Wetin Jizɔs in Day Du fɔ Yu?

Jizɔs bin day fɔ mek wi gɛt layf. Jɔn 3:​16

Afta tri dez we Jizɔs day, sɔm uman dɛn bin go na in grev bɔt dɛn nɔ si in bɔdi. Jiova bin dɔn gi Jizɔs layf bak.

Afta dat, Jizɔs bin apia to in apɔsul dɛn.

We Jiova bin gi Jizɔs layf bak, I mek am wan pawaful spirit pɔsin we nɔ de day. Jizɔs in lanin bɔy dɛn bin si am we i de go ɔp na ɛvin.

Gɔd bin gi Jizɔs layf bak ɛn mek am Kiŋ fɔ rul In Kiŋdɔm. Daniɛl 7:​13, 14

Jizɔs bin pe wit in layf fɔ fri mɔtalman. (Matyu 20:​28) Dis fri we Jizɔs fri wi, go mek Gɔd gi wi layf we go de sote go.

Jiova bin mek Jizɔs Kiŋ fɔ rul di wɔl. I go rul wit 144,000 fetful pipul dɛn. Dɛn pipul ya, go gɛt layf fɔ de na ɛvin. Jizɔs ɛn di 144,000 pipul dɛn go mek wan gɔvmɛnt na ɛvin, we na Gɔd in Kiŋdɔm.—Rɛvɛleshɔn 14:​1-3.

Gɔd in Kiŋdɔm go mek di wɔl Paradays. Da tɛm de, wa, po, angri, ɛn pipul dɛn we de brok lɔ nɔ go de igen. Pipul dɛn go rili gladi. —Sam 145:​16.