PRƆVABS

 2 Fɔ lan* sɛns ɛn kɔrɛkshɔn;

Fɔ ɔndastand sɛns tɔk dɛn;

 3 Fɔ gɛt kɔrɛkshɔn we de mek pɔsin tink gud gud wan fɔ ɔndastand,

Fɔ du wetin rayt, fɔ ebul disayd fɔ du wetin kɔrɛkt, ɛn fɔ du tin tret;*

 4 Fɔ gi sɛns to di wan we nɔ gɛt ɛkspiriɛns;

Fɔ mek yɔŋman no tin dɛn ɛn ebul fɔ tink gud gud wan.

18 Na dat mek dɛn de le ambush fɔ kil;

Dɛn de ayd fɔ tek ɔda pipul dɛn layf.*

19 Na so di wan dɛn we want fɔ jɛntri di rɔng we de biev,

Ɛn dis go tek di wan dɛn we gɛt am dɛn layf.*

Dɔn a go put mi spirit pan yu;

A go mek yu no mi wɔd dɛn.

24 A kɔl yu, bɔt yu nɔ gri fɔ lisin,

A stret mi an, bɔt nɔbɔdi nɔ bin de pe atɛnshɔn.

25 Yu kɔntinyu fɔ tɔn yu bak pan ɔl mi advays dɛn,

Ɛn yu nɔ bin de tek mi kɔrɛkshɔn.

26 Misɛf go laf we bad tin apin to yu.

A go provok yu we di tin we yu bin de fred mit yu,

27 We di tin we yu bin de fred kam lɛk ɛvi ɛvi ren,

Ɛn prɔblɛm kam pan yu lɛk big big briz,

We pwɛlat ɛn trɔbul kam pan yu.

28 Da tɛm de dɛn go de kɔl mi, bɔt a nɔ go ansa;

Dɛn go rili luk fɔ mi, bɔt dɛn nɔ go si mi,

29 Bikɔs dɛn nɔ lɛk fɔ no bɔt sɔntin,

Ɛn dɛn dɔn disayd nɔ fɔ fred Jiova.

30 Dɛn nɔ gri fɔ lisin to mi advays;

Dɛn nɔ sho wan rɛspɛkt fɔ ɔl mi kɔrɛkshɔn dɛn.

31 So dɛn go bia wit di bad tin dɛn we go mit dɛn bikɔs ɔf wetin dɛn du,

Ɛn dɛn go sɔfa fɔ wetin dɛn du.

32 Di trangayes we di wan dɛn we nɔ gɛt ɛkspiriɛns de mek go kil dɛn,

Ɛn di bisin we fulman dɛn nɔ bisin go dɔnawe wit dɛn.

33 Bɔt di wan we de lisin to mi go de sef wan

Ɛn bad tin nɔ go mek i fred.”

2  Mi pikin, if yu lisin to wetin a de se

Ɛn valyu mi kɔmandmɛnt dɛn,

 2 Bay we yu pe atɛnshɔn to sɛns

Ɛn opin yu at fɔ rili ɔndastand;

 3 Dɔn bak, if yu beg fɔ ɔndastand

Ɛn rili beg fɔ tink so dat yu go no wetin gud ɛn bad;

 4 If yu kɔntinyu fɔ luk fɔ am lɛk we yu de fɛn silva,

Ɛn yu kɔntinyu fɔ fɛn am lɛk we yu de fɛn valyu tin we ayd;

 5 Da we de, yu go ɔndastand wetin i min fɔ fred Jiova,

Ɛn yu go no bɔt Gɔd.

 6 Na Jiova de gi sɛns;

Na frɔm wetin i de tɔk pɔsin de no sɔntin ɛn ɔndastand.

 7 Na in de mek di wan we de du wetin rayt du tin wit sɛns;

In na shild fɔ di wan dɛn we de waka tret wit am.

 8 I de wach oba di wan dɛn we de du tin tret,

Ɛn i de protɛkt di wan dɛn we nɔ de kɔmɔt biɛn am.

 9 Dɔn yu go ɔndastand wetin i min fɔ du tin di rayt we, fɔ du tin tret, ɛn fɔ du tin fia wan,

Ɛn yu go ɔndastand ɔl wetin gud.

10 We yu bigin fɔ gɛt sɛns na yu at

Ɛn we di tin we yu dɔn lan mek yu gladi,

11 Fɔ tink fayn fayn wan go wach oba yu,

Ɛn fɔ tink fɔ ɔndastand go kip yu sef,

12 Fɔ lɛ yu nɔ du bad,

I go kip yu sef frɔm di man we de tɔk tin we nɔ rayt,

13 Frɔm di wan dɛn we de lɛf fɔ waka na di rayt we

Fɔ go waka na daknɛs,

14 Frɔm di wan dɛn we de gladi fɔ bad tin,

We de ɛnjɔy di bad tin dɛn we de apin,

15 Frɔm di wan dɛn we nɔ de du tin tret

Ɛn we de du ɔltin kɔni kɔni we.

16 I go sev yu frɔm wewɔd* uman,

Frɔm di swit wɔd dɛn we bambot* uman de tɔk,

17 We dɔn lɛf in tayt padi* we i bin gɛt frɔm we i yɔŋ

Ɛn fɔgɛt di agrimɛnt wit in Gɔd.

18 Fɔ go na in os tan lɛk we pɔsin de go fɛn day,

Ɛn di rod we de go na in os de kɛr pɔsin go na di grev.

19 Nɔn pan di wan dɛn we de ledɔm wit am* go tɔn bak,

Ɛn dɛn nɔ go kam bak na di rod fɔ gɛt layf.

20 So falamakata wetin gud pipul dɛn de du

Ɛn kɔntinyu fɔ waka wit di wan dɛn we de du wetin rayt.

21 Na di wan dɛn nɔmɔ we de du wetin rayt go de na di wɔl,

Ɛn na di wan dɛn we nɔ gɛt wan blem* go kɔntinyu fɔ de de.

22 As fɔ di wikɛd wan dɛn, dɛn go pul dɛn kɔmɔt na di wɔl,

Ɛn di wan dɛn we nɔ fetful nɔ go de de igen.

3  Mi pikin, nɔ fɔgɛt mi tichin* dɛn,

Ɛn lɛ yu obe mi kɔmandmɛnt dɛn wit ɔl yu at,

 2 Bikɔs dɛn go mek yu gɛt lɔng layf

Ɛn kolat.

Tay dɛn rawnd yu nɛk;

Rayt dɛn na yu at.

 4 Dɔn Gɔd ɛn mɔtalman

Go lɛk yu, ɛn yu go si fa.

 5 Abop pan Jiova wit ɔl yu at

Ɛn nɔ abop* pan yu yon sabi.

 6 Tek notis ɔf am pan ɔl wetin yu de du,

Ɛn i go mek yu we klia.

 8 I go tan lɛk mɛrɛsin to yu bɔdi*

Ɛn mek yu bon dɛn fil fayn.

 9 Ɔnɔ Jiova wit yu valyu tin dɛn,

Wit di fɔs* tin dɛn we yu avɛst;*

10 Dɔn yu stɔ dɛn go ful-ɔp piŋ,

Ɛn di say we yu wayn de go,* go ful-ɔp pasmak wit nyu wayn.

11 Mi pikin, nɔ tɔn yu bak pan Jiova in disiplin,

Ɛn nɔ et in kɔrɛkshɔn,

12 Bikɔs Jiova de kɔrɛkt di wan dɛn we i lɛk,

Jɔs lɛk aw papa de du to pikin we i lɛk.

13 Di pɔsin we fɛn sɛns go gladi,

Ɛn di pɔsin we de tink gud gud wan fɔ ɔndastand go gladi.

14 Fɔ gɛt am bɛtɛ pas fɔ gɛt silva,

Ɛn fɔ gɛt am as prɔfit bɛtɛ pas fɔ gɛt gold.

Natin nɔ de we yu go want we yu go kɔmpia to am.

16 Lɔng layf de na in raytan;

Jɛntri ɛn glori de na in lɛftan.

17 I go mek yu gladi pan ɔl wetin yu de du,

Ɛn yu go gɛt kolat pan ɔltin.

18 I tan lɛk tik we de gi layf to di wan dɛn we de gɛt am,

Ɛn di wan dɛn we de ol am tayt wan go gɛt gladi-at.

20 Wit in sɛns, i plit di dip wata dɛn midul;

Wit in sɛns, dyu bin de kɔmɔt frɔm di klawd dɛn na di skay.

Kɔntinyu fɔ du tin wit sɛns ɛn go de tink fayn fayn wan.

22 Dɛn go gi yu layf

Ɛn bi chen fɔ yu nɛk.

23 Dɔn yu go waka sef wan,

Ɛn yu nɔ go ɛva bɔk yu fut.*

24 We yu ledɔm, natin nɔ go mek yu fred;

Yu go ledɔm, ɛn yu go ɛnjɔy yu slip.

25 Yu nɔ go fred ɛni bad tin we kin jɔs apin lɛk dat.

Yu nɔ go fred big trɔbul we de kam pan di wikɛd wan dɛn lɛk big briz.

26 Na Jiova go gi yu kɔnfidɛns;

I go protɛkt yu fut frɔm trap.

27 Du gud to di wan dɛn we yu fɔ du am to,

If yu ebul fɔ ɛp dɛn.

29 Nɔ plan bad fɔ yu neba

We i tink se i sef we i de wit yu.

30 Nɔ mek plaba wit pɔsin fɔ no rizin

If i nɔ du bad to yu.

31 Nɔ jɛlɔs pɔsin we lɛk fɛt-fɛt

Ɛn nɔ falamakata am pan ɛnitin we i de du,

32 Bikɔs Jiova et pɔsin we kɔni,

Bɔt i gɛt tayt padi biznɛs wit pɔsin we de du tin tret.

33 Jiova in swɛ de pan di wikɛd wan in os,

Bɔt I de blɛs di wan we de du wetin rayt in os.

34 I de laf di wan dɛn we de provok,

Bɔt i lɛk di wan dɛn we ɔmbul.

35 Di wan dɛn we gɛt sɛns go gɛt ɔnɔ,

Bɔt di wan dɛn we ful de valyu tin dɛn we nɔ gɛt ɔnɔ.

4  Mi pikin dɛn, una lisin to una papa in kɔrɛkshɔn;

Una pe atɛnshɔn fɔ mek una ebul ɔndastand,

 2 Bikɔs a go gi una gud advays;

Una nɔ tɔn una bak pan mi tichin.*

 3 Mi na bin pikin we de obe mi papa

Ɛn na mi, mi mama bin rili lɛk.

 7 Sɛns na di tin we impɔtant pas ɔl, so bay sɛns,

Ɛn pan ɔl di tin dɛn we yu de tray fɔ bay, bay ɔndastandin.

 9 I go put fayn rawnd tin we dɛn dɛkɔret na yu ed;

I go put fayn fayn krawn pan yu.”

10 Lisin mi pikin, ɛn du wetin a de tɛl yu.

Ɛn yu go gɛt lɔng layf.

11 A go tich yu fɔ mek yu gɛt sɛns;

A go gayd yu so dat yu go du wetin rayt.

12 We yu waka, natin nɔ go blɔk yu we;

If yu rɔn, yu nɔ go bɔk yu fut.

14 Nɔ go na di wikɛd pɔsin in rod,

Ɛn nɔ waka usay di wan dɛn we de du bad de waka.

15 Avɔyd da rod de, nɔ waka de;

Nɔ gri fɔ pas de ɛn bay-pas am.

17 Dɛn de fid dɛnsɛf wit wikɛdnɛs we tan lɛk it to dɛn,

Ɛn dɛn lɛk fɛt-fɛt we tan lɛk wayn to dɛn.

18 Bɔt di rod usay di wan we de du wetin rayt de waka tan lɛk brayt layt na mɔnin

We de kɔntinyu fɔ brayt mɔ ɛn mɔ sote doklin fayn fayn wan.

19 Di wikɛd wan dɛn rod tan lɛk daknɛs;

Dɛn nɔ de no wetin de mek dɛn fɔdɔm.

20 Mi pikin, pe atɛnshɔn to mi wɔd dɛn;

Tek tɛm lisin* to wetin a de se.

21 Nɔ pul yu atɛnshɔn pan dɛn;

Kip dɛn dip insay yu at,

22 Bikɔs dɛn de gi layf to di wan dɛn we de fɛn dɛn,

Ɛn dɛn de mek dɛn gɛt wɛlbɔdi.

23 Pan ɔl di tin dɛn we yu fɔ protɛkt, protɛkt yu at,

Bikɔs na frɔm am layf de kɔmɔt.

24 Avɔyd bɛnbɛn tɔk,

Ɛn avɔyd lay lay tɔk dɛn.

25 Luk tret bifo yu,

Kɔntinyu fɔ luk tret bifo yu.

26 Klia di say* usay yu fut de mas,

Ɛn ɔl wetin yu de du go kɔmɔt fayn.

Tek tɛm lisin* fɔ no wetin a ɔndastand,

 2 So dat yu go protɛkt di we aw yu de tink

Ɛn tɔk di kɔrɛkt tin we yu no ɔltɛm.

 3 Wewɔd* uman in tɔk* swit lɛk ɔni,

Ɛn in wɔd dɛn* smut pas ɔyl.

 4 Bɔt na di ɛnd, i bita lɛk bita plant,

Ɛn i shap lɛk sɔd we gɛt tu ɛj.

 7 So naw, mi pikin dɛn, una lisin to mi

Ɛn nɔ tɔn una bak pan wetin a de se.

 8 De fa frɔm da uman de;

Nɔ go nia in os,

 9 So dat yu nɔ go gi yu rɛspɛkt to ɔda pipul dɛn

Ɛn sɔfa fɔ lɔng tɛm;

10 So dat strenja dɛn nɔ go tek ɔl wetin yu gɛt*

Ɛn wetin yu dɔn wok tranga wan fɔ nɔ go go to fɔrina.

11 If nɔto dat, yu go pini we yu de day,

We yu flɛsh ɛn yu bɔdi de rɔtin.

12 Yu go se: “Wetin mek a bin et kɔrɛkshɔn?

13 A nɔ bin lisin to wetin di wan dɛn we de tɛl mi wetin fɔ du de se

Ɔ pe atɛnshɔn to mi ticha dɛn.

14 Mi ɛnd dɔn kam nia

Ɛn i go bi usay ɔl di pipul dɛn de.”

15 Drink wata we na yu yon

Ɛn drink frɛsh wata frɔm yu yon wɛl.

16 Wetin mek yu spriŋ dɛn* fɔ skata na do?

Wetin mek yu watasay fɔ de na pɔblik ples* dɛn?

17 Lɛ dɛn de fɔ yu nɔmɔ,

Ɛn nɔto fɔ yu ɛn strenja dɛn.

18 Lɛ blɛsin de pan yu wɛl,*

Ɛn lɛ yu gladi wit di wɛf we yu gɛt we yu yɔŋ,

20 So mi pikin, wetin mek yu fɔ alaw wewɔd* uman fɔ tek yu atɛnshɔn?

Ɔ wetin mek yu fɔ ɔg bambot* uman ɛn ol am tayt?

21 Jiova de si di tin dɛn we mɔtalman de du;

I de tek tɛm wach ɔl in we dɛn.

22 Di bad tin dɛn we di wikɛd wan de du tan lɛk trap fɔ am,

Ɛn in sin dɛn tan lɛk rop we de tay tay am.

23 I go day bikɔs i nɔ tek kɔrɛkshɔn,

Ɛn i go go di rɔng we bikɔs i fulish pasmak.

