Sam
Devid in siŋ.
138 A go prez yu wit ɔl mi at.
A go siŋ fɔ prez yu
Bifo ɔda gɔd dɛn.*
2 A go butu bifo yu oli tɛmpul,*
Ɛn a go prez yu nem
Bikɔs ɔf yu lɔv we nɔ de chenj ɛn di we aw yu fetful.
Yu dɔn mek wetin yu de se ɛn yu nem gɛt glori pas ɛni ɔda tin.*
3 Di de we a kɔl yu, yu ansa mi;
Yu mek a gɛt maynd, ɛn yu mek a strɔng.
4 E Jiova, ɔl di kiŋ dɛn na di wɔl go prez yu,
Bikɔs dɛn bin dɔn yɛri di prɔmis dɛn we yu bin dɔn mek.
5 Dɛn go siŋ bɔt di we we Jiova de du tin,
Bikɔs Jiova in glori gret.
6 Pan ɔl we Jiova de rayt ɔp, i de tek notis ɔf di wan we ɔmbul,
Bɔt i nɔ de gɛt tayt padi biznɛs wit di wan we es insɛf ɔp.
7 Pan ɔl we a de waka na di say we bad tin dɛn de,
Yu de mek a kɔntinyu fɔ liv.
Yu de yuz yu pawa fɔ sɔprɛs mi ɛnimi dɛn we vɛks;
Yu raytan go sev mi.
8 Jiova go du ɔltin fɔ mi sek.
E Jiova, yu lɔv we nɔ de chenj go de sote go;
Nɔ fɔgɛt di wok dɛn we yu du wit yu an.