Yuz Ɛnjɔy Layf Sote Go! fɔ Mek Yu Gɛt Fet pan Jiova ɛn Jizɔs

Fɔ mek Baybul studɛnt dɛn ebul fɔ du wetin Gɔd want, dɛn nid fɔ gɛt strɔng fet. (Ibr 11:​6) Wi kin yuz di Ɛnjɔy Layf Sote Go! buk fɔ ɛp dɛn fɔ gɛt fet. Dis buk gɛt impɔtant skripchɔ dɛn, tin dɛn we de mek pɔsin tink fayn wan, kwɛstyɔn dɛn, vidio dɛn, ɛn fayn pikchɔ dɛn. We wi de ɛp Baybul studɛnt dɛn fɔ gɛt kwaliti dɛn we Kristian dɛn fɔ gɛt, ɛn mek dɛn gɛt tayt padi biznɛs wit Gɔd, wi de bil wit tin dɛn we faya nɔ ebul fɔ pwɛl.—1Kɔ 3:​12-15.

I kin at fɔ sɔm pipul dɛn fɔ tink se dɛn go bi Gɔd in padi we dɛn nɔ de si am. So wi nid fɔ ɛp dɛn fɔ gɛt fet pan di kayn pɔsin we Jiova bi.

WACH DI VIDIO WE GƐT DI TAYTUL, YUZ “ƐNJƆY LAYF SOTE GO!” FƆ MEK YU GƐT FET PAN JIOVA, DƆN UNA ANSA DI KWƐSTYƆN DƐN WE DE DƆŊ:

• Aw wi no se di sista bin pripia fayn fɔ di stɔdi?

• Aw i yuz ɔda kwɛstyɔn dɛn fɔ no wetin de na di studɛnt in maynd bɔt wetin dɛn rid na Ayzaya 41:​10, 13?

• Aw di vidio ɛn di Baybul vas dɛn we dɛn rid afɛkt di studɛnt?

Bɔku pipul dɛn nɔ rili ɔndastand wetin di ransɔm min, ɔ dɛn nɔ de si am se na gift we Gɔd gi dɛn. (Gal 2:​20) So wi fɔ ɛp dɛn fɔ gɛt fet pan di day we Jizɔs day fɔ wi.

WACH DI VIDIO WE GƐT DI TAYTUL, YUZ “ƐNJƆY LAYF SOTE GO!” FƆ MEK YU GƐT FET PAN JIZƆS, DƆN UNA ANSA DI KWƐSTYƆN DƐN WE DE DƆŊ:

• Aw wi no se di brɔda bin pripia fayn fɔ di stɔdi?

• Aw i yuz di matirial we de na di say we se “Du Mɔ Risach” fɔ ɛp di studɛnt?

• Wetin mek i impɔtant fɔ pre fɔ yu studɛnt?