Sam
To di wan we de dayrɛkt; dɛn fɔ siŋ dis siŋ wit myuzik instrumɛnt dɛn we gɛt string. Wan siŋ.
67 E Gɔd, yu go sɔri fɔ wi ɛn blɛs wi;
Yu go sho se yu gladi fɔ wi (Sila)
2 So dat dɛn go no bɔt di tin dɛn we yu de du ɔlsay na di wɔl,
Ɛn ɔl di neshɔn dɛn go no se na yu de sev.
3 E Gɔd, lɛ pipul dɛn prez yu;
Lɛ ɔl di pipul dɛn prez yu.
4 Lɛ neshɔn dɛn gladi ɛn ala wit gladi-at
Bikɔs yu go jɔj di pipul dɛn fia wan.
Yu go gayd di neshɔn dɛn na di wɔl. (Sila)
5 E Gɔd, lɛ pipul dɛn prez yu;
Lɛ ɔl di pipul dɛn prez yu.
6 Tin dɛn go gro na di wɔl;
Gɔd, we na wi Gɔd, go blɛs wi.
7 Gɔd go blɛs wi,
Ɛn ɔl di pipul dɛn we de fa fa say dɛn na di wɔl go fred* am.