Smɔl Tin bɔt Sɛkshɔn 10

Jiova na di Kiŋ we de pantap ɔlman. I dɔn ɔlwez de in chaj, ɛn i go kɔntinyu fɔ de in chaj. Fɔ ɛgzampul, i bin sev Jɛrimaya we dɛn bin ib am insay wan ol fɔ lɛ i day de. I bin sev Shedrak, Mishak, ɛn Abɛdnigo we dɛn put dɛn na faya, ɛn i sev Daniɛl frɔm di layɔn dɛn. Jiova bin protɛkt Ɛsta so dat Ɛsta go sev in wan ol neshɔn. I nɔ go alaw bad fɔ apin sote go. Di prɔfɛsi dɛn bɔt di big imej ɛn di big big stik gi wi kɔnfidɛns se i nɔ go te igen, Jiova in Kiŋdɔm go pul ɔl di bad bad tin dɛn we de apin ɛn rul di wɔl.