6 Mi pikin, if yu dɔn gi garanti fɔ yu neba in dɛt,

If yu dɔn mek agrimɛnt wit strenja,*

 2 If yu prɔmis dɔn tan lɛk trap fɔ yu,

Ɔ di tin dɛn we yu tɔk dɔn put yu pan trɔbul,

 3 Mi pikin, du dis ɛn fri yusɛf,

Bikɔs yu dɔn fɔdɔm na yu neba in an:

 4 Yu nɔ fɔ slip,

Ɛn yu nɔ fɔ lɔk yu yay sote yu du am.

 5 Fri yusɛf lɛk we gezɛl* de kɔmɔt na ɔntinman in an,

Ɔ lɛk we bɔd de kɔmɔt na di wan we kech am in an.

 6 Yu we lezi, go to di anch;

Luk aw i de du tin, ɛn yu go gɛt sɛns.

 7 Pan ɔl we i nɔ gɛt kɔmanda, ɔfisa, ɔ rula,

 8 I de pripia in it insay dray sizin,

Ɛn avɛst tɛm, i de gɛda in it dɛn.

10 Slip smɔl, sɛt yu yay smɔl,

Fol yu an smɔl fɔ rɛst,

11 Ɛn po go kam pan yu lɛk tifman,

Dɔn di tin we yu want go kam pan yu lɛk man we ol wɛpɔn.

12 Man we yuslɛs ɛn wikɛd de waka waka de tɔk lay lay tɔk;

13 I de wink in yay, mek sayn wit in fut, ɛn pɔynt wit in finga dɛn.

14 Bad tin dɛn ful-ɔp in at

Bikɔs ɔltɛm i de plan bad ɛn de kɔz trɔbul.

15 So trɔbul go kam pan am wantɛm wantɛm;

Insay shɔt tɛm, dɛn go dɔnawe wit am kpatakpata.

16 Siks tin dɛn de we Jiova et;

Sɛvin tin dɛn de we i* et bad bad wan:

17 Prawd, tɔŋ we de lay, an dɛn we de kil inosɛnt pɔsin,

18 At we de plan wikɛd tin dɛn, ɛn fut we de rɔn kwik kwik wan fɔ go du bad,

19 Witnɛs we de lay ɛnitɛm we i de tɔk,

Ɛn ɛnibɔdi we de sɛtfaya brɔda dɛn.

20 Mi pikin, obe yu papa in lɔ,

Ɛn nɔ tɔn yu bak pan wetin yu mama de tɛl yu.

21 Rap dɛn rawnd yu at ɔltɛm;

Tay dɛn rawnd yu nɛk.

22 We yu de waka, i go lid yu;

We yu ledɔm, i go protɛkt yu,

Ɛn we yu wek, i go tɔk to yu.*

23 Di kɔmandmɛnt na lamp,

Di lɔ na layt.

Kɔrɛkshɔn ɛn disiplin de mek pɔsin gɛt layf.

24 Dɛn go protɛkt yu frɔm bad uman,

Ɛn di swit tɔk dɛn we bambot* uman de tɔk.

25 Nɔ want am na yu at bikɔs ɔf di we aw i fayn

Ɔ alaw am fɔ tek yu atɛnshɔn bikɔs ɔf di we aw in yay dɛn fayn,

26 Raregal de mek man po te na bred nɔmɔ i go ebul fɔ bay,

Bɔt ɔda man in wɛf de put layf* we valyu pan denja.

29 Na di sem tin go apin to ɛnibɔdi we slip wit in neba in wɛf;

Ɛnibɔdi we tɔch am nɔ go go fri.

30 Pipul dɛn nɔ de et tifman

If i tif fɔ satisfay insɛf we i angri.

31 Bɔt we dɛn kech am, i go pe bak sɛvin tɛm;

I go gi ɔl di valyu tin dɛn na in os.

32 Ɛnibɔdi we lɛf in wɛf ɛn go du mami ɛn dadi biznɛs wit ɔda uman nɔ gɛt sɛns;

Di pɔsin we de du dat de briŋ trɔbul pan insɛf.

33 Na soso wund i go gɛt; i nɔ go gɛt wan rɛspɛkt,

Ɛn in disgres nɔ go kɔmɔt pan am.

34 Jɛlɔs de mek maredman vɛks bad bad wan;

I nɔ go sho wan sɔri-at we i de rivɛnj.

35 I nɔ go tek ɛni pe;

In at nɔ go kol, ilɛk yu gi am big gift.

7  Mi pikin, du wetin a de se

Ɛn valyu mi kɔmandmɛnt dɛn.

 2 Obe mi kɔmandmɛnt dɛn ɛn liv;

Protɛkt wetin a de tɛl yu* lɛk yu bɔlyay.

 3 Tay dɛn rawnd yu finga dɛn;

Rayt dɛn na yu at.

 5 Fɔ protɛkt yu frɔm wewɔd* uman,

Ɛn frɔm bambot* uman ɛn in swit wɔd dɛn.

 6 A bin de luk na di winda na mi os,

Dɔn a luk dɔŋ,

 7 Ɛn as a bin de wach di wan dɛn we nɔ gɛt ɛkspiriɛns,

A notis pan di yɔŋ wan dɛn wan yɔŋman we nɔ gɛt sɛns.

 8 I pas na di strit nia di uman in kɔna,

Ɛn i waka go na di say usay in os de.

 9 I pas de we di san go dɔŋ, we ivintɛm dɔn rich,

We nɛt de kam ɛn di ples dɔn bigin dak.

10 Dɔn a si wan uman go mit am,

I drɛs lɛk raregal, ɛn i kɔni.

12 Wan minit i de na do, di ɔda minit i de na pɔblik ples* dɛn;

I lɛk fɔ tinap nia dɛn kɔna dɛn.

13 I grip am ɛn kis am;

I nɔ shem fɔ tɛl am se:

15 Na dat mek a kam fɔ mit yu,

Fɔ luk fɔ yu, ɛn a dɔn si yu!

16 A dɔn prɛd mi bed wit fayn klos,

Linin we gɛt difrɛn difrɛn kɔlɔ dɛn frɔm Ijipt.

18 Kam, lɛ wi satisfay wit wi lɔv te mɔnin;

Lɛ wi ɛnjɔy swit lɔv togɛda.

19 Mi man nɔ de na os;

I dɔn travul go fa.

20 I go wit wan bag mɔni,

Ɛn i nɔ go kam bak te leta insay di mɔnt.”

22 Wantɛm wantɛm, i bigin fɔ fala am lɛk man kaw we dɛn de go kil,

Lɛk fulman we dɛn tay wit chen fɔ pɔnish am,

23 Te aro chuk in liva;

Lɛk bɔd we de rɔsh go insay trap, i nɔ no se na de i go lɔs in layf.*

24 So naw, mi pikin dɛn, una lisin to mi;

Una pe atɛnshɔn to wetin a de tɔk.

Nɔ mistek go usay i de,

26 Bikɔs i dɔn mek bɔku pipul dɛn dɔn day

Ɛn di wan dɛn we i dɔn kil rili bɔku.

27 In os de go to di Grev;*

I de go na di ples* usay dayman dɛn de.

 2 I de na di il dɛn nia di rod,

I tinap na di jɔnkshɔn dɛn.

 3 I tinap nia di get dɛn we de go insay di siti,

Na di domɔt dɛn,

I de kray lawd lawd wan se:

 4 “E pipul dɛn, a de kɔl una;

A de es mi vɔys mek ɔlman* yɛri.

 5 Una we nɔ gɛt ɛkspiriɛns, una lan aw fɔ gɛt sɛns;

Una we ful, una tray fɔ gɛt at we de ɔndastand.

 6 Lisin, bikɔs wetin a de tɔk impɔtant,

Mi lip dɛn de tɔk wetin rayt;

 7 Mi mɔt de tek tɛm tɔk wetin tru,

Ɛn mi lip dɛn et wetin wikɛd.

 9 Dɛn ɔl klia fɔ di wan we de ɔndastand,

Dɛn kɔrɛkt to di wan dɛn we dɔn no sɔntin.

10 Tek mi kɔrɛkshɔn, nɔ tek silva;

Tray fɔ no sɔntin, nɔ tray fɔ gɛt di gold we fayn pas ɔl,

11 Bikɔs sɛns bɛtɛ pas koral* dɛn;

No ɔda valyu tin nɔ de kɔmpia to am.

12 Mi, we na sɛns, de togɛda wit ɔndastandin;

A dɔn no ɛn ebul fɔ tink fayn fayn wan.

14 A gɛt gud advays ɛn de du tin wit sɛns;

A gɛt pawa ɛn ebul fɔ ɔndastand.

15 Na mi de mek kiŋ dɛn kɔntinyu fɔ rul,

Ɛn na mi de mek di wan dɛn we gɛt ay pozishɔn mek lɔ dɛn we rayt.

16 Na mi de mek prins dɛn kɔntinyu fɔ rul,

Ɛn na mi de mek impɔtant pipul dɛn jɔj di rayt we.

17 A lɛk di wan dɛn we lɛk mi,

Ɛn di wan dɛn we de luk fɔ mi go si mi.

18 Jɛntri, glori, valyu tin dɛn we de las,

Ɛn fɔ du wetin rayt de wit mi.

19 Di frut dɛn we a de bia bɛtɛ pas gold, dɛn ivin bɛtɛ pas gold we dɛn dɔn klin,

Ɛn di frut dɛn we a de bia bɛtɛ pas di bɛst silva.

20 A de waka na di rod fɔ du wetin rayt,

Midul usay jɔstis de;

21 A de gi valyu tin dɛn to di wan dɛn we lɛk mi,

Ɛn a de ful-ɔp dɛn stɔ dɛn.

22 Na mi fɔs Jiova mek,

Di fɔs gud tin we i du trade trade.

23 A bin de frɔm trade trade,

Frɔm di stat, frɔm di tɛm bifo di wɔl.

24 I mek mi* di tɛm we no dip wata nɔ bin de,

We no spriŋ* nɔ bin de rɔn wit wata.

25 I mek mi bifo di mawntin dɛn,

Ɛn a bin dɔn de bifo i mek di il dɛn,

26 We i nɔ bin dɔn mek di wɔl ɛn di land dɛn

Ɔ di fɔs dɔti na di grɔn.

27 A bin de we i mek di ɛvin;

We i mak di bawndri* bitwin di skay ɛn di wata,

28 We i mek di klawd we de ɔp,

We i mek di say dɛn usay dip wata de,

29 We i mek lɔ fɔ di si

Se in wata nɔ fɔ pas usay i se i fɔ stɔp,

We i mek di fawndeshɔn fɔ di wɔl,

30 A bin de wit am as pɔsin we sabi wok.

Na mi na bin di wan we i rili lɛk ɔltɛm;

A bin de gladi bifo am ɛvride;

31 A bin gladi fɔ di wɔl we i mek fɔ lɛ mɔtalman dɛn de de,

Ɛn a bin rili lɛk mɔtalman.*

32 Naw, mi pikin dɛn, una lisin to mi.

Di wan dɛn we de du wetin a se go gladi.

33 Lisin to kɔrɛkshɔn ɛn gɛt sɛns,

Ɛn nɔ ɛva tɔn yu bak pan am.

34 Di man we de lisin to mi gladi

Bay we i de kam ali na mi domɔt ɛvride,

Bay we i de wet nia mi domɔt;

35 Bikɔs di wan we de fɛn mi go gɛt layf,

Ɛn Jiova go gladi fɔ am.

36 Bɔt di wan we nɔ de lisin to mi go ambɔg insɛf,

Ɛn di wan dɛn we et mi, lɛk day.”

9  Tru tru sɛns dɔn bil in os;

I dɔn mek* in sɛvin pila dɛn.

 2 I dɔn pripia* in bif fayn fayn wan;

I dɔn miks in wayn,

Ɛn i dɔn arenj in tebul.

 3 I dɔn sɛn in uman savant dɛn

Fɔ ala frɔm di say dɛn we ay na di siti se:

 5 “Kam, it mi bred

Ɛn jɔyn mi fɔ drink di wayn we a dɔn miks.

 6 Stɔp fɔ bi pɔsin we nɔ gɛt ɛkspiriɛns* ɛn liv;

Waka na di rod we go mek pɔsin ɔndastand.”

 7 Di wan we de kɔrɛkt pɔsin we lɛk fɔ provok de briŋ disgres pan insɛf,

Ɛn ɛnibɔdi we de kɔrɛkt pɔsin we wikɛd go ambɔg insɛf.

10 Fɔ fred Jiova na di fɔs tin we pɔsin fɔ du fɔ gɛt sɛns,

Ɛn fɔ no di Wan We Oli pas Ɔl de mek pɔsin ɔndastand.

11 A go mek yu liv lɔng,

Ɛn a go ad mɔ tɛm to yu layf.

12 If yu gɛt sɛns, yu sɛns go bɛnifit yu;

Bɔt if yu na pɔsin we lɛk fɔ provok, na yu wan go sɔfa fɔ dat.

14 I sidɔm bifo in os,

Na wan sidɔmples na di ay ples dɛn na di siti.

15 I de ala to di wan dɛn we de pas,

Ɛn di wan dɛn we de waka de go usay dɛn de go se:

17 “Wata we dɛn tif swit,

Ɛn pɔsin de ɛnjɔy fud we i de ayd fɔ it.”

18 Bɔt dɛn nɔ no se na dayman dɛn de na in os,

Di wan dɛn we de go fɛn am de dɔŋ di Grev.*

Pikin we gɛt sɛns de mek in papa gladi,

Bɔt pikin we ful de mek in mama in at pwɛl.

 2 Di jɛntri we wikɛd pɔsin de gɛt nɔ go bɛnifit am,

Bɔt fɔ du wetin rayt go mek pɔsin nɔ day.

 3 Jiova nɔ go mek pɔsin we de du wetin rayt angri,

Bɔt i go mek pɔsin we wikɛd nɔ gɛt wetin i rili want.

 4 An we aydul de briŋ kam po,

Bɔt an we de wok tranga wan de briŋ kam jɛntri.

 5 Pikin we de du tin wit sɛns de gɛda plant dɛn insay dray sizin,

Bɔt pikin we nɔ gɛt shem de slip dip dip wan di tɛm fɔ avɛst.

 6 Blɛsin de pan di wan we de du wetin rayt,

Bɔt di wikɛd wan in mɔt de ayd fɛt-fɛt.

 7 Di tin we dɛn de mɛmba* bɔt pɔsin we de du wetin rayt go briŋ kam blɛsin,

Bɔt wikɛd pɔsin in nem go rɔtin.

 8 Pɔsin we gɛt sɛns go gri fɔ lɛ dɛn tɛl am wetin fɔ du,

Bɔt di wan we de tɔk fulish tin dɛn go sɔfa fɔ dat.

 9 Di wan we de du tin tret wan go waka sef,

Bɔt dɛn go kech di wan we de du tin bɛnbɛn we.

10 Di wan we de wink in yay kɔni we de briŋ pwɛlat,

Ɛn di wan we de tɔk fulish tin dɛn go sɔfa fɔ dat.

11 Di wan we de du wetin rayt in mɔt de gi layf,

Bɔt di wikɛd wan in mɔt de ayd fɛt-fɛt.

12 Na etrɛd de kam wit plaba,

Bɔt lɔv de kɔba ɔlkayn sin.

13 Sɛns de na di wan we de tink gud gud wan in lip,

Bɔt ken de fɔ di wan we nɔ gɛt sɛns in bak.

14 Di wan dɛn we gɛt sɛns lɛk fɔ no sɔntin.

Bɔt di wan we ful in mɔt de briŋ kam trɔbul.

16 Di tin dɛn we di wan we de du wetin rayt de du, de mek i gɛt layf,

Bɔt di tin dɛn we di wikɛd wan de du de mek i sin.

17 Di wan we de tek kɔrɛkshɔn tan lɛk rod we de gi layf,*

Bɔt di wan we de tɔn in bak pan kɔrɛkshɔn de mek ɔda pipul dɛn go di rɔng we.

