Smɔl Tin bɔt Sɛkshɔn 4

Dis sɛkshɔn de tɔk bɔt Josɛf, Job, Mozis, ɛn di Izrɛlayt dɛn. Pan ɔl we Setan bin mek dɛn ɔl sɔfa, dɛn bin bia. Dɛn nɔ bin trit sɔm pan dɛn fia wan, dɛn put dɛn na prizin, dɛn mek dɛn bi slev dɛn, ɛn sɔm bin ivin day. Jiova bin protɛkt dɛn difrɛn we dɛn. If yu na mama ɔ papa, ɛp yu pikin fɔ ɔndastand aw di wan dɛn we bin de sav Jiova bin kɔntinyu fɔ gɛt strɔng fet, pan ɔl we dɛn bin de mek dɛn sɔfa.

Jiova bin yuz tɛn bad bad tin dɛn fɔ sho se i rili pawaful pas ɔl di gɔd dɛn na Ijipt. Sho aw Jiova bin protɛkt in pipul dɛn trade, ɛn aw i de du dat tide.