Sam

12 E Jiova, sev mi, bikɔs di wan we nɔ de kɔmɔt biɛn pɔsin nɔ de igen;

Fetful pipul dɛn nɔ de igen na di wɔl.

 2 Pipul dɛn de lay to dɛn kɔmpin dɛn;

Dɛn de tɔk tin dɛn we de mek pipul dɛn ed big, ɛn dɛn de ful pipul dɛn.*

 3 Jiova go dɔnawe wit ɔl di wan dɛn we de yuz swit tɔk

Fɔ mek ɔda pipul dɛn ed big,

Ɛn i go dɔnawe wit di wan dɛn we de bost,

 4 Di wan dɛn we de tɔk se: “Wi go win wit wi tɔŋ.

Wi go yuz wi mɔt lɛk aw wi want;

Udat go bi wi masta?”

 5 Jiova se: “A go grap du sɔntin,

Bikɔs dɛn de sɔprɛs di wan dɛn we de sɔfa,

Ɛn bikɔs di po wan dɛn de pini.

 6 Di tin dɛn we Jiova de tɔk piɔ;

Dɛn tan lɛk silva we dɛn dɔn klin na ovin; dɛn klin am sɛvin tɛm.

 7 E Jiova, yu go gayd dɛn;

Yu go protɛkt ɛniwan pan dɛn frɔm dis jɛnɛreshɔn sote go.

 8 Di wikɛd wan dɛn de pas pas fri wan

Bikɔs pipul dɛn de sɔpɔt bad.