Wetin Wi Go Se

Fɔ Stat Baybul Stɔdi di Fɔs Satide Insay Ɔktoba?

“Wi kam fɛn una fɔ tɔk bɔt gud gɔvmɛnt. Yu tink se ɛni gɔvmɛnt go ebul fɔ pul di prɔblɛm dɛn we de mɔna wi lɛk, fɛt-fɛt ɛn we pipul dɛn de du wetin nɔ rayt?” Alaw di pɔsin fɔ tɔk wetin i tink. Mɛmba di pɔsin we yu go prich to se insay di Awa Fada prea, Jizɔs bin tich in disaypul dɛn fɔ pre fɔ da kayn gɔvmɛnt de, dat na fɔ mek Gɔd in Kiŋdɔm kam. Sho di pɔsin di fɔs kwɛstyɔn we de na di las pej na di Ɔktoba 1 Wachtawa. Una tɔk bɔt wetin de ɔnda di fɔs kwɛstyɔn ɛn una rid wan pan di skripchɔ dɛn. Gi di pɔsin di magazin, ɛn arenj tɛm we yu go kam fɔ tɔk bɔt di ɔda kwɛstyɔn.

Di Wachtawa Ɔktoba 1

“Wi de tɔk smɔl wit wi neba dɛn bɔt wan prea we bɔku pipul dɛn sabi we Jizɔs bin tich in disaypul dɛn. [Rid Matyu 6:9, 10.] Ɛnibɔdi dɔn ɛva ɛksplen to yu wetin Gɔd in Kiŋdɔm rili min ɛn wetin mek Jizɔs bin de prich ɔltɛm bɔt am? [Alaw di pɔsin fɔ tɔk wetin i tink.] Dis magazin de sho wetin di Baybul se bɔt Gɔd in Kiŋdɔm ɛn wetin na sɔm pan di bɛnifit dɛn we i go briŋ kam na dis wɔl.”

Awake! Ɔktoba

“Wi kam fɛn pipul dɛn fɔ ɛp dɛn fɔ sabi di ansa to dis kwɛstyɔn. [Sho am di frɔnt pej na di magazin.] Yu tink se pɔsin fɔ jɛntri fɔ mek in layf bɛtɛ? [Alaw di pɔsin fɔ tɔk wetin i tink.] Di Baybul ɛp wi fɔ ɔndastand aw wi fɔ tink di rayt we bɔt jɛntri. [Rid Lyuk 12:15.] Di Baybul de ɛp wi fɔ si se ɛnibɔdi kin ebul fɔ mek in layf bɛtɛ. Na dat dis magazin de tɔk bɔt.”