Sam
To di wan we de dayrɛkt; dɛn fɔ siŋ dis siŋ wit myuzik instrumɛnt dɛn we gɛt string. Devid in siŋ.
61 E Gɔd, yɛri mi we a de kray to yu fɔ ɛp mi.
Duya pe atɛnshɔn to mi prea.
2 A go de na di say we fa pas ɔl na di wɔl ɛn kray to yu fɔ ɛp mi
We mi at pwɛl.
Kɛr mi go na rɔk we ay pas mi.
3 Na yu de protɛkt mi,
Yu na strɔng tawa we de protɛkt mi frɔm mi ɛnimi.
4 A go bi strenja na yu tɛnt sote go;
A go go ɔnda di shed we yu wiŋ dɛn de mek fɔ lɛ yu protɛkt mi. (Sila)
5 E Gɔd, yu dɔn yɛri mi vaw dɛn.
Yu dɔn gi mi di prɔpati we de fɔ di wan dɛn we de fred yu nem.
6 Yu go ad pan di kiŋ in layf,
Ɛn i go liv frɔm wan jɛnɛreshɔn to ɔda jɛnɛreshɔn.
7 I go sidɔm na tron* sote go bifo Gɔd;
Lɛ yu lɔv we nɔ de chenj ɛn di fetful we yu fetful protɛkt am.
8 Dɔn a go siŋ fɔ prez yu nem sote go
As a de du di tin dɛn we a dɔn vaw ɛnide.