Lɛ Wi Tray fɔ Du Dis we Wi De Prich—Aw fɔ Ansa Pɔsin We Vɛks Bikɔs I Nɔ Want fɔ Lisin to Wi?

Wetin Mek Dis Impɔtant? Bɔku pan di wan dɛn we wi kin prich to kin tɔk to wi fayn. Bɔt Jizɔs bin dɔn tɔk se sɔm pipul dɛn go et wi. (Jɔn 17:14) So wi nɔ fɔ sɔprayz we wi mit pɔsin we vɛks bikɔs i nɔ want fɔ lisin to wi. We dis apin, wi fɔ mɛmba se na Jiova sɛn wi, so wi fɔ ansa di kayn we we go mek i gladi. (Rom 12:17-21; 1 Pit. 3:15) If wi du dis, dat go ɛp fɔ mek di pɔsin nɔ vɛks mɔ. I go tan lɛk se wi dɔn prich to di pɔsin ɔ ɛnibɔdi we de wach wi. Ɛn nɛks tɛm we Jiova Witnɛs dɛn kam fɔ prich to am, i go want fɔ lisin.—2 Kɔr. 6:3.