Wetin Wi Go Se

Usay Wi Go Fɛn di Ansa to Sɔm Impɔtant Kwɛstyɔn dɛn we Wi Kin Aks?

Afta yu dɔn grit di pɔsin, gi am di trakt mek i si di taytul ɛn tɛl am se: “Wi de jɔyn wi brɔda ɛn sista dɛn ɔlsay na di wɔl fɔ gi pipul dɛn dis impɔtant mɛsej. Na yu yon dande.”

If yu de lɛf di trakt na say we pɔsin nɔ de na os, put am say we pɔsin nɔ go si am ɛn nɔ fol fol am tumɔs.

If di pɔsin want fɔ no mɔ ɔ i want mek una tɔk, yu kin aks am wetin i tink bɔt di kwɛstyɔn dɛn we de na di frɔnt pej. Opin di trakt, ɛn sho am wetin Sam 119:144, 160 se. Ɛksplen se di trakt de tɔk bɔt wan wɛbsayt we go ɛp am fɔ fɛn tru tru ansa dɛn insay di Baybul. Yu kin sho wan ɛgzampul bay we yu ple fɔ am di fim we gɛt di taytul Wetin Mek I Fayn fɔ Stɔdi di Baybul? Bifo yu go, sho am di tri kwɛstyɔn dɛn we de na di las pej na di trakt, ɛn aks am uswan i rili want fɔ no mɔ bɔt. Tɛl am se yu go kam bak ɔda tɛm fɔ sho am aw fɔ fɛn di Baybul in ansa to da kwɛstyɔn de na jw.org. We yu go bak to am, una tɔk bɔt di ansa we de ɔnda di say we se BIBLE TEACHINGS > BIBLE QUESTIONS ANSWERED.

If di tɛm we una de sheb dis spɛshal trakt na di sem tɛm we una de sheb inviteshɔn fɔ una kɔnvɛnshɔn, gi di pɔsin di inviteshɔn ɛn di trakt, dɔn tɔk se, “Apat frɔm di trakt we wi dɔn gi yu, wi dɔn gi yu bak wan inviteshɔn fɔ wan fri program we wi go gɛt.”

Di Wachtawa Ɔgɔst 1

If na wikɛnd una de prich, se dis we yu want fɔ gi Di Wachtawa to pɔsin we gɛt chans: “Wi go lɛk fɔ gi yu di magazin dɛn we wi jɔs gɛt. Dis Wachtawa go ansa di kwɛstyɔn, Yu tink se Gɔd bisin bɔt yu?”

Awake! Ɔgɔst

If na wikɛnd una de prich, se dis we yu want fɔ gi di Awake! to pɔsin we gɛt chans: “Wi go lɛk fɔ gi yu di magazin dɛn we wi jɔs gɛt. Dis Awake! go ansa di kwɛstyɔn, How can people make peace?”