Wachtawa LAYBRI NA DI INTANƐT
Wachtawa
LAYBRI NA DI INTANƐT
Krio
  • BAYBUL
  • BUK ƐN ƆDA TIN DƐN
  • MITIN DƐN
  • km 4/14 p. 3
  • Di Fayn Stayl We di Nyu Trakt dɛn Gɛt!

Fim nɔ de fɔ dis say we yu pik.

Sɔri o, prɔblɛm de we mek di fim nɔ gri fɔ lod.

  • Di Fayn Stayl We di Nyu Trakt dɛn Gɛt!
  • Wi Kiŋdɔm Ministri—2014
  • Buk ɛn Ɔda Tin dɛn fɔ Dis Sem Dɔkyumɛnt
  • Aw Yu Go Yuz Trakt dɛn fɔ Bigin Tɔk to Pɔsin?
    Wi Kristian Layf ɛn Prichin Wok—Mitin Buk—2020
  • Yuz Gɔd in Wɔd—I Gɛt Layf!
    Di Wachtawa De Tɔk bɔt Jiova in Kiŋdɔm—2014
  • Wetin Yu Go Se we Yu De Prich
    Wi Kristian Layf ɛn Prichin Wok​—Mitin Buk—2016
Wi Kiŋdɔm Ministri—2014
km 4/14 p. 3

Di Fayn Stayl We di Nyu Trakt dɛn Gɛt!

1. Us tin dɛn wi go de yuz fɔ prich we gɛt wan nyu stayl?

1 Insay di ‘Gɔd in Wɔd Na Tru’ Kɔnvɛnshɔn, wi bin gɛt fayv nyu trakt dɛn. Dɔn, wi bin dɔn gɛt di Nyus bɔt Gɔd in Kiŋdɔm No. 38 we nem “Yu Tink Se di Wan dɛn We Dɔn Day Go Gɛt Layf Bak?” Ɔl dɛn siks trakt ya gɛt wan nyu stayl. Wetin mek dɛn gɛt nyu stayl? Aw wi go yuz di fayn stayl we dɛn trakt ya gɛt, we wi de prich?

2. Wetin mek di trakt dɛn gɛt nyu stayl?

2 Wetin mek dɛn gɛt nyu stayl? Fɔ mek wi prich fayn, na dɛn 4 tin ya wi fɔ du: (1) Aks di pɔsin kwɛstyɔn fɔ mek una tu bigin tɔk. (2) Rid wan skripchɔ. (3) Gi di pɔsin magazin ɔ ɛni ɔda buk. (4) Aks di pɔsin kwɛstyɔn we yu go ansa nɛks tɛm, ɛn arenj fɔ go to am bak. Di nyu stayl we dɛn trakt ya gɛt, go ɛp wi fɔ du ɔl dɛn 4 tin ya.

3. Aw yu go yuz wan pan di nyu trakt dɛn fɔ prich?

3 Aw fɔ Yuz di Trakt Dɛn? (1) Afta yu dɔn grit di pɔsin, sho am di kwɛstyɔn dɛn we de na di frɔnt pej, ɛn aks am mek i tɔk wetin i tink. (2) Opin di trakt ɛn tɔk bɔt di say we se “Di Baybul Se.” If chans de, rid di skripchɔ we dɛn rayt de frɔm di Baybul. If di pɔsin gɛt smɔl tɛm mɔ, una kin tɔk bɔt di say we se “Aw Dis Go Bɛnifit Yu?” (3) Gi di pɔsin di trakt, ɛn ɛnkɔrej am fɔ rid di balans say, we i gɛt chans. (4) Bifo yu go, sho am di kwɛstyɔn we de na di las pej we se “Tin Fɔ Tink Bɔt.” Arenj fɔ kam bak fɔ tɔk bɔt di Baybul in ansa to di kwɛstyɔn.

4. Aw wi go yuz di nyu trakt dɛn we wi de go to pɔsin we wi bin dɔn prich to?

4 I izi fɔ yuz dɛn trakt ya fɔ go bak to pɔsin we yu bin dɔn prich to. Na fɔ rid di skripchɔ we de na di las pej fɔ ansa di kwɛstyɔn we yu bin dɔn aks di las tɛm we yu go to di pɔsin. Bifo yu go, sho am di Gud Nyus buk in pikchɔ we de na di trakt. Sho am di tɔpik we de tɔk mɔ bɔt wetin una jɔs tɔk bɔt, dɔn gi am di buk. If i tek di buk, arenj fɔ kam ɔda tɛm fɔ lɛ una tɔk bɔt am. Na Baybul stɔdi yu dɔn stat so. Ɔ yu kin lɛf ɔda trakt gi am ɛn arenj fɔ kam bak to am.

5. Wetin mek i impɔtant fɔ yuz trakt dɛn we wi de prich?

5 Fɔ lɛk 130 ia so naw, wi dɔn de yuz trakt dɛn fɔ prich. Pan ɔl we dɛn sayz ɛn stayl dɛn difrɛn, dɛn dɔn de ɛp wi fɔ prich fayn. I go fayn fɔ mek wi yuz dɛn trakt ya we gɛt nyu stayl fɔ mek ɔlman yɛri bɔt wetin de na di Baybul.—Prɔv. 15:7a.

    Krio Buk, Magazin, ɛn Ɔda Tin Dɛn (2010-2025)
    Lɔg Awt
    Lɔg In
    • Krio
    • Sɛn
    • Arenj am di we aw yu want
    • Copyright © 2025 Watch Tower Bible and Tract Society of Pennsylvania
    • Wetin Yu Fɔ No Bifo Yu Yuz Dis Wɛbsayt?
    • Prayvesi Pɔlisi
    • Prayvesi Sɛtin Dɛn
    • JW.ORG
    • Lɔg In
    Sɛn