Wetin Mek Wi Valyu Tru Wɔship?

Di vishɔn we Izikɛl bin si bɔt di tɛmpul bin gi di Ju pipul dɛn we dɛn bin kɛr go na ɔda land kɔrej, bikɔs i mek dɛn gɛt op se dɛn go wɔship Jiova di rayt we bak. Insay dis las dez, tru wɔship tan lɛk “mawnten we ay pas ɔl dɛn mawnten dɛm” ɛn wi de pan di wan dɛn we kɔmɔt frɔm ɔl di neshɔn dɛn we de go wɔship de. (Ayz 2:​2) Yu de tink ɔltɛm bɔt di chans we yu gɛt fɔ no ɛn sav Jiova?

DI BLƐSIN DƐN WE TRU WƆSHIP DE MEK WI GƐT:

• 

  Di bɔku tin dɛn we de ɛp wi fɔ gɛt tayt padi biznɛs wit Gɔd dɔn ɛp wi fɔ gɛt ansa to impɔtant kwɛstyɔn dɛn na layf, i dɔn ɛp wi fɔ no aw fɔ liv wi layf, ɛn i dɔn mek wi gɛt op.—Ayz 48:​17, 18; 65:​13; Rom 15:​4

• Wi gɛt brɔda ɛn sista dɛn we lɛk wi ɔlsay na di wɔl.—Sam 133:​1; Jɔn 13:​35

• Di chans we wi gɛt fɔ wok wit Gɔd de mek wi gladi.—Akt 20:​35; 1Kɔ 3:​9

• “Gɔd de gi [wi] kolat” we de gi wi trɛnk fɔ bia we wi gɛt prɔblɛm.—Fil 4:​6, 7

• Wi gɛt klin kɔnshɛns.—2Ti 1:​3, NW

• Wi de ɛnjɔy “tayt padi” biznɛs wit Jiova.—Sam 25:​14, NW

Wetin-ɛn-wetin a go du fɔ sho se a valyu tru wɔship?