Anawnsmɛnt

◼ Di tin we wi de prich wit insay Jun: Wetin Rili di Baybul De Tich? ɔ wan pan dɛn trakt ya: Aw Yu Si di Baybul?, Wetin Yu Tink bɔt di Bambay?, Wetin Na di Men Tin We Go Mek Famili Gɛt Gladi At?, Udat Rili De Rul di Wɔl?, Wi Go Ɛva Lɛf fɔ Sɔfa?, ɛn Yu Tink Se di Wan dɛn We Dɔn Day Go Gɛt Layf Bak? Julay ɛn Ɔgɔst: Gɔd Gɛt Gud Nyus fɔ Wi! ɔ wan pan dɛn 32 pej buk ya: Lisin to Gɔd ɛn De Sote Go, Lisin to Gɔd, ɔ Aw Yu Go Bi Gɔd in Padi? Sɛptɛmba: Di Wachtawa ɛn Awake! magazin dɛn.

◼ Wi fɔ kɔnt ɔl di trakt ɛn inviteshɔn dɛn we wi kin gi to pipul dɛn ɔ di wan dɛn we wi kin lɛf na say dɛn usay wi nɔ mit pɔsin na os. Wi fɔ rayt di nɔmba na wi fil savis ripɔt fɔ di mɔnt ɔnda di say we se “Brochures and Tracts.” We pɔsin sho se i rili want fɔ no mɔ, ɛn i tek wi buk ɛn magazin dɛn, ɔ ivin trakt, wi fɔ tray ɔlkayn we fɔ go bak fɔ ɛp am.

◼ Frɔm di wik we de stat Ɔktoba 19, 2015, wi go bigin fɔ stɔdi di buk we nem Imitate Their Faith na Kɔngrigeshɔn Baybul Stɔdi. Kɔngrigeshɔn dɛn we nid dɛn buk ya fɔ aks fɔ dɛn di nɛks tɛm we dɛn de aks fɔ buk ɛn magazin dɛn. Di wan dɛn we go want fɔ yuz dɛn fon ɔ tablɛt, fɔ dawnlod dis buk frɔm jw.org so dɛn nɔ go nid fɔ aks fɔ di wan we dɛn dɔn print.