Sam
Di Wan dɛn We De Go Ɔp na di Siti, Dɛn Siŋ.
128 Ɛnibɔdi we de fred Jiova,
Ɛn we de waka na in we, gɛt gladi-at.
2 Yu go it wetin yu wok tranga wan fɔ.
Yu go gladi, ɛn yu go gɛt jɛntri.
3 Yu wɛf go tan lɛk vayn we de bia bɔku frut dɛn na yu os;
Yu bɔypikin dɛn go tan lɛk yɔŋ ɔliv stik dɛn we bɔs rawnd yu tebul.
4 Luk! Na so pɔsin we de fred Jiova
Go gɛt blɛsin.
5 Jiova go blɛs yu frɔm Zayɔn.
Lɛ yu si we Jerusɛlɛm de go bifo sote yu day.
6 Ɛn lɛ yu si yu pikin dɛn pikin dɛn.
Lɛ Izrɛl gɛt pis.