Lɛ Wi Tray fɔ Du Dis we Wi De Prich—Yuz di Buk we Nem Gɔd Gɛt Gud Nyus fɔ Wi! fɔ Stat Baybul Stɔdi di Fɔs Tɛm we Yu Prich to Pɔsin
Wetin Mek Dis Impɔtant: Fɔ mek pipul dɛn bi Jizɔs in disaypul dɛn, wi fɔ bi pipul dɛn we sabi fɔ tich Gɔd in Wɔd. (Mat. 28:19, 20) Wi ɔl go ebul fɔ tich di tru fayn if wi yuz di tin dɛn we dɛn dɔn gi wi. Dɛn mek di buk we nem Gɔd Gɛt Gud Nyus fɔ Wi! fɔ ɛp wi tich ɔda pipul dɛn di tru. Infakt, wi kin ivin yuz am fɔ stat Baybul stɔdi di fɔs tɛm we wi prich to pɔsin.
Tray fɔ Du Dis Insay Dis Mɔnt:
Pre to Jiova fɔ mek i ɛp yu fɔ lɛ yu rili want fɔ stɔdi pɔsin. Pre to am bak fɔ ɛp yu fɔ gɛt pɔsin we yu go stat fɔ stɔdi di Baybul wit ɛn fɔ mek yu rili sabi fɔ tich di tru.—Fil. 2:13.
We yu de du famili wɔship ɔ pasɔnal stɔdi, tek tɛm fɔ rili stɔdi ɛn sabi di ɛgzampul gud wan. Dat go mek yu nɔ fred we yu de prich ɛn yu go ebul fɔ stat Baybul stɔdi di fɔs tɛm we yu prich to pɔsin.