18 Di wan we de ayd di et we i et pɔsin de lay,

Ɛn di wan we de tɔk bad tin dɛn* bɔt ɔda pɔsin nɔ gɛt sɛns.

19 Pɔsin we de tɔk bɔku, go mɔs mek mistek,

Bɔt ɛnibɔdi we de kɔntrol wetin i de tɔk de du tin wit sɛns.

20 Wetin di wan we de du wetin rayt de tɔk tan lɛk di bɛst silva,

Bɔt di wikɛd wan in at nɔ gɛt bɛtɛ valyu.

21 Di tin dɛn we di wan we de du wetin rayt de tɔk de bɛnifit* bɔku pipul dɛn,

Bɔt pɔsin we fulish go day bikɔs i nɔ gɛt sɛns.

22 Na Jiova in blɛsin de mek pɔsin jɛntri,

Ɛn I nɔ de ad no pen* pan am.

23 Fɔ put an pan shemful tin tan lɛk gem to fulman,

Bɔt sɛns de fɔ di pɔsin we de tink gud gud wan fɔ ɔndastand.

24 Di tin we wikɛd pɔsin de fred go apin to am,

Bɔt di wan we de du wetin rayt go gɛt wetin i want.

25 We big big briz blo ɛn ɛvi ren kam, i de kɛr di wikɛd wan go,

Bɔt di wan we de du wetin rayt tan lɛk fawndeshɔn we go de sote go.

26 Jɔs lɛk viniga na pɔsin in tit ɛn smok na pɔsin in yay,

Na so lezi pɔsin tan to di wan we sɛn am.*

27 Fɔ fred Jiova de mek pɔsin gɛt lɔng layf,

Bɔt di wan we wikɛd go day kwik.

28 Di tin we di wan we de du wetin rayt de ɛkspɛkt* de mek i gladi,

Bɔt di wikɛd wan nɔ go gɛt wetin i op fɔ.

29 Di we aw Jiova de du tin tan lɛk sef ples fɔ di wan we nɔ gɛt wan fɔlt,

Bɔt i min trɔbul fɔ di wan we de du bad.

30 Natin nɔ go ɛva mek di wan we de du wetin rayt fɔdɔm,

Bɔt di wikɛd wan nɔ go de igen na di wɔl.

31 Wetin di wan we de du wetin rayt de tɔk de gi sɛns,

Bɔt dɛn go dɔnawe wit di wan we de tɔk tin we nɔ rayt.

32 Di wan we de du wetin rayt no aw fɔ tɔk fayn tin,

Bɔt di wikɛd wan de tɔk tin we nɔ rayt.

11 Jiova rili et skel we pɔsin de yuz fɔ kruk,

Bɔt wet we kɔrɛkt de mek I gladi.

 2 We pɔsin du sɔntin we i nɔ gɛt rayt fɔ du, disgres go mit am,

Bɔt di wan dɛn we ɔmbul gɛt sɛns.

 3 We di wan dɛn we de du wetin rayt de waka tret, na dat de gayd dɛn.

Bɔt di bɛnbɛn tin dɛn we di wan dɛn we de kɔmɔt biɛn pɔsin de du, na dat go dɔnawe wit dɛn.

 4 Jɛntri* nɔ gɛt ɛni bɛnifit di de we big trɔbul go de,

Bɔt di rayt tin we pɔsin de du go mek i nɔ day.

 5 We di wan we nɔ gɛt wan fɔlt de du wetin rayt, dat de mek in we klia.

Bɔt di wikɛd wan go fɔdɔm bikɔs ɔf in yon wikɛdnɛs.

 6 We di wan dɛn we de waka tret du wetin rayt, na dat go sev dɛn.

Bɔt na di tin dɛn we di wan dɛn we de pan bɛnbɛn want, go tan lɛk trap fɔ dɛn.

 7 We wikɛd pɔsin day, di tin dɛn we i abop pan de day wit am;

Wetin i de ɛkspɛkt bikɔs ɔf in pawa de day wit am.

 8 Dɛn go pul di wan we de du wetin rayt pan trɔbul,

Ɛn di wikɛd wan go tek in ples.

 9 Pɔsin we dɔn tɔn in bak pan Gɔd* de yuz in mɔt fɔ pwɛl in neba,

Bɔt na di tin dɛn we di wan dɛn we de du wetin rayt no na in go sev dɛn.

10 Di gud tin dɛn we di wan we de du wetin rayt de du de mek di siti gladi,

Ɛn we di wan we wikɛd day, gladi gladi kin de.

11 Bikɔs ɔf di wan we de du wetin rayt in blɛsin,* di siti go gɛt ɔnɔ;

Bɔt di wikɛd wan go yuz in mɔt fɔ pwɛl am.

12 Ɛnibɔdi we nɔ gɛt sɛns et in neba,

Bɔt pɔsin we de rili ɔndastand nɔ de tɔk natin.

13 Pɔsin we de pwɛl ɔda pɔsin in nem de go ɛn tɔk tin we na sikrit,

Bɔt pɔsin we pipul dɛn trɔst* de kip sikrit.*

14 We gud advays nɔ de, pipul dɛn de fɔdɔm;

Bɔt usay bɔku pipul dɛn de we de gi advays di pipul dɛn de go bifo.*

15 Ɛnibɔdi we gi garanti fɔ strenja in dɛt go mɔs gɛt trɔbul,

Bɔt ɛnibɔdi we avɔyd* fɔ mek agrimɛnt go sef.

16 Uman we gud ɛn fayn de gɛt prez,

Bɔt man dɛn we wikɛd de tek jɛntri bay fos.

17 Gud man* de bɛnifit insɛf,*

Bɔt pɔsin we wikɛd de briŋ trɔbul* pan insɛf.

18 Pɔsin we wikɛd de gɛt pemɛnt we nɔ gɛt wan valyu,

Bɔt di wan we de du wetin rayt go gɛt rial bɛnifit.

19 Di wan we de tinap tranga wan fɔ du wetin rayt go gɛt layf,

Bɔt di wan we de rɔnafta bad go day.

20 Jiova rili et di wan dɛn we kruk,

Bɔt i de gladi fɔ di wan dɛn we nɔ gɛt wan fɔlt.

21 Biliv dis: Pɔsin we wikɛd go mɔs gɛt pɔnishmɛnt,

Bɔt di wan we de du wetin rayt in pikin dɛn go ɛskep.

22 Fayn uman we nɔ gri fɔ gɛt sɛns

Tan lɛk gold riŋ na ɔg in nos.

23 Wetin pɔsin we de du wetin rayt want de mek gud tin apin,

Bɔt wetin wikɛd pɔsin de op fɔ de briŋ kam trɔbul.

24 Wan pɔsin gɛt fri-an, ɛn i ɛnd-ɔp fɔ gɛt mɔ;

Ɔda pɔsin nɔ gri fɔ gi wetin fɔ gi, bɔt i ɛnd-ɔp pan po.

25 Pɔsin* we gɛt fri-an go go bifo,*

Ɛn ɛnibɔdi we de mek ɔda pipul dɛn fil fayn,* dɛn go mek insɛf fil fayn.

26 Pipul dɛn go swɛ di wan we de ayd tin fɔ it,

Bɔt dɛn go blɛs di wan we de sɛl am.

27 Di wan we de tray tranga wan fɔ du gud, bɛtɛ go fala am;

Bɔt di wan we de fɛn bad na bad tin go mɔs apin to am.

28 Di wan we de abop pan in jɛntri go fɔdɔm,

Bɔt di wan we de du wetin rayt go frɛsh lɛk grin lif.

29 Ɛnibɔdi we de briŋ trɔbul* na in os, na briz go bi in bɛnifit;

Fulman go bi savant to di wan we gɛt sɛns.

30 Tin we di wan we de du wetin rayt de du tan lɛk tik we de gi layf,

Ɛn di wan we de ɛp ɔda pipul* dɛn fɔ du wetin rayt gɛt sɛns.

31 If di wan we de du wetin rayt na di wɔl de gɛt pe fɔ wetin i du,

Na di sem tin bak go apin to di wikɛd wan ɛn di sina!

12 Di wan we lɛk disiplin lɛk fɔ no sɔntin,

Bɔt di wan we et kɔrɛkshɔn nɔ gɛt sɛns.

 2 Jiova de gladi fɔ gud pɔsin,

Bɔt i de kɔndɛm pɔsin we de plan wikɛd tin dɛn.

 3 Wikɛdnɛs nɔ go protɛkt ɛnibɔdi,

Bɔt di wan we de du wetin rayt go kɔntinyu fɔ tinap tranga wan.

 4 Gud wɛf tan lɛk krawn to in man,

Bɔt wɛf we de du shemful tin dɛn tan lɛk sik we de mek in man in bon dɛn rɔtin.

 5 Di wan we de du wetin rayt de tink fia wan,

Bɔt di advays we wikɛd pɔsin de gi na fɔ ful ɔda pɔsin.

 6 Di tin dɛn we wikɛd pɔsin de tɔk tan lɛk bad bad ambush,*

Bɔt di wan dɛn we de du wetin rayt na dɛn mɔt go sev dɛn.

 7 We dɛn pul di wikɛd wan dɛn, dɛn nɔ go de igen,

Bɔt di wan dɛn we de du wetin rayt, dɛn os go kɔntinyu fɔ de.

 8 Dɛn go prez pɔsin fɔ di sɛns tin dɛn we de kɔmɔt na in mɔt,

Bɔt dɛn go et pɔsin we kɔrɔpt.

 9 I bɛtɛ fɔ bi pɔsin we dɛn nɔ de gi bɛtɛ rɛspɛkt ɛn fɔ gɛt savant,

Pas fɔ mek pɔsin es insɛf ɔp ɛn nɔ gɛt tin fɔ it.*

10 Di wan we de du wetin rayt de kia fɔ di animal dɛn we i de mɛn,

Bɔt di wikɛd wan in sɔri-at na wikɛdnɛs.

11 Di wan we de plant na in land go satisfay wit tin fɔ it,

Bɔt di wan we de rɔnafta tin dɛn we nɔ gɛt valyu nɔ gɛt sɛns.

12 Wikɛd pɔsin de milɛ wetin ɔda bad pipul dɛn dɔn gɛt,

Bɔt di wan we de du wetin rayt tan lɛk tik we gɛt dip rut we de bia gud frut.

13 Di bad tin we wikɛd pɔsin de tɔk tan lɛk trap fɔ am,

Bɔt di wan we de du wetin rayt de ɛskep trɔbul.

14 Na di tin dɛn we pɔsin de tɔk de mek i satisfay wit gud tin dɛn,

Ɛn di tin dɛn we i de du wit in an go bɛnifit am.

15 Di tin we fulman want fɔ du fayn na in yay,

Bɔt di wan we gɛt sɛns de tek advays.

16 Fulman kwik fɔ sho se i vɛks,*

Bɔt pɔsin we gɛt sɛns nɔ de vɛks we pɔsin du am bad.

17 Di wan we de tɔk di kɔrɛkt tin we apin go tɔk tru,*

Bɔt ɛni witnɛs we de lay de tɔk tin we nɔ kɔrɛkt.

18 We pɔsin nɔ tink bifo i tɔk tan lɛk we dɛn de chuk pɔsin wit sɔd,

Bɔt we pɔsin we gɛt sɛns de tɔk, i tan lɛk we dɛn de mɛn pɔsin.

19 Pɔsin we de tɔk tru go de sote go,

Bɔt pɔsin we de lay go jɔs de fɔ shɔt tɛm nɔmɔ.

20 Na soso lay lay de na di wan dɛn we de plan bad dɛn at,

Bɔt di wan dɛn we de tray fɔ mek* pis gɛt gladi-at.

21 No bad tin nɔ go apin to di wan dɛn we de du wetin rayt,

Bɔt di wan dɛn we wikɛd go gɛt soso trɔbul.

22 Jiova rili et pɔsin we de lay,

Bɔt di wan dɛn we de du tin fetful wan de mek i gladi.

23 Pɔsin we gɛt sɛns de ayd wetin i no,

Bɔt fulman de tɔk di ful tin dɛn we de na in at.

24 Di wan dɛn we de wok tranga wan go rul,

Bɔt di wan dɛn we aydul, dɛn go fos dɛn fɔ wok.

25 Wɔri de mek pɔsin in at pwɛl,

Bɔt gud wɔd kin mek i fil fayn.

26 Di wan we de du wetin rayt de tek tɛm luk fɔ land fɔ in animal dɛn,

Bɔt di we aw di wikɛd wan dɛn de biev de mek dɛn go di rɔng we.

27 Pɔsin we lezi nɔ de rɔnafta animal fɔ it am,

Bɔt fɔ wok tranga wan na sɔntin we rili valyu fɔ mɔtalman.

28 Fɔ du wetin rayt tan lɛk rod we de gi layf,

Ɛn di wan we de waka de nɔ go day.

13  Pikin we gɛt sɛns de lisin to in papa in disiplin,

Bɔt di wan we nɔ de rɛspɛkt pɔsin nɔ de tek kɔrɛkshɔn.

 2 Di tin we pɔsin de tɔk* go mek i it gud tin,

Bɔt di tin we pɔsin we de kɔmɔt biɛn in kɔmpin rili lɛk na fɛt-fɛt.

 3 Di wan we de tek tɛm wit wetin i de tɔk de protɛkt in layf,*

Bɔt di wan we de opin in mɔt big wan go gɛt trɔbul.

 4 Lezi pɔsin kin want sɔntin, bɔt i nɔ gɛt natin;

Bɔt di wan* we de wok tranga wan go rili satisfay.*

 5 Di wan we de du wetin rayt et lay,

Bɔt di tin dɛn we wikɛd pɔsin de du de briŋ shem ɛn disgres.

 6 Fɔ du wetin rayt de protɛkt di wan we inosɛnt,

Bɔt wikɛdnɛs de ambɔg sina.

 7 Pɔsin de we de mek lɛk i jɛntri, bɔt i nɔ gɛt natin;

Ɔda pɔsin de we de mek lɛk i po, bɔt i gɛt bɔku jɛntri.

 8 Jɛntri na di pe fɔ pɔsin in layf,

Bɔt di pɔsin we po nɔ de fred.

 9 Di wan we de du wetin rayt in layt go shayn brayt wan,*

Bɔt di wikɛd wan dɛn lamp go ɔt.

10 Pɔsin we de du sɔntin we i nɔ gɛt rayt fɔ du jɔs de briŋ kɔnfyushɔn,

Bɔt di wan dɛn we de aks fɔ advays* gɛt sɛns.

11 Jɛntri we pɔsin gɛda kwik kwik wan* go ridyus,

Bɔt jɛntri we pɔsin gɛda smɔl smɔl* go bɔku.

12 We pɔsin de ɛkspɛkt* sɔntin ɛn nɔ gɛt am, dat de mek in at pwɛl;

Bɔt we pɔsin gɛt sɔntin we i rili want, i tan lɛk tik we de gi layf.

13 Ɛnibɔdi we tɔn in bak pan wetin dɛn tɛl am* go sɔfa fɔ dat,

Bɔt di wan we obe di lɔ go bɛnifit.

14 Pɔsin we gɛt sɛns in tichin* de gi layf,

I de mek pɔsin avɔyd di trap dɛn we de mek i day.

15 We pɔsin de tink gud gud wan fɔ ɔndastand, pipul dɛn de lɛk am;

Bɔt di tin we pɔsin we de kɔmɔt biɛn ɔda pɔsin de du de kɔz bɔku prɔblɛm.

16 Pɔsin we gɛt sɛns de du tin akɔdin to wetin i no,

Bɔt fulman de sho se i ful.

17 Wikɛd mɛsenja de gɛt trɔbul,

Bɔt mɛsenja we de du wetin dɛn tɛl am de briŋ kolat.

