Osia
2 Gɔd se: “Una tɛl una brɔda dɛn se, ‘Mi pipul dɛn!’*
Ɛn una tɛl una sista dɛn se, ‘E uman we dɛn dɔn sɔri fɔ!’*
2 Una blem una mama; una blem am,
Bikɔs in nɔto mi wɛf ɛn mi nɔto in man.
I fɔ lɛf di rare layf* we i de pan
Ɛn fetful to mi,*
3 If nɔto dat, a go nekɛd am ɛn mek i de jɔs lɛk aw dɛn bɔn am,
A go mek i tan lɛk wildanɛs,*
Lɛk land we nɔ gɛt wata,
Ɛn a go mek i tɔsti te i day.
4 A nɔ go sɔri fɔ in pikin dɛn,
Bikɔs na pan rare layf* i bɔn dɛn.
5 Dɛn mama de pan rare layf.*
I dɔn du shemful shemful tin dɛn bikɔs i de tɔk se,
‘A go fala di man dɛn we a rili lɛk,
Di wan dɛn we de gi mi it ɛn wata,
Wul ɛn linin, ɔyl ɛn drink.’
6 So a go blɔk in we wit chukchuk fɛns;
A go mek ston wɔl fɔ blɔk am,
So dat i nɔ go fɛn in we.
7 I go rɔnafta di man dɛn we i rili lɛk, bɔt i nɔ go mit dɛn;
I go luk fɔ dɛn, bɔt i nɔ go si dɛn.
Dɔn i go se, ‘A go tɔn bak to mi man,
Bikɔs a bin bɛtɛ trade pas aw a de naw.’
8 I nɔ gri se na mi bin gi am it, nyu wayn, ɛn ɔyl,
Ɛn na mi bin gi am bɔku bɔku silva
Ɛn gold, we dɛn bin yuz fɔ Beal.
9 ‘So a go kam bak, ɛn a go mɔs tek mi it di tɛm we dɛn de avɛst
Ɛn di swit wayn di tɛm we dɛn de gɛda wetin dɛn avɛst,
Ɛn a go pul kɔmɔt mi wul ɛn mi linin na in an we i fɔ yuz fɔ kɔba in nekɛdnɛs.
10 Naw a go pul in prayvet pat dɛn na do bifo di man dɛn we i rili lɛk,
Ɛn no man nɔ go sev am na mi an.
11 A go stɔp ɔl in gladi gladi,
In fɛstival dɛn, in nyu mun dɛn, in sabat dɛn, ɛn ɔl in oli asɛmbli dɛn.
12 Dɔn a go pwɛl in vayn dɛn ɛn in fig stik dɛn, we i bin dɔn tɔk bɔt se:
“Dɛn tin ya na di pe, we di man dɛn we a rili lɛk gi mi”;
A go tɔn dɛn to fɔrɛst
Ɛn di wayl animal dɛn go pwɛl pwɛl dɛn.
13 A go pɔnish am fɔ ɔl di tɛm dɛn we i bin de mek sakrifays dɛn to Beal in imej dɛn,
We i bin de yuz riŋ dɛn ɛn ɔda tin dɛn fɔ mek insɛf fayn ɛn we i bin de fala di man dɛn we i rili lɛk,
Ɛn na mi na di wan we i fɔgɛt.’ Na dat Jiova se.
15 Frɔm da tɛm de te go, a go gi am bak in vayn gadin dɛn,
Ɛn Ekɔ in Vali* go bi get we de gi op;
I go ansa de jɔs lɛk di tɛm we i bin yɔŋ,
Jɔs lɛk di tɛm we i bin kɔmɔt na Ijipt.’
17 ‘A go pul Beal in imej dɛn nem dɛn kɔmɔt na in mɔt,
Ɛn i nɔ go mɛmba dɛn nem dɛn igen.
18 Da de de, a go mek agrimɛnt fɔ dɛn wit di wayl animal dɛn,
Wit di bɔd dɛn we de flay na di skay, ɛn wit di tin dɛn we de krip;
A go pul kɔmɔt di bo, di sɔd, ɛn wɔ na di land,
Ɛn a go mek mi pipul dɛn de* de sef wan.
19 A go ɛngej yu fɔ mek yu bi mi yon sote go;
A go ɛngej yu akɔdin to wetin rayt, akɔdin to jɔstis,
Akɔdin to lɔv we nɔ de chenj, ɛn sɔri-at.
20 A go ɛngej yu, ɛn a go fetful to yu,
Ɛn yu go mɔs no Jiova.’
21 Jiova se, ‘Da de de,
A go du wetin ɛvin want,
Ɛn ɛvin go du wetin di wɔl want;
22 Dɔn di wɔl go du wetin di sid, di nyu wayn, ɛn di ɔyl want;
Dɛn go du wetin Jɛzriɛl want.
23 A go plant am lɛk sid fɔ misɛf na di wɔl,
Ɛn a go sɔri fɔ am pan ɔl we dɛn nɔ sho am sɔri-at;
A go tɛl di wan dɛn we nɔto mi pipul dɛn se: “Una na mi pipul dɛn,”
Ɛn dɛn go se: “Yu na wi Gɔd.”’”