Sam
93 Jiova dɔn bi Kiŋ!
I rili gret;
Jiova gɛt trɛnk pasmak;
In trɛnk tan lɛk bɛlt we de rawnd am.
2 I dɔn te we yu tron dɔn tinap tranga wan;
Yu nɔ gɛt biginin.
3 E Jiova, di wata na di riva dɛn de go ɔp,
Di riva dɛn de go ɔp ɛn pul lawd sawnd;
Di riva dɛn de kɔntinyu fɔ go ɔp ɛn nak nak.
4 Bɔt yu, Jiova, we de ɔp na ɛvin, yu rili wɔndaful.
Yu gɛt pawa pas di sawnd we bɔku wata de pul,
Ɛn yu gɛt pawa pas di pawaful swɛlin dɛn we de na di si.
5 Di tin dɛn we yu de mɛmba wi na tin dɛn we wi fɔ rili abop pan.
E Jiova, yu os fit fɔ oli ɔltɛm.