18 Ɛnibɔdi we nɔ de tek kɔrɛkshɔn go po ɛn disgres,

Bɔt di wan we de tek kɔrɛkshɔn go gɛt glori.

19 We pɔsin gɛt sɔntin we i rili want i de fil fayn,

Bɔt pɔsin we ful lɛk bad.

20 Di wan we de waka wit pɔsin we gɛt sɛns go gɛt sɛns,

Bɔt bad tin go apin to di pɔsin we de miks wit fulman.

21 Trɔbul de biɛn sina dɛn,

Bɔt blɛsin de fɔ di wan dɛn we de du wetin rayt.

22 Gud pɔsin de lɛf prɔpati fɔ in granpikin dɛn,

Bɔt sina in jɛntri go de fɔ di wan we de du wetin rayt.

23 Po pɔsin in fam we i dɔn wok pan de bia bɔku it,

Bɔt sɔntɛm dɛn go tek am na in an bay fos.

24 Ɛnibɔdi we nɔ gri fɔ yuz ken* et in pikin,

Bɔt di wan we lɛk in pikin de kɔrɛkt am gud gud wan.*

25 Di wan we de du wetin rayt de it ɛn bɛlful,

Bɔt wikɛd pɔsin in bɛlɛ ɛmti.

14 Uman we rili gɛt sɛns de bil in os,

Bɔt di wan we ful de pwɛl am wit in yon an.

 2 Di wan we de du tin tret de fred Jiova,

Bɔt di wan we kruk nɔ gɛt wan rɛspɛkt fɔ am.

 3 Di prawd wɔd dɛn we fulman dɛn de tɔk tan lɛk we yu nak pɔsin wit ken,

Bɔt wetin di wan we gɛt sɛns de tɔk go protɛkt dɛn.

 4 We no kaw nɔ de, di say usay dɛn de put it fɔ dɛn de klin;

Bɔt di pawa we man kaw gɛt de mek bɔku bɔku tin de fɔ avɛst.

 5 Witnɛs we de tɔk tru nɔ de lay,

Bɔt witnɛs we nɔ de tɔk tru de lay ɛnitɛm we i de tɔk.

 6 Pɔsin we nɔ gɛt wan rɛspɛkt de fɛn sɛns, ɛn i nɔ go gɛt am;

Bɔt pɔsin we de ɔndastand go no sɔntin izi wan.

 7 Avɔyd fulman,

Bikɔs yu nɔ go gɛt sɛns frɔm wetin i de tɔk.

 8 Di sɛns we sɛnsman gɛt de mek i ɔndastand usay i de go,

Bɔt na di ful we fulman ful na in de ful am.*

 9 Fulman de laf we i du bad,

Bɔt di wan we de du tin tret, rɛdi fɔ mek pis.

10 Na pɔsin nɔmɔ no di pen we de na in at,

Ɛn nɔbɔdi nɔ go no di gladi-at we i gɛt.

11 Dɛn go pwɛl wikɛd pɔsin in os,

Bɔt di wan we de du tin tret in tɛnt go de big mɔ ɛn mɔ.

12 Di tin we pɔsin de du kin luk fayn na in yay,

Bɔt i go mek i ɛnd-ɔp fɔ day.

13 Ivin we pɔsin de laf, pen kin stil de na in at,

Ɛn gladi gladi kin ɛnd-ɔp pan pwɛlat.

14 Di wan we nɔ de tek kɔntrol go gɛt di pe fɔ di tin dɛn we i de du,

Bɔt gud pɔsin go gɛt blɛsin fɔ wetin i de du.

15 Di wan we nɔ gɛt ɛkspiriɛns de biliv ɛnitin we dɛn tɛl am,

Bɔt di wan we gɛt sɛns de tink bifo i mas.

16 Di wan we gɛt sɛns de tek tɛm, ɛn i de avɔyd tin we bad,

Bɔt di wan we nɔ gɛt sɛns nɔ de tek tɛm, ɛn i de mek ova-kɔnfidɛns.

17 Di wan we de vɛks kwik de du tin lɛk fulman,

Bɔt dɛn et pɔsin we de tek tɛm tink bɔt sɔntin.

18 Di wan we nɔ gɛt ɛkspiriɛns in bɛnifit na ful,

Bɔt di wan we gɛt sɛns in bɛnifit na fɔ no sɔntin.

19 Bad pipul dɛn go butu bifo di wan dɛn we gud,

Ɛn di wan dɛn we wikɛd go butu na di wan dɛn we de du wetin rayt dɛn get.

20 We pɔsin po, ivin in neba dɛn de et am,

Bɔt jɛntriman gɛt bɔku padi dɛn.

21 Di wan we nɔ lɛk in neba de sin,

Bɔt ɛnibɔdi we sho sɔri-at to di wan dɛn we pipul dɛn nɔ tek mek natin gɛt gladi-at.

23 Pɔsin we de wok tranga wan go bɛnifit,

Bɔt ɛmti tɔk de mek pɔsin nɔ gɛt natin.

24 Jɛntri tan lɛk krawn to di wan dɛn we gɛt sɛns;

Bɔt fulman go kɔntinyu fɔ ful.

25 Witnɛs we de tɔk tru de sev ɔda pipul dɛn layf,

Bɔt di wan we de ful ɔda pipul dɛn de lay ɛnitɛm we i tɔk.

26 Pɔsin we de fred Jiova rili gɛt kɔnfidɛns,

Ɛn dat go protɛkt in pikin dɛn.

27 Fɔ fred Jiova tan lɛk wata we de gi layf,

I de mek pɔsin avɔyd trap dɛn we de mek i day.

28 Kiŋ we gɛt bɔku bɔku pipul dɛn ɔnda am rili gɛt ɔnɔ,

Bɔt rula we nɔ gɛt pipul dɛn ɔnda am in pawa go dɔn.

29 Di wan we nɔ de vɛks kwik de rili si fa,

Bɔt di wan we nɔ de peshɛnt de sho se i ful.

30 Kolat de mek pɔsin gɛt wɛlbɔdi,

Bɔt fɔ jɛlɔs tan lɛk sik we de mek pɔsin in bon dɛn rɔtin.

31 Di wan we de mek kruk pan pɔsin we pipul dɛn nɔ tek mek natin de fityay di Wan We Mek am,

Bɔt ɛnibɔdi we sho sɔri-at to di wan we po de prez Am.

32 Na di bad tin we wikɛd pɔsin de du na in de mek i fɔdɔm,

Bɔt we pɔsin we de du wetin rayt waka tret, dat go protɛkt am.

33 Pɔsin we de ɔndastand nɔ de tɔk bɔt di sɛns we de na in at,

Bɔt di wan we nɔ gɛt sɛns de tɔk bɔt in yon.

34 Fɔ du wetin rayt de mek neshɔn gɛt prez,

Bɔt sin de disgres pipul dɛn.

35 Kiŋ kin gladi fɔ savant we de du tin wit sɛns,

Bɔt i kin vɛks pan di wan we de du shemful tin dɛn.

15 We pɔsin ansa saful, i de mek ɔda pɔsin nɔ vɛks;

Bɔt ash wɔd de mek pɔsin vɛks.

 2 Pɔsin we gɛt sɛns de tɔk wetin i no,

Bɔt pɔsin we ful de tɔk ful ful tin dɛn.

 3 Jiova in yay de ɔlsay,

I de wach di bad wan dɛn ɛn di gud wan dɛn.

 4 We pɔsin tek tɛm tɔk, i* tan lɛk tik we de gi layf;

Bɔt lay lay tɔk de mek pɔsin fil bad.

 5 Fulman nɔ de tek in papa in disiplin,

Bɔt pɔsin we gɛt sɛns de tek kɔrɛkshɔn.

 6 Bɔku valyu tin dɛn de insay di wan we de du wetin rayt in os,

Bɔt di tin we di wikɛd wan de du de gi am trɔbul.

 7 Pɔsin we gɛt sɛns de tɛl pipul dɛn wetin i no,

Bɔt pɔsin we ful nɔ de du dat.

 8 Jiova rili et wikɛd pɔsin in sakrifays,

Bɔt i lɛk pɔsin we de du wetin rayt in prea.

 9 Jiova rili et wetin wikɛd pɔsin de du,

Bɔt i lɛk di wan we de tray tranga wan fɔ du wetin rayt.

10 Disiplin kin luk bad* to di wan we dɔn lɛf fɔ waka na di rayt rod,

Bɔt ɛnibɔdi we et kɔrɛkshɔn go day.

13 Gladi-at de mek pɔsin smayl,

Bɔt pwɛlat de mek pɔsin nɔ gladi.

14 Pɔsin we ɔndastand de tray fɔ no mɔ,

Bɔt fulman lɛk* ful.

15 Tin kin bad ɔltɛm fɔ pɔsin we de sɔfa,

Bɔt di wan we gɛt gladi-at* de mek pati ɔltɛm.

16 I bɛtɛ fɔ gɛt smɔl ɛn de fred Jiova

Pas fɔ gɛt bɔku jɛntri ɛn de wɔri.*

17 I bɛtɛ fɔ it wan bol vɛjitebul usay lɔv de

Pas fɔ it big kaw usay badat de.

18 Pɔsin we gɛt wamat de briŋ kam prɔblɛm,

Bɔt pɔsin we nɔ kwik fɔ vɛks de mek plaba dɔn.

19 Di say we lezi pɔsin de waka ful-ɔp wit chukchuk,

Bɔt pɔsin we de du tin tret de waka na lɛvul grɔn.

20 Pikin we gɛt sɛns de mek in papa gladi,

Bɔt fulman nɔ gɛt wan rɛspɛkt fɔ in mama.

21 Ful de mek fulman gladi,

Bɔt pɔsin we de tink de waka tret.

22 Pɔsin in plan go fel if i nɔ tɔk to ɔda pɔsin bɔt am,

Bɔt tin go kɔmɔt fayn fɔ pɔsin if i gɛt bɔku pipul dɛn we de advays am.

23 Pɔsin de gladi we i gi di rayt ansa,*

Ɛn wɔd we pɔsin tɔk di rayt tɛm rili fayn.

24 Pɔsin we gɛt sɛns de waka na di rod we de gi layf, dat na, di rod we de go ɔp,

I de avɔyd di rod we de go dɔŋ na di Grev.*

25 Jiova go pwɛl prawd pɔsin in os,

Bɔt i go protɛkt uman we in man dɔn day, in bawndri.

26 Jiova rili et di tin dɛn we wikɛd pɔsin de plan,

Bɔt di gud tin dɛn we pɔsin de tɔk tan lɛk sɔntin we klin to am.

27 Pɔsin we de mek prɔfit bay kruk go briŋ trɔbul* pan di wan dɛn na in os,

Bɔt pɔsin we et brayb go kɔntinyu fɔ liv.

28 Pɔsin we de du wetin rayt de tink bifo i ansa,*

Bɔt na soso bad tin dɛn de kɔmɔt na wikɛd pɔsin in mɔt.

29 Jiova de fa frɔm wikɛd pɔsin,

Bɔt i de yɛri di wan we de du wetin rayt in prea.

30 We pɔsin gladi fɔ si yu, dat de mek yu gladi;

Gud ripɔt de mek pɔsin gɛt trɛnk.*

31 Di wan we de tek kɔrɛkshɔn we de gi layf

De wit pipul dɛn we gɛt sɛns.

32 Ɛnibɔdi we nɔ gri fɔ tek disiplin et in layf,

Bɔt ɛnibɔdi we de tek kɔrɛkshɔn go ɔndastand.

33 Fɔ fred Jiova tan lɛk trenin we de mek pɔsin gɛt sɛns,

Ɛn if pɔsin put insɛf dɔŋ, i go gɛt glori.

16 Pɔsin kin pripia wetin de na in at,*

Bɔt di ansa we i de gi* na frɔm Jiova.

 2 Ɔl wetin pɔsin de du kin luk fayn* to am,

Bɔt Jiova de chɛk di rizin we mek pɔsin du sɔntin.

 3 Lɛf ɛnitin we yu de du to Jiova,

Ɛn yu plan dɛn go kɔmɔt fayn.

 4 Jiova dɔn mek ɔltin fɔ lɛ wetin i want bi,

I go mek shɔ se i dɔnawe wit di wan dɛn we wikɛd di de we trɔbul go kam.

 6 Fɔ gɛt lɔv we nɔ de chenj ɛn fɔ fetful, dat de mek pɔsin fɔgiv sin,

Ɛn fɔ fred Jiova, dat de mek pɔsin avɔyd bad.

 7 We Jiova gladi wit wetin pɔsin de du,

I de mek ivin in ɛnimi dɛn sɛf nɔ gɛt prɔblɛm wit am.

 8 I bɛtɛ fɔ gɛt smɔl ɛn du wetin rayt

Pas fɔ gɛt bɔku mɔni ɛn nɔ du wetin rayt.

 9 Pɔsin kin plan wetin i want fɔ du na in at,

Bɔt na Jiova de dayrɛkt aw i de waka.

10 Na di tin dɛn we Gɔd de disayd na in kiŋ fɔ de tɔk;

I fɔ de du tin fia wan ɔltɛm.

11 Kɔrɛkt skel ɛn tin dɛn we dɛn de yuz fɔ we kɔmɔt frɔm Jiova;

Na in put di tin dɛn we gɛt wet insay di bag.

12 Kiŋ dɛn rili et wikɛd tin dɛn,

Bikɔs dɛn tron go tinap tranga wan we dɛn du wetin rayt.

14 We di kiŋ vɛks, dɛn kin kil pɔsin.

Bɔt pɔsin we gɛt sɛns kin mek in at kol.*

15 We kiŋ gladi, i tan lɛk sɔntin we de gi layf;

We i lɛk pɔsin, i tan lɛk klawd we de briŋ ren di rayt tɛm.*

18 Pɔsin we prawd nɔ go ɛnd fayn,

Ɛn prawd pɔsin go fɔdɔm.

19 I bɛtɛ fɔ put yusɛf dɔŋ* midul pipul dɛn we ɔmbul

Pas fɔ sheb jɛntri wit di wan dɛn we prawd.

20 Tin go kɔmɔt fayn fɔ pɔsin we tink gud wan bɔt sɔntin,

Ɛn di wan we abop pan Jiova gɛt gladi-at.

21 Pɔsin we gɛt sɛns na pɔsin we de ɔndastand,

Ɛn di wan we de yuz fayn wɔd dɛn fɔ tɔk* de mek ɔda pipul dɛn biliv.

22 Sɛns tan lɛk wata we de gi layf to di wan dɛn we gɛt am,

Bɔt fulman dɛn yon ful na in de kɔrɛkt dɛn.

23 Pɔsin we gɛt sɛns de pik wetin i de tɔk,

Ɛn di tin dɛn we i de tɔk de mek pɔsin biliv.

24 Fayn tɔk tan lɛk ɔni,

I swit, ɛn i de mɛn di bon dɛn.

25 Di tin we pɔsin de du kin luk fayn na in yay,

Bɔt i go mek i ɛnd-ɔp fɔ day.

26 Lebɔra in apitayt de mek i wok tranga wan

Bikɔs na in angri* de push am fɔ wok.

27 Pɔsin we nɔ gɛt wan yus de dig dig wetin bad;

Di tin dɛn we i de tɔk tan lɛk faya we de kech.

28 Pɔsin we de kɔz trɔbul* de kam wit kɔnfyushɔn,

Ɛn di wan we de pwɛl ɔda pɔsin in nem de skata tayt padi dɛn.

29 Pɔsin we lɛk fɛt-fɛt de tɛmt in neba,

Ɛn i de mek i go di rɔng we.

30 I de wink in yay we i de plan bad.

I de bɛt-bɛt in lip we i de du di bad.

31 Wet ia tan lɛk krawn we de mek pɔsin fayn,*

Mɔ if di pɔsin de du wetin rayt.

