Di Nyu Ɛvin ɛn di Nyu Wɔl Go Rili Mek Ɔlman Gladi

Di prɔmis we Gɔd prɔmis na Ayzaya chapta 65 fɔ mek ɔltin nyu na di wɔl na sɔntin we go rili apin, bikɔs we Jiova tɔk bɔt am i tɔk lɛk se i dɔn ɔlrɛdi apin.

Jiova de mek nyu ɛvin ɛn nyu wɔl, usay wi nɔ go mɛmba igen di bad bad tin dɛn we bin de apin to wi

65:​17

Wetin na di nyu ɛvin?

• Na wan nyu gɔvmɛnt we go mek ɔlman du wetin rayt na di wɔl

• Na gɔvmɛnt we bin bigin insay 1914 we Krays bin bigin rul as Kiŋ na Gɔd in Kiŋdɔm

Wetin na di nyu wɔl?

• Na pipul dɛn we go de na di wɔl we kɔmɔt frɔm difrɛn kɔntri dɛn, we de tɔk difrɛn langwej dɛn, ɛn we gɛt difrɛn kɔlɔ. Dɛn pipul dɛn ya go rili gladi fɔ de ɔnda di nyu gɔvmɛnt we go de na ɛvin

Aw wi nɔ go ebul fɔ mɛmba di bad bad tin dɛn we bin de apin to wi?

• Di bad bad tin dɛn we wi kin mɛmba—lɛk we wi kin sik, wɔri, ɛn fil bad bɔt sɔntin we de mek wi sɔfa—ɔl dɛn tin dɛn de nɔ go de igen

• Mɔtalman dɛn we fetful to Gɔd go rili ɛnjɔy dɛn layf ɛn dɛn go rili gladi fɔ di fayn fayn tin dɛn we dɛn go de mɛmba ɛnide