Jiova Witnɛs dɛn Kin Du Mishɔnari Wok?

Yɛs. Ɛnisay we wi de, ɔlman we na Jiova Witnɛs de tray fɔ liv dɛn layf lɛk aw mishɔnari dɛn kin liv bay we wi de prich to pipul dɛn bɔt di tin we dɛn biliv.—Matyu 28:19, 20.

Apat frɔm dat, sɔm witnɛs dɛn kin go fɛn ɔ go de na ɔda ples insay dɛn kɔntri usay bɔku pipul dɛn nid fɔ yɛri di gud nyus we de na di Baybul. Ɔda Witnɛs dɛn kin go de na ɔda kɔntri fɔ mek dɛn go du mɔ na di prichin wok. Dɛn gladi fɔ we dɛn ebul jɔyn fɔ du di tin we Jizɔs bin tɔk se go apin. I bin se: “Una [go] tɔk bɔt mi . . . ɔlɔbɔt na [di] wɔl.”​—Akt 1:8.

Insay 1943, wi mek wan skul fɔ tren pipul dɛn fɔ bi mishɔnari. Frɔm da tɛm de, i dɔn pas lɛk 8,000 Witnɛs dɛn so we dɔn go dis skul we wi kɔl di Baybul Skul na Giliad.