32 Pɔsin we nɔ de vɛks kwik bɛtɛ pas pɔsin we gɛt trɛnk,

Ɛn di wan we de kɔntrol insɛf we i vɛks bɛtɛ pas di wan we de kɔnka siti.

33 Pipul dɛn kin balɔt,

Bɔt na wetin Jiova disayd na in de kɔt di kes.

17  I bɛtɛ fɔ gɛt dray bred usay pis de*

Pas fɔ de na os we gɛt bɔku bɔku it* usay dɛn de mek plaba.

 2 Savant we gɛt sɛns go rul oba pikin we de du tin shemful wan,

I go gɛt pan di prɔpati lɛk se in na wan pan in masta in pikin dɛn.

 3 Dɛn de mɛlt silva ɛn gold na faya fɔ klin dɛn,

Bɔt na Jiova de chɛk ɔlman in at.

 4 Wikɛd pɔsin de pe atɛnshɔn to tɔk we de mek ɔda pɔsin fil bad,

Ɛn pɔsin we de du tin fɔ ful ɔda pɔsin de lisin to tɔk we de pwɛl pɔsin in nem.

 5 Ɛnibɔdi we de provok pɔsin we po de fityay di Wan We Mek am,

Ɛn ɛnibɔdi we gladi we bad tin mit ɔda pɔsin go mɔs gɛt pɔnishmɛnt.

 6 Granpikin dɛn tan lɛk krawn to di wan dɛn we dɔn ol,

Ɛn papa* dɛn de briŋ ɔnɔ to dɛn pikin dɛn.

 8 Gift tan lɛk ston we gɛt valyu to di wan we gɛt am;

I de mek bɛtɛ fala am ɛnisay i go.

 9 Ɛnibɔdi we de fɔgiv ɔda pɔsin de sho lɔv,

Bɔt di wan we de kɔntinyu fɔ tɔk bɔt di prɔblɛm de skata tayt padi dɛn.

10 Na wantɛm dɛn de kɔrɛkt pɔsin we de ɔndastand,

Bɔt fulman nɔ de lisin ilɛk dɛn bit am ɔndrɛd tɛm.

11 Bad pɔsin de mek trangayes ɔltɛm,

Bɔt dɛn go sɛn wikɛd mɛsenja fɔ pɔnish am.

12 I bɛtɛ fɔ mit bia we in pikin dɛn dɔn day

Pas fɔ mit-ɔp fulman we rili ful.

13 If ɛnibɔdi pe bad fɔ gud,

Bad tin nɔ go ɛva dɔn na da pɔsin de in famili.

14 Fɔ bigin agyumɛnt tan lɛk fɔ opin dam,

Bifo di plaba stat, kɔmɔt de.

15 Jiova rili et ɛnibɔdi we de fri wikɛd pɔsin,

Ɛn ɛnibɔdi we de kɔndɛm di wan we de du wetin rayt.

16 Us bɛnifit fulman go gɛt if i gɛt we fɔ lan sɔntin

Bɔt in at nɔ de de?

17 Tru tru padi de sho lɔv ɔltɛm,

Ɛn na brɔda we dɛn bɔn fɔ di tɛm we prɔblɛm go kam.

18 Pɔsin we nɔ gɛt sɛns de shek an ɛn gri

Fɔ gi garanti bifo in neba.

20 Tin nɔ go kɔmɔt fayn fɔ pɔsin we de plan bad tin na in at,

Ɛn di wan we de tɔk sɔntin fɔ ful ɔda pipul dɛn go gɛt trɔbul.

21 Papa we bɔn pikin we ful go gɛt pwɛlat.

Ɛn papa we bɔn pikin we nɔ gɛt sɛns nɔ go gladi.

22 Gladi-at na gud mɛrɛsin,*

Bɔt pwɛlat de dɔn pɔsin in trɛnk.*

23 Wikɛd pɔsin de tek brayb sikrit wan

Fɔ mek i nɔ du tin fia wan.

24 Sɛns de bifo pɔsin we de tink gud gud wan,

Bɔt fulman in yay de pas pas ɔlsay na di wɔl.

25 Pikin we ful de mek in papa gɛt pwɛlat,

Ɛn i de mek di wan we bɔn am in at pwɛl.

26 I nɔ gud fɔ pɔnish pɔsin we de du wetin rayt,

Ɛn i nɔ fayn fɔ bit pɔsin we pipul dɛn de rɛspɛkt.

27 Pɔsin we rili gɛt sɛns de tek tɛm pik wetin i de tɔk,

Ɛn pɔsin we de tink gud gud wan nɔ de vɛks.

28 Dɛn de si fulman as pɔsin we gɛt sɛns ivin we i nɔ tɔk natin,

Ɛn dɛn de si di wan we sɛt in mɔt as pɔsin we de tink gud gud wan.

18 Ɛnibɔdi we de kip to insɛf de tink bɔt wetin in want nɔmɔ;

I nɔ want fɔ* du tin wit sɛns.

 2 Pɔsin we ful nɔ lɛk fɔ ɔndastand sɔntin;

Bifo dat i de tɔk wetin de na in at.

 3 We wikɛd pɔsin kam, mɔlɛs bak kin kam;

Ɛn usay rɛspɛkt nɔ de, disgres de de.

 4 Di wɔd dɛn we pɔsin de tɔk tan lɛk dip wata.

Di say usay sɛns de kɔmɔt tan lɛk watasay we gɛt bɔku wata.

 5 I nɔ fayn fɔ tek wikɛd pɔsin bɛtɛ pas ɔda pɔsin

Ɔ fɔ mek dɛn nɔ trit pɔsin we de du wetin rayt fia wan.

 6 Wetin fulman de tɔk de kam wit plaba,

Ɛn in mɔt de mek dɛn bit am.

 7 Fulman in mɔt de gi am prɔblɛm,

Ɛn in wɔd dɛn tan lɛk trap fɔ in layf.*

 8 Di tin dɛn we pɔsin we de pwɛl sɔmbɔdi in nem de tɔk tan lɛk cham cham we swit.*

Pipul dɛn kin swɛla am go rayt dɔŋ insay dɛn bɛlɛ.

 9 Ɛnibɔdi we lezi pan in wok

Na brɔda to di wan we de kɔz prɔblɛm.

11 Mɔniman in jɛntri na in strɔng siti;

Na in maynd, i tan lɛk wɔl we de protɛkt am.

12 Pɔsin we de fil big bɔt insɛf nɔ go ɛnd fayn,

Ɛn if pɔsin put insɛf dɔŋ, i go gɛt glori.

13 Ɛnibɔdi we tɔk bɔt sɔntin bifo i no wetin rili apin,

Na fulman, ɛn i go disgres.

14 Di maynd we pɔsin gɛt de mek i bia we i sik,

Bɔt udat go ebul bia we in at pwɛl?

15 Pɔsin we de ɔndastand de tray fɔ no,

Ɛn pɔsin we gɛt sɛns de lisin so dat i go no.

16 Pɔsin in gift de opin we fɔ am;

I de mek i ebul mit impɔtant pipul dɛn.

17 I kin tan lɛk se di fɔs pɔsin we kam wit in kes, na in gɛt rayt;

Pas te ɔda pɔsin kam ɛn aks am kwɛstyɔn dɛn fɔ sho di ɔda pat pan di stori.

18 We pipul dɛn balɔt, dat kin ɛnd agyumɛnt,

Ɛn i kin sɛtul prɔblɛm bitwin tu pawaful pipul dɛn.

19 I at fɔ tɔk to yu brɔda we vɛks pas fɔ kapchɔ strɔng siti;

Plaba dɛn de we tan lɛk get na ples dɛn we dɛn rili protɛkt.

20 Di tin dɛn we pɔsin de tɔk de mek in bɛlɛ ful-ɔp;

I go satisfay wit wetin de kɔmɔt na in mɔt.

21 Di tɔŋ gɛt di pawa fɔ kil ɛn fɔ gi layf;

Di wan dɛn we lɛk fɔ yuz am go gɛt di pe bay aw dɛn yuz am.

22 Di wan we gɛt gud wɛf dɔn gɛt gud tin,

Ɛn Jiova go gladi fɔ am.

23 Poman de beg we i de tɔk,

Bɔt jɛntriman de tɔk ash wan.

24 Padi dɛn de we rɛdi fɔ du bad to dɛn kɔmpin,

Bɔt padi dɛn de we lɛk dɛnsɛf pas aw brɔda dɛn lɛk dɛnsɛf.

19  I bɛtɛ fɔ po ɛn waka tret na Gɔd in yay

Pas fɔ ful ɛn de tɔk lay.

 2 I nɔ gud fɔ lɛ pɔsin* nɔ no sɔntin,

Ɛn di wan we de du tin we i nɔ tink bɔt* de sin.

 3 Na di ful we pɔsin ful de ambɔg in we,

Ɛn in at de mek i vɛks pan Jiova.

 4 Jɛntri de kam wit bɔku padi dɛn,

Bɔt di poman in padi sɛf de avɔyd am.

 5 Witnɛs we de lay go mɔs gɛt pɔnishmɛnt,

Ɛn di wan we de lay ɛnitɛm we i de tɔk nɔ go ɛskep.

 6 Bɔku pipul dɛn want lɛ bigman* gladi fɔ dɛn,

Ɛn ɔlman na padi to pɔsin we de gi gift.

 7 If poman in brɔda dɛn et am,

Ivin in padi dɛn sɛf go avɔyd am!

I de aks dɛn fɔ sɔntin, bɔt nɔbɔdi nɔ de gi am.

 8 Ɛnibɔdi we tray fɔ gɛt sɛns, lɛk insɛf.*

Ɛnibɔdi we valyu ɔndastandin go go bifo.*

9 Witnɛs we de lay go mɔs gɛt pɔnishmɛnt,

Ɛn di wan we de lay ɛnitɛm we i de tɔk go day.

10 If i nɔ fayn fɔ lɛ fulman liv pɔsh layf,

I go bad mɔ fɔ lɛ savant rul prins dɛn!

11 Pɔsin we de si fa nɔ de vɛks kwik,

Ɛn i fayn fɔ am if i ovaluk di bad we dɛn du am.*

12 Kiŋ in wamat tan lɛk di sawnd we layɔn de mek we i vɛks,

Bɔt di gud we i de du tan lɛk dyu we de fɔdɔm pan gras.

13 Pikin we ful de briŋ kam prɔblɛm fɔ in papa,

Ɛn wɛf we lɛk plaba* tan lɛk ruf we nɔ de ɛva stɔp fɔ lik.

14 Na os ɛn jɛntri papa kin lɛf fɔ in pikin,

Bɔt gud wɛf na frɔm Jiova.

15 Lezinɛs de mek pɔsin slip dip dip wan,

Ɛn pɔsin* we de drɛg fut go angri.

16 Di wan we de obe kɔmandmɛnt go sev in layf;*

Di wan we nɔ de tek tɛm du tin go day.

17 Di wan we de du gud to di wan we pipul dɛn nɔ tek mek natin de lɛnt Jiova,

Ɛn I go pe am bak fɔ wetin i du.

18 Disiplin yu pikin we op stil de,

Ɛn nɔ mek dɛn blem yu fɔ in day.

19 Pɔsin we gɛt wamat go sɔfa fɔ dat;

If yu tray fɔ fri am, yu go nid fɔ de du am ɔltɛm.

20 Lisin to advays ɛn tek kɔrɛkshɔn,

So dat yu go gɛt sɛns tumara bambay.

21 Mɔtalman kin plan bɔku tin dɛn na in at,

Bɔt na wetin Jiova want na in* go bi.

22 Di tin we dɛn lɛk bɔt pɔsin na in lɔv we nɔ de chenj.

I bɛtɛ fɔ po pas fɔ bi layman.

23 Fɔ fred Jiova de mek pɔsin gɛt layf;

Di wan we gɛt am go slip fayn, natin nɔ go ambɔg am.

24 Pɔsin we lezi de put in an insay bol fɔ it,

Bɔt i nɔ de ivin bɔda fɔ es in an ɛn put am na in mɔt.

25 Nak di pɔsin we lɛk fɔ provok, so dat di wan we nɔ gɛt ɛkspiriɛns go gɛt sɛns,

Ɛn kɔrɛkt di wan we ɔndastand, so dat i go ad pan wetin i no.

26 Pikin we nɔ de trit in papa fayn ɛn we de drɛb in mama,

Na pikin we de briŋ shem ɛn disgres.

27 Mi pikin, if yu lɛf fɔ lisin to wetin a de tɛl yu,*

Yu go lɛf fɔ fala di tin dɛn we yu no.

28 Witnɛs we nɔ gɛt wan yus et jɔstis,

Ɛn pɔsin we wikɛd kin ɛnjɔy fɔ du bad jɔs lɛk aw i de ɛnjɔy fɔ it.

29 Dɛn go jɔj di wan dɛn we lɛk fɔ provok,

Ɛn dɛn go bit di wan dɛn we ful na dɛn bak.

20  Wayn de mek dɛn laf pɔsin, ɛn rɔm de mek pɔsin nɔ gɛt kɔntrol;

Ɛnibɔdi we go di rɔng we bikɔs ɔf dɛn, nɔ gɛt sɛns.

 2 Kiŋ in wamat tan lɛk di sawnd we layɔn de mek we i vɛks;

Ɛnibɔdi we mek di kiŋ vɛks de risk in yon layf.

 3 Pɔsin we de avɔyd plaba gɛt ɔnɔ,

Bɔt ɛnibɔdi we ful de jomp insay de.

 4 Pɔsin we lezi nɔ de dig in fam insay kol sizin,

So i go de beg avɛst tɛm we i nɔ gɛt natin.*

 5 Di tin* dɛn we de na pɔsin in at tan lɛk dip wata,

Bɔt di wan we de si fa de pul dɛn kɔmɔt de.

 6 Bɔku pipul dɛn de tɔk se dɛn gɛt lɔv we nɔ de chenj,

Bɔt udat go fɛn pɔsin we fetful?

 7 Di wan we de du wetin rayt de waka tret na Gɔd in yay.

Di pikin* dɛn we i go bɔn go gladi.

 8 We kiŋ sidɔm na in tron fɔ jɔj,

In yay de si* ɔltin we bad.

 9 Udat go se: “A dɔn klin mi at;

A nɔ gɛt no sin”?

10 Wet dɛn we pɔsin de yuz fɔ kruk ɛn tin dɛn we pɔsin de yuz fɔ mɛzhɔ* we nɔ kɔrɛkt,

Na tin dɛn we Jiova rili et.

11 Ivin pikin* kin sho insɛf bay di tin dɛn we i de du,

If di we aw i de biev fayn ɛn gud.

12 Di yes we de yɛri ɛn di yay we de si

Na Jiova mek dɛn ɔl tu.

13 Nɔ lɛk slip bikɔs dat go mek yu po.

Opin yu yay, ɛn yu go satisfay wit tin fɔ it.*

14 Di wan we de bay tɔk se, “I nɔ gud, i nɔ gud!”

Dɔn i go ɛn bost bɔt insɛf.

15 Gold ɛn bɔku koral* de,

Bɔt di pɔsin we no sɔntin gɛt mɔ valyu.

16 Tek pɔsin we gi garanti fɔ strenja, in klos;

Siz di tin we i gi as garanti frɔm am if na fɔ strenj uman* i du am.

17 It* we pɔsin gɛt bay kruk de tes swit na in mɔt,

Bɔt leta in mɔt go ful-ɔp wit gravul.

18 We pɔsin tɔk bɔt in plan to ɔda pɔsin, in plan go kɔmɔt fayn,

Ɛn fɛt wɔ afta yu dɔn gɛt gud advays.

19 Pɔsin we de pwɛl ɔda pɔsin in nem de go ɛn tɔk tin we na sikrit;

Nɔ kip kɔmpin wit pɔsin we lɛk fɔ kongosa.

