Sam
Di Wan dɛn We De Go Ɔp na di Siti, Dɛn Siŋ.
121 A wach ɔp di mawntin dɛn
Ɛn aks se: “Udat go ɛp mi?”
2 Na Jiova we mek di ɛvin
Ɛn di wɔl de ɛp mi.
3 I nɔ go ɛva alaw yu fut fɔ slipul.
Di Wan we de protɛkt yu nɔ go ɛva fil fɔ slip.
4 Luk! Di Wan we de protɛkt Izrɛl
Nɔ go ɛva fil fɔ slip, ɛn i nɔ go slip.
5 Jiova de protɛkt yu.
Jiova na di shed we de na yu raytan.
6 Dyurin di de, di san nɔ go du yu bad.
Na nɛt, di mun nɔ go du bad tin to yu.
7 Jiova go protɛkt yu fɔ lɛ no bad tin nɔ mit yu.
I go protɛkt yu layf.
8 Jiova go protɛkt yu pan ɔl wetin yu de du
Frɔm naw ɛn sote go.