Sam
112 Prez Ja!*
א [Alɛf]
Pɔsin we de fred Jiova,
ב [Bɛt]
Ɛn we de gladi fɔ in kɔmandmɛnt dɛn, gɛt gladi-at.
ג [Gimɛl]
2 In pikin dɛn go pawaful na di wɔl,
ד [Dalɛt]
Ɛn di wan we de du wetin rayt in jɛnɛreshɔn go gɛt blɛsin.
ה [I]
3 Mɔni ɛn prɔpati de na in os,
ו [Wa]
Ɛn i go kɔntinyu fɔ du wetin rayt sote go.
ז [Zayin]
4 To pɔsin we de du wetin rayt, i de shayn lɛk layt na daknɛs.
ח [Ɛt]
I gɛt sɔri-at, i de sho masi, ɛn i de du wetin rayt.
ט [Tɛt]
5 Tin de kɔmɔt fayn fɔ di pɔsin we gɛt fri-an we i de lɛnt ɔda pɔsin.
י [Yɔd]
I de du tin fia wan.
כ [Kaf]
6 Natin nɔ go ɛva shek am.
ל [Lemɛd]
Dɛn go mɛmba di wan we de du wetin rayt sote go.
מ [Mɛm]
7 I nɔ de fred bad nyuz.
נ [Nɔn]
I fetful, ɛn i abop pan Jiova.
ס [Samɛk]
8 In at nɔ de shek; i nɔ de fred;
ע [Ayin]
We ɔltin dɔn, i go luk in ɛnimi dɛn wit gladi-at.
פ [Pe]
9 I de sheb gi ɔlman; i dɔn gi di wan we po.
צ [Sada]
I go kɔntinyu fɔ du wetin rayt sote go.
ק [Kof]
I go pawaful ɛn ɔlman go rɛspɛkt am.
ר [Resh]
10 Di wikɛd wan go si am, ɛn i go vɛks.
ש [Shin]
I go gren in tit ɛn mɛlt.
ת [Tɔ]
Di tin we di wikɛd pɔsin want nɔ go de igen.