20 Ɛnibɔdi we swɛ in mama ɛn in papa,

In lamp go ɔt we di ples dak.

21 Prɔpati we pɔsin gɛt di rɔng we

Nɔ go ɛnd-ɔp fɔ bi blɛsin.

22 Nɔ tɔk se: “A go tɔn-am-gi pɔsin we du mi bad!”

Abop pan Jiova, ɛn i go sev yu.

23 Wet* dɛn we pɔsin de yuz fɔ kruk na tin dɛn we Jiova rili et,

Ɛn skel dɛn we dɛn dɔn ajɔst nɔ fayn.

24 Na Jiova de dayrɛkt di we aw pɔsin fɔ waka;

So aw pɔsin go ɔndastand in yon we?*

25 Na trap fɔ lɛ pɔsin nɔ tink bifo i se, “Oli!”

Jɔs fɔ lɛ leta i tink bɔt di vaw we i dɔn mek.

26 Kiŋ we gɛt sɛns ebul fɔ fɛn di wikɛd wan dɛn.

I de pul dɛn lɛk we dɛn de yuz ayɛn tul fɔ pul sid pan plant.

27 Di tin dɛn we mɔtalman de tɔk* tan lɛk lamp na Jiova in an,

We de sho wetin de dip insay mɔtalman in at.

28 Lɔv we nɔ de chenj ɛn fɔ fetful de protɛkt di kiŋ;

Lɔv we nɔ de chenj de mek i kɔntinyu fɔ rul.

29 Di tin we de mek yɔŋ pɔsin fayn na in trɛnk,

Ɛn di tin we de mek ol pɔsin fayn na in wet ia.

30 Brus ɛn wund de mek pɔsin lɛf fɔ du bad,

Ɛn bit de mek pɔsin chenj.

21 Kiŋ in at tan lɛk watasay na Jiova in an.

I de mek i go ɛnisay we i want am fɔ go.

 2 Ɔl wetin pɔsin de du kin luk fayn to am,

Bɔt na Jiova de chɛk in at.*

 3 Fɔ du wetin rayt ɛn fɔ du tin fia wan

De mek Jiova gladi pas fɔ mek sakrifays.

 4 Wikɛd pɔsin in prawd at ɛn we i de si insɛf big

Na dat de gayd am, ɛn dɛn tin dɛn ya na sin.

 5 Pɔsin we de wok tranga wan in plan dɛn go mɔs kɔmɔt fayn,

Bɔt ɔl di wan dɛn we de du tin kwik kwik wan go mɔs po.

 6 Jɛntri we pɔsin gɛt bikɔs i lay

Tan lɛk dyu we de go kwik kwik wan; na trap we de kil.*

 7 Di bad tin dɛn we di wikɛd wan dɛn de du go kɛr dɛn go,

Bikɔs dɛn nɔ gri fɔ du tin fia wan.

 8 Pɔsin we gilti in we nɔ tret,

Bɔt inosɛnt pɔsin de du tin tret.

 9 I bɛtɛ fɔ de kɔna say na di ruf

Pas fɔ de na di sem os wit wɛf we lɛk plaba.*

I nɔ de sɔri fɔ in neba.

11 We dɛn pɔnish pɔsin we lɛk fɔ provok, di wan we nɔ gɛt ɛkspiriɛns go gɛt mɔ sɛns,

Ɛn we pɔsin we gɛt sɛns tink gud gud wan fɔ ɔndastand, i go no sɔntin.*

12 Di Wan We De Du Wetin Rayt de wach di wikɛd wan in os;

I de dɔnawe wit di wikɛd wan dɛn.

13 Ɛnibɔdi we lɔk in yes we di wan we pipul dɛn nɔ tek mek natin de kray,

Dɛn nɔ go ansa insɛf we i de kɔl.

14 Sikrit gift de mek wamat dɔn,

Ɛn sikrit brayb de mek pɔsin vɛks.

15 Di wan we de du wetin rayt kin gladi we i de du tin fia wan,

Bɔt na bad bad tin to di wan dɛn we de du bad.

16 Di pɔsin we stɔp fɔ tink gud gud wan fɔ ɔndastand

Go de wit di wan dɛn we dɔn day.

17 Di wan we lɛk fɔ ɛnjɔy insɛf* go po;

Di wan we lɛk wayn ɛn ɔyl nɔ go jɛntri.

18 Di wan we wikɛd go bi di prayz fɔ fri di wan we de du wetin rayt,

Ɛn dɛn go tek di wan we de kɔmɔt biɛn in kɔmpin fɔ fri di wan we de du tin tret.

19 I bɛtɛ fɔ de na wildanɛs*

Pas fɔ de wit wɛf we lɛk plaba* ɛn we kwik fɔ vɛks.

20 Valyu tin dɛn ɛn ɔyl de na di wan we gɛt sɛns in os,

Bɔt di wan we ful de west* wetin i gɛt.

21 Ɛnibɔdi we tray tranga wan fɔ du wetin rayt ɛn sho lɔv we nɔ de chenj

Go ebul fɔ du wetin rayt, ɛn i go gɛt layf ɛn glori.

22 Pɔsin we gɛt sɛns kin kɔnka siti* we ful-ɔp wit strɔng man dɛn

Ɛn dɔnawe wit di tin dɛn we dɛn abop pan.

23 Di wan we de kɔntrol in mɔt

De avɔyd trɔbul.

24 Pɔsin we nɔ de put insɛf dɔŋ ɛn we nɔ bisin bɔt wetin go apin

Na pɔsin we prawd, we lɛk fɔ sho-ɔf, ɛn bost.

25 Di tin we pɔsin we lezi rili want go mek i day,

Bikɔs i nɔ de gri fɔ wok wit in an dɛn.

26 Ol de i want fɔ gɛt ɔltin fɔ insɛf,

Bɔt di wan we de du wetin rayt de gi, i gɛt fri-an.

27 Gɔd rili et wikɛd pɔsin in sakrifays.

Mɔ we i gi am fɔ di rɔng rizin!*

28 Witnɛs we de lay go day,

Bɔt di tin we di pɔsin we de tek tɛm lisin de tɔk go kɔntinyu fɔ de.

29 Di wikɛd wan de mek dray-yay,

Bɔt di wan we de du tin tret shɔ bɔt wetin i de du.

31 Dɛn kin rɛdi ɔs fɔ di tɛm we dɛn de go fɛt,

Bɔt na Jiova de sev.

22  Fɔ gɛt gudnem bɛtɛ pas bɔku bɔku jɛntri;

Fɔ gɛt rɛspɛkt bɛtɛ pas fɔ gɛt silva ɛn gold.

 2 Wan tin bɔt poman ɛn jɛntriman na dat:

Na Jiova mek dɛn ɔl tu.

 3 Di wan we gɛt sɛns de si denja ɛn ayd insɛf,

Bɔt di wan we nɔ gɛt ɛkspiriɛns de kɔntinyu fɔ go ɛn sɔfa fɔ dat.

 4 Di bɛnifit we di wan dɛn we de put dɛnsɛf dɔŋ ɛn fred Jiova de gɛt

Na jɛntri, glori, ɛn layf.

 5 Chukchuk ɛn trap de usay pɔsin we nɔ de du tin tret de waka,

Bɔt ɛnibɔdi we valyu in layf* go go fa frɔm dɛn.

 6 Tren pikin di we we go fayn fɔ am;

Ivin we i big, i nɔ go lɛf da trenin de.

 7 Jɛntriman de rul poman,

Ɛn di wan we lɛnt na slev to di wan we lɛnt am.

 8 Ɛnibɔdi we plant tin we nɔ rayt go avɛst trɔbul,

Ɛn di ken we i bin de yuz fɔ pɔnish pipul dɛn we i vɛks, go brok.

 9 Di pɔsin we gɛt fri-an* go gɛt blɛsin,

Bikɔs i de sheb in it wit di po wan dɛn.

10 Drɛb pɔsin we nɔ de sho rɛspɛkt,

Ɛn agyumɛnt nɔ go de igen;

Plaba ɛn kɔs go dɔn.

11 Di wan we gɛt klinat ɛn we de tɔk fayn wɔd dɛn

Go bi padi to di kiŋ.

12 Jiova de wach oba di wan we no sɔntin,

Bɔt i de mek wetin di wan dɛn we de kɔmɔt biɛn dɛn kɔmpin de tɔk nɔ bi.

15 Fulishnɛs de na pikin in at,

Bɔt di ken fɔ kɔrɛkt am go push am fa frɔm am.

16 Di wan we de kruk di po wan fɔ ad pan in jɛntri,

Ɛn di wan we de gi gift to di wan we jɛntri

Go ɛnd pan po.

17 Opin yu yes ɛn lisin to di tin dɛn we di wan we gɛt sɛns de tɔk,

So dat yu go kip wetin a de tich yu na yu at,

18 I fayn fɔ kip dɛn dip insay yu at,

So dat dɛn go de na yu mɔt ɔltɛm.

19 Fɔ mek yu gɛt kɔnfidɛns pan Jiova,

A de ɛksplen tin dɛn to yu tide.

20 A nɔ bin dɔn rayt to yu,

Fɔ gi yu advays ɛn tɛl yu tin dɛn fɔ du,

21 Fɔ tich yu tin dɛn we na tru ɛn we yu fɔ biliv,

So dat yu go go bak to di wan we sɛn yu wit kɔrɛkt ripɔt?

22 Nɔ tif poman bikɔs i po,

Ɛn nɔ sɔprɛs di wan we pipul dɛn nɔ tek mek natin na di siti get,

23 Bikɔs na Jiova insɛf go fɛt dɛn kes,

Ɛn i go kil di wan dɛn we de kruk dɛn.

24 Nɔ kip kɔmpin wit pɔsin we gɛt wamat

Ɛn nɔ gɛt ɛnitin fɔ du wit pɔsin we kwik fɔ vɛks,

25 So dat yu nɔ go ɛva lan di tin dɛn we i de du,

Ɛn i tɔn trap fɔ yu.

26 Nɔ bi pɔsin we de shek an fɔ mek agrimɛnt,

We de gi garanti fɔ sɔntin we pɔsin trɔs.

27 If yu nɔ gɛt natin fɔ pe,

Dɛn go pul yu bed ɔnda yu!

28 Nɔ muv bekin dɛn we bin dɔn de trade trade,

We yu gret gret granpa dɛn bin dɔn put.

Na bifo kiŋ dɛn i go tinap;

I nɔ go tinap bifo kɔmɔn pipul dɛn.

23 We yu sidɔm fɔ it wit kiŋ,

Tek tɛm tink bɔt wetin de bifo yu.

 2 Put nɛf na yu trot*

If yu rili gɛt apitayt.

 3 Nɔ milɛ in spɛshal it dɛn,

So dat di it nɔ go tan lɛk trap fɔ yu.

 5 We yu wach am, yu nɔ go si am,

Bikɔs i go mɔs gro wiŋ lɛk igul ɛn flay go na di skay.

 6 Nɔ it krabit pɔsin in it;

Nɔ milɛ in spɛshal it dɛn,

 7 Bikɔs in na pɔsin we de kip akawnt.

 8 Yu go vɔmit wetin yu it

Ɛn di fayn wɔd dɛn we yu tɔk go dɔn go fɔ natin.

 9 Nɔ tɔk to fulman,

Bikɔs i nɔ go lisin to di sɛns tin we yu de tɛl am.

10 Nɔ muv bekin dɛn we bin dɔn de trade trade

Ɔ tek pan pikin we in papa dɔn day, in land.

11 Bikɔs di Wan We De Fɛt fɔ dɛn* pawaful;

I go fɛt fɔ dɛn ɛn tɔn in bak pan yu.

12 Lisin to kɔrɛkshɔn

Ɛn opin yu yes to sɛns tɔk dɛn.

14 Yuz ken fɔ bit am,

So dat yu go sev am frɔm di Grev.*

15 Mi pikin, bi pɔsin we gɛt sɛns,

Ɛn dat go mek a gladi.

16 Dip insay mi a de gladi*

We yu de tɔk wetin rayt.

17 Nɔ milɛ sina dɛn na yu at,

Bɔt fred Jiova ɔltɛm.

18 We yu du dat, bɛtɛ go fala yu tumara bambay,

Ɛn yu go kɔntinyu fɔ gɛt op.

19 Mi pikin, lisin ɛn gɛt sɛns,

Ɛn gayd yu at fɔ go di rayt we.

20 Nɔ kip kɔmpin wit pipul dɛn we de drink wayn pasmak

Ɛn di wan dɛn we de mek bigyay pan bif,

21 Bikɔs drɔnkɔman ɛn pɔsin we bigyay go ɛnd-ɔp fɔ po,

Ɛn pɔsin we lɛk slip go wɛr chɛr chɛr klos.

22 Lisin to yu papa we bɔn yu,

Ɛn nɔ tɔn yu bak pan yu mama jɔs bikɔs i dɔn ol.

23 Bay tru ɛn nɔ ɛva sɛl am,

Bay sɛns, disiplin, ɛn ɔndastandin.

24 Papa we gɛt pikin we de du wetin rayt go mɔs gladi;

Ɛni papa we bɔn pikin we gɛt sɛns go gladi fɔ am.

25 Yu mama ɛn yu papa go gladi,

Ɛn di uman we bɔn yu go gɛt gladi-at.

26 Mi pikin, lisin to mi wit ɔl yu at

Ɛn lɛk di we aw a de du tin.

27 Bikɔs raregal na dip ol,

Ɛn bambot* uman na wɛl we nɔ wayd.

28 I de sɛt ambush lɛk tifman,

I de kɔntinyu fɔ ad pan di man dɛn we nɔ fetful.

30 Na di wan dɛn we de spɛn bɔku tɛm de drink wayn,

Di wan dɛn we de luk fɔ* wayn we dɛn dɔn miks.

31 Nɔ luk di wayn in rɛd kɔlɔ

As i de shayn insay di kɔp ɛn go dɔŋ saful wan,

32 Bikɔs i go ɛnd-ɔp fɔ bɛt lɛk snek,

Ɛn sɛn pɔyzin lɛk vaypa.

33 Yu yay dɛn go bigin fɔ si strenj tin dɛn,

Ɛn yu at go tɔk tin dɛn we nɔ rayt.

34 Ɛn yu go tan lɛk pɔsin we ledɔm midul di si,

Lɛk pɔsin we ledɔm na di say we ay pas ɔl na ship.

24 Nɔ jɛlɔs bad pipul dɛn,

Ɛn nɔ miks wit dɛn,

 2 Bikɔs dɛn de tink bɔt fɛt-fɛt,

Ɛn dɛn de tɔk bɔt trɔbul.

 3 Na sɛns dɛn de tek bil os,*

Ɛn na ɔndastandin de mek i tinap tranga wan.

 4 Na di tin dɛn we dɛn no dɛn de yuz fɔ ful-ɔp di rum dɛn

Wit ɔlkayn tin dɛn we gɛt valyu ɛn we fayn.

 5 Sɛns de mek pɔsin pawaful,

Ɛn di tin we pɔsin no de mek i gɛt mɔ pawa.

 6 Fɛt wɔ afta yu dɔn gɛt gud advays,

Ɛn usay bɔku pipul dɛn de we de gi advays, di pipul dɛn go win.*

 7 Fulman nɔ ebul fɔ gɛt tru tru sɛns;

I nɔ gɛt natin fɔ se na di siti get.

 8 Ɛnibɔdi we de plan bad,

Dɛn go kɔl am di papa fɔ bad plan.

 9 Bad plan dɛn we nɔ mek sɛns* na sin,

Ɛn pipul dɛn et pɔsin we de provok.

10 If yu at pwɛl di tɛm we yu gɛt prɔblɛm,*

Yu nɔ go gɛt bɛtɛ trɛnk.

