Gɛt Maynd

Prinsipul: “Gɔd ɛp wi fɔ mek maynd fɔ tɛl una di gud nyuz.”—1 Tɛs. 2:2.

Wetin Jizɔs Bin Du?

Jizɔs de tɛl Zakiɔs fɔ kam dɔŋ di tik. Dis mek sɔm pipul dɛn sɔprayz.

VIDIO: Jizɔs Prich to Zakiɔs

1. Wach di VIDIO, ɔ rid Lyuk 19:1-7. Dɔn tink bɔt dɛn kwɛstyɔn dɛn ya:

Wetin go dɔn mek sɔm pipul dɛn avɔyd Zakiɔs?
Wetin mek Jizɔs stil prich di gud nyuz to am?

Wetin Wi Lan Frɔm Jizɔs?

2. Wi nid fɔ gɛt maynd fɔ prich di gud nyuz to ɛnibɔdi.

Falamakata Jizɔs

3. Abop pan Jiova. Gɔd in spirit bin ɛp Jizɔs fɔ prich, ɛn i go ɛp yu bak. (Mat. 10:19, 20; Lyuk 4:18) Beg Jiova fɔ gi yu maynd fɔ prich to di wan dɛn we yu tink se yu go fred fɔ tɔk to.—Akt 4:29.

4. Nɔ jɔj pipul dɛn. Sɔntɛm wi go fred fɔ tɔk to sɔm pipul dɛn bikɔs ɔf di we aw dɛn luk, dɛn pozishɔn, dɛn gɛt mɔni, di we aw dɛn de liv dɛn layf, ɔ wetin dɛn biliv. Bɔt mɛmba se:

Na Jiova ɛn Jizɔs ebul no wetin de na pipul dɛn at; wi nɔ ebul fɔ du dat.
Jiova de sɔri fɔ ɛnibɔdi.

5. Gɛt maynd, bɔt tek tɛm tɔk ɛn sho rɛspɛkt. (Mat. 10:16) Nɔ agyu wit pipul dɛn. If di pɔsin nɔ want fɔ lisin to di gud nyuz ɔ yu tink se yu nɔ sef, na fɔ tek tɛm ɛnd di tɔk fayn wan ɛn kɔmɔt de.—Prɔv. 17:14.

LUK BAK

Akt 4:31; Ɛfi. 6:19, 20; 2 Tim. 1:7