nɔbɔdi nɔ kia bɔt* mi.
No say nɔ de we a go rɔn go;
Nɔbɔdi nɔ bisin bɔt mi.
5 E Jiova, a de kɔl yu fɔ ɛp mi.
A tɔk se: “Na to yu a kin rɔn to fɔ ayd,
Na yu nɔmɔ a gɛt na di say usay di wan dɛn we de alayv de.”
6 Lisin to di kray we a de kray fɔ ɛp,
Bikɔs mi at rili pwɛl.
Sev mi frɔm di wan dɛn we de mek a sɔfa,
Bikɔs dɛn strɔng pas mi.
7 Pul mi kɔmɔt na prizin
So dat a go prez yu nem.
Lɛ di wan dɛn we de du wetin rayt de arawnd mi,
Bikɔs yu de trit mi fayn.