11 Sev di wan dɛn we dɛn de kɛr go fɔ go day,

Ɛn stɔp di wan dɛn we de staga fɔ go usay dɛn de kil dɛn.

Fɔ tru, di Wan we de wach yu* go no,

Ɛn i go pe ɔlman akɔdin to wetin dɛn de du.

13 Mi pikin, it ɔni bikɔs i gud;

Ɔni we de kɔmɔt na ɔni os tes swit.

If yu gɛt am, bɛtɛ go fala yu tumara bambay,

Ɛn yu go kɔntinyu fɔ gɛt op.

15 Nɔ le ambush nia pɔsin we de du wetin rayt in os;

Nɔ pwɛl usay i de rɛst.

16 Di wan we de du wetin rayt go fɔdɔm sɛvin tɛm, ɛn i go grap bak;

Bɔt trɔbul go mek pɔsin we wikɛd fɔdɔm.

17 We yu ɛnimi fɔdɔm, nɔ gladi;

Ɛn yu nɔ fɔ gladi we i bɔk in fut.

18 If nɔto dat, Jiova go si ɛn I nɔ go gladi,

Ɛn I go lɛf fɔ vɛks pan am.*

19 Nɔ vɛks bikɔs ɔf wikɛd man dɛn;

Nɔ milɛ wikɛd pipul dɛn,

20 Ɛnibɔdi we bad, bɛtɛ nɔ go fala am;

Di wikɛd wan dɛn lamp go ɔt.

Ɛn nɔ miks wit di wan dɛn we de fɛt fɔ lɛ tin chenj,

22 Bikɔs trɔbul go mit dɛn kwik kwik wan.

25 Bɔt tin go fayn fɔ di wan dɛn we de kɔrɛkt am;

Dɛn go gɛt blɛsin.

27 Pripia yu wok we yu fɔ du na do, ɛn rɛdi ɔltin na di fam;

Dɔn bil yu os.*

29 Nɔ tɔk se: “A go du to am jɔs lɛk aw i du to mi;

A go pe am fɔ wetin i du.”*

30 A pas na pɔsin we lezi in fam,

Na di wan we nɔ gɛt sɛns in vayn gadin.

31 A si se i ful-ɔp wit gras;

Na soso chukchuk de ɔlsay na grɔn,

Ɛn in ston wɔl dɔn fɔdɔm.

32 A si dis ɛn kip am na mi at;

A si am ɛn lan dis lɛsin:*

33 Slip smɔl, sɛt yu yay smɔl,

Fol yu an smɔl fɔ rɛst,

34 Ɛn po go kam pan yu lɛk tifman,

Dɔn di tin we yu want go kam pan yu lɛk man we ol wɛpɔn.

 2 Gɔd in glori na fɔ kip sɔntin sikrit,

Ɛn kiŋ dɛn glori na fɔ faynd awt bɔt sɔntin.

 3 Jɔs lɛk aw di ɛvin ay ɛn di wɔl dip,

Na so i at fɔ no wetin de na kiŋ dɛn at.

 4 Pul di dɔti pan di silva,

Ɛn i go rili klin we i go kɔmɔt.

 5 Pul di wikɛd wan bifo di kiŋ,

Ɛn in tron go tinap tranga wan fɔ du wetin rayt.

 6 Nɔ ɔnɔ yusɛf bifo di kiŋ,

Ɛn nɔ de usay impɔtant pipul dɛn de,

 7 Bikɔs i bɛtɛ lɛ i tɛl yu se, “Kam ɔp na ya,”

Pas fɔ disgres yu bifo bigman.

 8 Nɔ rɔsh fɔ kɛr yu kes go na kɔt,

Bikɔs wetin yu go du leta if yu neba disgres yu?

 9 Tɔk yu kes wit yu neba,

Bɔt nɔ tɔk sɔntin we na sikrit,*

10 So dat di wan we de lisin to yu nɔ go mek yu shem,

Ɛn yu prɛd bad ripɔt* we dɛn nɔ ebul fɔ stɔp.

11 Wɔd we pɔsin tɔk di rayt tɛm

Tan lɛk gold apul na silva sɛtin.

12 Jɔs lɛk gold yerin ɛn fayn gold juɛlri,

Na so pɔsin we gɛt sɛns in kɔrɛkshɔn tan to di wan we de lisin.

13 Jɔs lɛk aw sno in kolnɛs de mek pɔsin fil fayn di de we dɛn de avɛst,

Na so mɛsenja we fetful tan to di wan dɛn we sɛn am,

Bikɔs i de mek in masta fil fayn.

14 Pɔsin we de bost bɔt gift* we i nɔ ɛva gi

Tan lɛk klawd ɛn briz we nɔ de kam wit ren.

15 Pɔsin we peshɛnt go mek bigman biliv am,

Ɛn swit wɔd* dɛn kin brok bon.

16 If yu si ɔni, jɔs it wetin yu nid,

Bikɔs if yu it am pasmak, yu go vɔmit am.

17 Lɛ yu fut nɔ de na yu neba in os ɔltɛm,

So dat i nɔ go taya wit yu ɛn et yu.

18 Pɔsin we de tɔk lay lay tin bɔt in neba

Tan lɛk sɔd, shap aro, ɛn tik we dɛn de yuz fɔ fɛt.

19 Di tɛm we trɔbul de, fɔ gɛt kɔnfidɛns pan pɔsin we dɛn nɔ kin abop pan*

Tan lɛk tit we dɔn brok ɔ fut we de shek shek.

20 Jɔs lɛk we pɔsin de pul klos di tɛm we di ples kol

Ɛn lɛk we yu de tɔn viniga pan soda,*

Na so i go tan lɛk we pɔsin de siŋ siŋ dɛn to pɔsin we in at pwɛl.

21 If yu ɛnimi* angri, gi am tin fɔ it;

If i tɔsti, gi am wata fɔ drink;

22 Da we de yu go de put fayakol na in ed,*

Ɛn Jiova go blɛs yu.

23 Di briz we de kɔmɔt na di nɔt de briŋ kam ɛvi ren,

Ɛn pɔsin we de kongosa de mek ɔda pɔsin vɛks.

24 I bɛtɛ fɔ de kɔna say na di ruf,

Pas fɔ de na di sem os wit wɛf we lɛk plaba.*

25 Gud ripɔt we kɔmɔt frɔm fa say

Tan lɛk kol wata pan sol* we dɔn taya.

26 Jɔs lɛk spriŋ* we dɔn pɔtɔpɔtɔ ɛn wɛl we dɔn pwɛl,

Na so pɔsin we de du wetin rayt tan we i du* wetin wikɛd pɔsin want.

27 I nɔ fayn fɔ it tumɔs ɔni,

Ɛn i nɔ fayn we pɔsin de fɛn glori fɔ insɛf.

28 Pɔsin we nɔ ebul kɔntrol insɛf we i vɛks tan lɛk

Siti we pɔsin ɛnta we nɔ gɛt wɔl.

26 Jɔs lɛk sno insay dray sizin tɛm ɛn ren we de kam avɛst tɛm,

Na so pɔsin we ful nɔ fit fɔ gɛt ɔnɔ.

 2 Jɔs lɛk we bɔd gɛt rizin fɔ rɔnawe ɛn swalo bɔd gɛt rizin fɔ flay,

Na so swɛ nɔ de fɔdɔm fɔ no gud rizin.*

 3 Wip de fɔ ɔs, braydul* de fɔ dɔnki,

Ɛn ken de fɔ fulman dɛn bak.

 4 Nɔ ansa fulman lɛk se yusɛf na fulman,

So dat yu nɔ go put yusɛf na in lɛvul.*

 5 Ansa fulman di we we de sho se in na fulman,

So dat i nɔ go tink se i gɛt sɛns.

 6 Ɛnibɔdi we de gi fulman wok fɔ du,

Tan lɛk pɔsin we de mek insɛf kripul ɛn du bad to insɛf.

 7 Di parebul we ful pipul dɛn de tɔk,

Tan lɛk kripul pɔsin in wik wik fut dɛn.

 8 Fɔ prez pɔsin we ful,

Tan lɛk we yu de tay ston pan sling.*

 9 Di parebul we ful pipul dɛn de tɔk,

Tan lɛk chukchuk plant we de na pɔsin we drɔnk in an.

10 Pɔsin we de aya fulman ɛn di wan dɛn we de pas,

Tan lɛk pɔsin we de yuz bo ɛn aro we de wund pipul dɛn ɛni aw.*

11 Pɔsin we ful de ripit in fulishnɛs,

Jɔs lɛk dɔg we de go bak to in vɔmit.

13 Pɔsin we lezi de tɔk se: “Yɔŋ layɔn de na rod,

Layɔn de na di pɔblik ples!”*

14 Jɔs lɛk domɔt we de tɔn tɔn na in injis

Na so pɔsin we lezi de tɔn tɔn na in bed.

15 Pɔsin we lezi de put in an insay bol fɔ it,

Bɔt i kin taya pasmak fɔ es in an ɛn put am na in mɔt.

16 Pɔsin we lezi tink se i gɛt sɛns

Pas sɛvin pipul dɛn we ansa wit sɛns.

17 Pɔsin we de vɛks fɔ* plaba we nɔto in yon

Tan lɛk pɔsin we ol dɔg in yes.

18 Kresman we de shut wɛpɔn dɛn we gɛt faya, ɛn aro dɛn we de kil, tan lɛk

19 Pɔsin we de ple trik pan in neba ɛn tɔk se, “A bin jɔs de jok!”

20 Usay wud nɔ de, faya de ɔt,

Ɛn usay pɔsin we de pwɛl ɔda pɔsin in nem nɔ de, plaba de dɔn.

21 Lɛk aw chakol de mek faya nɔ ɔt, ɛn wud de mek faya kech,

Na so pɔsin we lɛk agyumɛnt kin kam wit plaba.

22 Di tin dɛn we pɔsin we de pwɛl sɔmbɔdi in nem de tɔk tan lɛk cham cham we swit;*

Pipul dɛn kin swɛla am go rayt dɔŋ insay dɛn bɛlɛ.

23 Di swit wɔd dɛn we pɔsin we gɛt badat de tɔk,

Tan lɛk we dɛn rɔb silva pan sɔntin we dɛn mek wit kle.

24 Pɔsin we et ɔda pipul dɛn de kɔba am bay aw i de tɔk,

Bɔt insay in at na soso lay lay.

25 Pan ɔl we i de tɔk fayn fayn wɔd dɛn, nɔ biliv am,

Bikɔs sɛvin tin dɛn we rili bad de insay in at.

26 Pan ɔl we i de yuz lay fɔ ayd di et we i et pɔsin,

Ɔlman go no bɔt di bad tin dɛn we i de du.

27 Di wan we de dig ol go fɔdɔm insay de,

Ɛn ɛnibɔdi we de rol ston, di ston go kam bak pan am.

28 Pɔsin we de lay, et di wan dɛn we i de lay pan,

Ɛn pɔsin we de tɔk tin dɛn fɔ mek ɔda pɔsin in ed big de kɔz trɔbul.

27 Nɔ bost bɔt tumara,

Bikɔs yu nɔ no wetin di de go briŋ.*

 2 Na ɔda pɔsin* fɔ prez yu, nɔ du am fɔ yusɛf;

Lɛ ɔda pipul* dɛn prez yu, nɔ prez yusɛf.

 3 Ston ɛvi ɛn sansan gɛt wet,

Bɔt di prɔblɛm we fulman de kɔz ɛvi pas dɛn ɔl tu.

 4 Wamat rili bad ɛn vɛksteshɔn de kɔz trɔbul lɛk flɔd,

Bɔt jɛlɔs bad pas dɛn.

 6 We yu padi we fetful wund yu, i bɛtɛ pas yu ɛnimi in bɔku kis dɛn.

 7 Pɔsin we bɛlful go tɔk se i nɔ want* ɔni we dɛn pul na ɔni os,

Bɔt ivin tin we bita de tes swit to pɔsin we angri.

 8 Man we de rɔnawe kɔmɔt na in os

Tan lɛk bɔd we de rɔnawe kɔmɔt na in bɔd os.

 9 Tayt padi we de gi gud advays

Tan lɛk ɔyl ɛn insɛns we de mek pɔsin gladi.

10 Nɔ kɔmɔt biɛn yu padi ɔ yu papa in padi,

Ɛn nɔ go na yu brɔda in os di de we yu gɛt prɔblɛm;

Neba we de nia yu bɛtɛ pas brɔda we de fa say.

11 Mi pikin, gɛt sɛns, ɛn mek a gladi,

So dat a go ansa di pɔsin we de provok mi.

12 Pɔsin we gɛt sɛns de si denja ɛn ayd insɛf,

Bɔt di wan we nɔ gɛt ɛkspiriɛns de kɔntinyu fɔ go ɛn sɔfa fɔ dat.

13 Tek pɔsin we gi garanti fɔ strenja, in klos;

Siz di tin we i gi as garanti frɔm am if na fɔ strenj uman* i du am.

14 We pɔsin ala lawd wan ali mɔnin fɔ blɛs in kɔmpin,

Dat kin bi swɛ fɔ am.

16 Ɛnibɔdi we ebul fɔ kɔntrol am go ebul kɔntrol briz,

Ɛn i go ebul ol ɔyl tayt wan wit in raytan.

18 Di pɔsin we de kia fɔ fig tik go it in frut,

Ɛn di pɔsin we de kia fɔ in masta go gɛt ɔnɔ.

19 Jɔs lɛk aw pɔsin in fes de sho na wata,

Na so wan pɔsin in at de sho wetin de na ɔda pɔsin in at.

20 Jɔs lɛk aw di Grev* usay dayman de rɔtin nɔ de ɛva satisfay,

Na so pɔsin in yay nɔ de ɛva satisfay.

21 Jɔs lɛk we dɛn de mɛlt silva ɛn gold na faya fɔ klin dɛn,

Na so di prez we dɛn de prez pɔsin kin sho udat i rili bi.*

22 Ilɛksɛf yu bit fulman wit matapɛnsil

Lɛk aw dɛn de bit wit* na mataodo,

I nɔ go stil chenj.

23 Yu fɔ rili sabi yu ship dɛn;

Kia fɔ* yu ship gud gud wan.

24 Jɛntri nɔ de las,

Ɛn krawn nɔ go de sote go.

25 Di grin gras lɔs, nyu gras apia,

Ɛn dɛn gɛda di gras dɛn na di mawntin dɛn.

26 Yɔŋ man ship dɛn go mek yu gɛt tin fɔ wɛr,

Ɛn man got dɛn de mek yu ebul fɔ bay land.

27 Ɛn bɔku got milk go de fɔ fid yu,

Fɔ fid di wan dɛn na yu os, ɛn fɔ fid yu uman savant dɛn.

28 Wikɛd pɔsin de rɔnawe we nɔbɔdi nɔ de rɔnafta am,

Bɔt di wan we de du wetin rayt gɛt kɔnfidɛns lɛk layɔn.*

 2 Ɛni land usay pipul dɛn de du bad,* dɛn go de chenj chenj dɛn prins dɛn,

Bɔt say usay dɛn gɛt pɔsin we de si fa ɛn we gɛt sɛns fɔ ɛp dɛn, dɛn prins go rul fɔ lɔng.

 3 Poman we de kruk pɔsin we dɛn nɔ tek mek natin,

Tan lɛk ren we de go wit ɔl di it.

 4 Di wan dɛn we dɔn lɛf fɔ obe lɔ de prez pɔsin we wikɛd,

Bɔt di wan dɛn we de obe lɔ de rili vɛks pan dɛn.

 5 Wikɛd pipul dɛn nɔ de ɔndastand wetin jɔstis min,

Bɔt di wan dɛn we de luk fɔ Jiova kin ɔndastand ɔltin.

 6 Poman we de waka tret na Gɔd in yay bɛtɛ

Pas jɛntriman we kɔrɔpt.

