Ɛkliziastis
1 Dis na di wɔd dɛn we di ticha* tɔk, Devid in bɔypikin, di kiŋ na Jerusɛlɛm.
2 Di ticha se, “Di vaniti we pas ɔl vaniti!
Di vaniti we pas ɔl vaniti! Ɔltin na vaniti!”
3 Us bɛnifit pɔsin go gɛt frɔm ɔl di tranga wok we i de du,
We i de wok tranga wan na dis wɔl?*
6 Di briz de blo go na di sawt, ɛn i rawnd kam bak na di nɔt;
Di briz de kɔntinyu fɔ go rawnd ɛn rawnd ɔltɛm.
7 Ɔl di watasay dɛn de flo go na di si, bɔt di si nɔ de ful-ɔp.
Di say usay di wata dɛn de kɔmɔt, na de bak dɛn de go so dat dɛn go flo igen.
8 Ɔltin de mek pɔsin fɛd-ɔp;
Nɔbɔdi nɔ de ebul fɔ ivin tɔk bɔt dɛn.
Di yay nɔ de satisfay wit di tin dɛn we i de si,
Ɛn di yes nɔ de ful-ɔp wit di tin dɛn we i de yɛri.
10 Ɛnitin de we pɔsin go se: “Luk dis, i nyu”?
I bin dɔn de frɔm trade trade;
I bin dɔn de bifo wi tɛm.
11 Nɔbɔdi nɔ de mɛmba pipul dɛn we bin de trade trade;
Nɔbɔdi nɔ go mɛmba di wan dɛn we go kam leta;
Di wan dɛn we de stil kam afta dɛn, nɔ go mɛmba dɛn.
12 Mi, di ticha, dɔn bi di Izrɛlayt dɛn kiŋ na Jerusɛlɛm. 13 A disayd fɔ yuz sɛns fɔ stɔdi ɛn faynd awt bɔt ɔltin we dɔn apin na di wɔl. A tray fɔ faynd awt mɔ bɔt di wok we de mek mɔtalman at pwɛl we Gɔd gi dɛn fɔ kip dɛn bizi.
14 A si ɔl di wok we pipul dɛn dɔn du na dis wɔl,
Ɛn a kam fɔ si se ɔltin na vaniti, lɛk we pɔsin de rɔnafta briz.
15 Wetin dɔn bɛn nɔ de stret igen,
Ɛn i nɔ pɔsibul fɔ kɔnt wetin nɔ de.
16 Dɔn a tɔk na mi at se: “Luk! A dɔn gɛt bɔku bɔku sɛns pas ɛnibɔdi we bin de bifo mi na Jerusɛlɛm, ɛn a dɔn gɛt bɔku bɔku sɛns ɛn sabi pas dɛn.” 17 A tray fɔ no wetin i min fɔ gɛt sɛns ɛn wetin i min fɔ kres* ɛn fɔ fulish, bɔt a kam fɔ si se dat sɛf tan lɛk we pɔsin de rɔnafta briz.
18 Bɔku sɛns de briŋ pasmak fɔstreshɔn,
So ɛnibɔdi we sabi bɔku tin de ad pan in pen.