 7 Pikin we de ɔndastand de obe lɔ,

Bɔt di wan we de kip kɔmpin wit pipul dɛn we bigyay de disgres in papa.

 8 Di wan we de ad pan in jɛntri bay we i de aks fɔ intrɛst ɛn mek pasmak prɔfit,

De gɛda am fɔ di wan we de sho sɔri-at fɔ poman.

 9 If pɔsin nɔ de gri fɔ obe lɔ

Gɔd rili et in prea.

10 Pɔsin we de mek di wan we de du wetin rayt du bad go fɔdɔm insay in yon trap,

Bɔt di wan we nɔ gɛt wan fɔlt go gɛt wetin gud.

11 Jɛntriman de tink se i gɛt sɛns,

Bɔt poman we de si fa go no di tru bɔt am.

12 We pɔsin we de du wetin rayt win, pipul dɛn de rili gladi,*

Bɔt we wikɛd pɔsin gɛt pawa, pipul dɛn de ayd.

13 Pɔsin we de tray fɔ ayd in sin nɔ go ebul fɔ du dat,

Bɔt Gɔd go sho sɔri-at to ɛnibɔdi we kɔnfɛs in sin dɛn ɛn lɛf fɔ du bad.

14 Pɔsin we rɛdi ɔltɛm go gladi,

Bɔt ɛnibɔdi we gɛt strɔngat go gɛt trɔbul.

15 Wikɛd rula we de oba pipul dɛn we nɔ gɛt pɔsin fɔ ɛp dɛn,

Tan lɛk layɔn we de mek sawnd bikɔs i dɔn vɛks ɛn lɛk bia we dɔn vɛks we rɛdi fɔ fɛt.

16 Lida we nɔ de si fa nɔ de yuz in pawa di rayt we,

Bɔt di wan we et fɔ gɛt prɔfit bay kruk go gɛt lɔng layf.

18 Pɔsin we de du tin we nɔ gɛt wan fɔlt go sev,

Bɔt di wan we de pan bɛnbɛn go fɔdɔm di tɛm we i nɔ de ɛkspɛkt.

19 Pɔsin we de wok na fam go gɛt plɛnti it,*

Bɔt di wan we de rɔnafta tin dɛn we nɔ gɛt wan yus go ɛnd-ɔp fɔ po.

20 Pɔsin we fetful go gɛt bɔku blɛsin,

Bɔt pɔsin we want fɔ jɛntri kwik kwik wan nɔ go inosɛnt.

21 I nɔ fayn fɔ tek wan pɔsin bɛtɛ pas ɔda pɔsin;

Bɔt pɔsin kin du bad fɔ smɔl it.*

22 Pɔsin we want ɔltin fɔ insɛf* rili want fɔ jɛntri,

Bɔt i nɔ no se i go ɛnd-ɔp fɔ po.

23 Ɛnibɔdi we kɔrɛkt pɔsin, leta dɛn go gladi fɔ am mɔ

Pas pɔsin we de tɔk wɔd dɛn we de mek ɔda pɔsin in ed big.

25 Pɔsin we want ɔltin fɔ insɛf de sɛt ala-ala,

Bɔt ɛnibɔdi we abop pan Jiova go go bifo.*

26 Ɛnibɔdi we de abop pan in yon at ful,

Bɔt di wan we de du tin wit sɛns go ɛskep.

27 Ɛnibɔdi we de gi to di wan dɛn we po go gɛt wetin i nid,

Bɔt di wan we de mek lɛk se i nɔ de si dɛn go gɛt bɔku swɛ.

28 We wikɛd pipul dɛn gɛt pawa, pɔsin de ayd insɛf,

Bɔt we dɛn day, di wan dɛn we de du wetin rayt de bɔku.

29 Pɔsin we de mek stɔbɔn* afta dɛn dɔn kɔrɛkt am bɔku tɛm,

I nɔ go te dɛn go dɔnawe wit am kpatakpata.

 2 We di wan dɛn we de du wetin rayt bɔku, di pipul dɛn de gladi,

Bɔt we pɔsin we wikɛd de rul, di pipul dɛn de pini.

 3 Pɔsin we lɛk sɛns de mek in papa gladi,

Bɔt di wan we de kip kɔmpin wit raregal dɛn de west in jɛntri.

 4 Kiŋ de yuz jɔstis fɔ mek in kiŋdɔm kɔntinyu fɔ de,

Bɔt pɔsin we de tek brayb de mek i pwɛl.

 5 Pɔsin we de tɔk tin dɛn fɔ mek in neba in ed big,

De prɛd nɛt ɔnda in fut.

 6 Di bad tin we pɔsin de du go tan lɛk trap fɔ am,

Bɔt di wan we de du wetin rayt go ala lawd wan wit gladi-at.

 7 Di wan we de du wetin rayt bisin bɔt poman in rayt,

Bɔt pɔsin we wikɛd nɔ bisin bɔt dat.

 8 Di wan dɛn we de bost de sɛtfaya wan ol tɔŋ,

Bɔt di wan dɛn we gɛt sɛns de mek ɔda pipul dɛn nɔ vɛks.

 9 We pɔsin we gɛt sɛns de agyu wit fulman,

Na ala-ala ɛn provok go de, ɛn di sɛnsman nɔ go gɛt wan bloblo.

10 Pipul dɛn we lɛk fɔ kil, et ɛnibɔdi we inosɛnt,*

Ɛn dɛn de tray fɔ kil di wan we de du tin tret.*

11 Pɔsin we ful de sho in wamat,

Bɔt pɔsin we gɛt sɛns de kɔntrol in wamat.

12 We pɔsin we de rul pe atɛnshɔn to lay lay tin dɛn,

Ɔl in savant dɛn go wikɛd.

14 We kiŋ jɔj di po wan dɛn fia wan,

In tron go tinap tranga wan sote go.

15 Ken* ɛn kɔrɛkshɔn de gi sɛns,

Bɔt pikin we dɛn nɔ de kɔntrol de briŋ shem pan in mama.

16 We di wikɛd wan dɛn bɔku, bad de bɔku,

Bɔt di wan dɛn we de du wetin rayt go si we dɛn de dɔnawe wit dɛn.

17 Kɔrɛkt yu pikin, ɛn i go mek yu gɛt bloblo;

I go mek yu* gladi pasmak.

18 We vishɔn nɔ de, di pipul dɛn nɔ de tek kɔntrol,

Bɔt di wan dɛn we de obe lɔ go gladi.

19 Savant nɔ de tek kɔrɛkshɔn frɔm di tin dɛn we dɛn de tɛl am,

Pan ɔl we i de ɔndastand, i nɔ de obe.

21 If yu dɔn yus fɔ pwɛl yu savant frɔm we i smɔl,

Leta, i nɔ go gɛt tɛnki.

22 Pɔsin we kwik fɔ vɛks de briŋ kam prɔblɛm;

Ɛnibɔdi we gɛt wamat de du bɔku bad tin dɛn.

23 Di prawd we pɔsin prawd go mek i fɔdɔm,

Bɔt ɛnibɔdi we put insɛf dɔŋ go gɛt glori.

25 Fɔ fred mɔtalman tan lɛk trap,

Bɔt Jiova de protɛkt di wan we de abop pan am.

26 Bɔku pipul dɛn go go to rula fɔ lɛ i ɛp dɛn,

Bɔt na Jiova de mek pɔsin gɛt jɔstis.

27 Pɔsin we de du wetin rayt et di wan we nɔ de du tin fia wan,

Bɔt wikɛd pɔsin et di wan we de du tin tret.

 2 Ɔda pipul dɛn no pas mi,

Ɛn a nɔ de ɔndastand lɛk aw pɔsin fɔ ɔndastand.

 3 A nɔ tray fɔ gɛt sɛns,

Ɛn a nɔ no wetin di Wan We Oli pas Ɔl no.

 6 If yu ad pan wetin i tɔk,

I go kɔrɛkt yu,

Ɛn i go sho se yu na layman.

Jɔs mek a it di fud we du fɔ mi,

 9 So dat a nɔ go satisfay ɛn dinay yu, ɛn tɔk se, “Udat na Jiova?”

10 Nɔ pwɛl savant in nem to in masta,

If nɔto dat, i go swɛ yu, ɛn yu go gilti fɔ dat.

11 Jɛnɛreshɔn de we de swɛ in papa

Ɛn we nɔ de blɛs in mama.

12 Jɛnɛreshɔn de we klin na in yon yay,

Bɔt dɛn nɔ klin di dɔti* we de pan am yet.

13 Jɛnɛreshɔn de we rili prawd

Ɛn we de tink se i bɛtɛ pas ɔda pipul dɛn!

14 Jɛnɛreshɔn de we in tit dɛn tan lɛk sɔd,

Ɛn in jɔ dɛn tan lɛk nɛf we dɛn de yuz fɔ kil;

Dɛn de sɔprɛs di wan dɛn we pipul dɛn nɔ tek mek natin na di wɔl

Ɛn di po wan dɛn.

Tri tin dɛn de we nɔ de satisfay,

Ɛn 4 tin dɛn we nɔ de ɛva tɔk se, “I du!”

16 —Di Grev* ɛn uman we nɔ de bɔn,

Land we nɔ gɛt wata,

Ɛn faya we nɔ de ɛva tɔk se, “I du!”

17 Pɔsin we de provok in papa ɛn we nɔ de rɛspɛkt in mama,

Di revin bɔd dɛn na di vali go pul in yay,

Ɛn di yɔŋ igul dɛn go it in yay.

18 Tri tin dɛn de we tu wɔndaful fɔ mi,

Ɛn 4 tin dɛn de we a nɔ ebul ɔndastand:

19 Igul we de flay na di skay,

Snek we de muv pantap rɔk,

Ship we de muv na di si,

Ɛn di we aw man de biev we i de wit uman we yɔŋ.

I de it, i wep in mɔt;

Dɔn i tɔk se, “A nɔ du no bad tin.”

21 Tri tin dɛn de we de mek di wɔl shek,

Ɛn 4 tin dɛn de we i nɔ ebul fɔ bia:

22 We slev de rul as kiŋ,

We fulman de it pasmak,

23 We pɔsin tek uman we i et* as in wɛf,

Ɛn we savant gal de tek in madam in ples.

24 Na di wɔl, 4 tin dɛn de we rili smɔl,

Bɔt we gɛt sɛns pasmak:

25 Anch dɛn nɔ strɔng,*

Bɔt pan ɔl dat, dɛn de rɛdi dɛn fud insay dray sizin.

26 Rɔk baja dɛn nɔ gɛt trɛnk,*

Bɔt pan ɔl dat, dɛn de mek dɛn os usay big big ston dɛn de.

27 Grasɔpa* dɛn nɔ gɛt kiŋ,

Bɔt pan ɔl dat, we dɛn de go dɛn ɔganayz.*

28 Wan kondo we nem gɛko de fasin pan sɔntin wit in fut,

Ɛn i de go na di kiŋ in pales.

29 Tri tin dɛn de we fayn fɔ wach,

Ɛn 4 tin dɛn we fayn fɔ wach we dɛn de waka:

30 Layɔn we gɛt trɛnk pas ɔl di ɔda animal dɛn,

We nɔ de rɔn pan ɛnibɔdi;

31 Ɔntin dɔg,* man got,

Ɛn kiŋ we gɛt in sojaman dɛn wit am.

32 If yu dɔn es yusɛf ɔp

Ɔ if yu de plan fɔ du dat,

Kɔba yu mɔt wit yu an.

33 Jɔs lɛk we dɛn de shek shek milk fɔ mek i tɔn bɔta,

Ɛn jɔs lɛk we dɛn de kwis pɔsin in nos fɔ mek blɔd kɔmɔt,

Na so fɔ mek pɔsin in at wam de kam wit plaba.

 2 Wetin a fɔ tɛl yu, mi pikin,

Wetin a fɔ tɛl yu, mi pikin we kɔmɔt na mi bɛlɛ,

Wetin, mi pikin we a bin tek vaw fɔ?

 3 Nɔ mek lɛ uman dɛn dɔn yu trɛnk,

Nɔ fala di tin dɛn we de dɔnawe wit kiŋ dɛn.

 4 O Lɛmuɛl, wayn nɔto fɔ kiŋ dɛn,

Kiŋ dɛn nɔ fɔ drink wayn,

Ɛn rula dɛn nɔ fɔ tɔk se, “We mi drink?”

 5 So dat dɛn nɔ go drink ɛn fɔgɛt di lɔ

Ɛn mek di wan dɛn we pipul dɛn nɔ tek mek natin nɔ gɛt rayt.

 6 Gi rɔm to di wan dɛn we de day

Ɛn wayn to di wan dɛn we gɛt siriɔs pwɛlat.*

 7 Lɛ dɛn drink ɛn fɔgɛt bɔt dɛn po;

Lɛ dɛn nɔ mɛmba dɛn prɔblɛm igen.

 8 Tɔk fɔ di wan dɛn we nɔ ebul tɔk,

Ɛn tinap fɔ ɔl di wan dɛn we de day, dɛn rayt.

 9 Tɔk ɛn jɔj di rayt we;

Tinap fɔ di wan dɛn we pipul dɛn nɔ tek mek natin ɛn di po wan dɛn rayt.

11 In man trɔst am wit ɔl in at,

Ɛn in man gɛt ɔl wetin i nid.

12 Ɔl di tɛm we i de alayv,

I de pe in man wit gud, nɔto bad.

13 I de gɛda wul ɛn linin;

I de gladi fɔ wok wit in an.

14 I tan lɛk biznɛsman dɛn ship,

I de kam wit tin fɔ it frɔm fa say.

15 Apat frɔm dat, i de grap we di ples stil dak,

I de gi it to di wan dɛn we de na in os,

Ɛn i de gi sɔm to in uman savant dɛn.

16 I de mek-ɔp in maynd fɔ bay land, ɛn i de bay am;

I de wok tranga wan fɔ plant vayn gadin.*

17 I de rɛdi insɛf fɔ wok tranga wan,*

Ɛn i de wok tranga wan wit in an.

18 I de mek shɔ se in biznɛs de mek prɔfit;

In lamp nɔ de ɔt na nɛt.

19 I de yuz distaf,

Ɛn spindul* fɔ mek klos.

20 I de tret in an to di wan dɛn we pipul dɛn nɔ tek mek natin,

Ɛn i de opin in an to di po wan dɛn.

21 We sno de, i nɔ de wɔri bɔt di wan dɛn we de na in os,

Bikɔs ɔlman na in os gɛt klos we de mek dɛn nɔ fil kol.*

23 Pipul dɛn sabi in man na di siti get dɛn,

Usay i kin sidɔm wit di bigman dɛn na di land.

24 I de mek ɛn sɛl linin klos dɛn,*

Ɛn i de sɔplay bɛlt to biznɛsman dɛn.

25 I gɛt maynd, ɛn pipul dɛn de rɛspɛkt am,

Ɛn i nɔ de wɔri bɔt wetin go apin tumara bambay.

26 Na wɔd dɛn we mek sɛns de kɔmɔt na in mɔt;

Na gud wɔd dɛn i de tɔk we i de tich.

27 In yay de pan di tin dɛn we de apin na in os,

Ɛn i nɔ lezi wan.

28 In pikin dɛn go grap ɛn tɔk fayn bɔt am;

In man go grap ɛn prez am.

29 Bɔku gud wɛf dɛn de,

Bɔt yu, yu pas dɛn ɔl.

30 Pɔsin go luk nays bɔt nɔto so i rili bi, ɛn faynɛs kin dɔn kwik kwik wan,

Bɔt di uman we de fred Jiova go gɛt prez.

31 Gi am di pemɛnt fɔ wetin i de du,

Ɛn lɛ i gɛt prez fɔ in wok dɛn na di siti get dɛn.