Pripia Gud Wan fɔ Ebul fɔ Tich Fayn!

Dɛn bin aks Jizɔs tu tɛm di sem kwɛstyɔn bɔt layf we go de sote go. Bɔt ɛnitɛm we dɛn aks am, i bin de gi ansa fɔ fit di kayn pɔsin we aks di kwɛstyɔn. (Lyuk 10:​25-28; 18:​18-20) So pan ɔl we wi kin sabi wetin de insay di buk we wi de stɔdi pipul dɛn wit, wi fɔ pripia bifo tɛm fɔ ɛni Baybul stɔdi ɛn wi fɔ tink bɔt di pɔsin we wi de pripia. Us pɔynt dɛn nɔ kin izi fɔ mek i ɔndastand ɔ gri wit? Us skripchɔ dɛn we nɔ kot we de na di buk we una fɔ rid? Ɔmɔs paregraf una fɔ du? Yu go nid fɔ pripia wan ɛgzampul, wan fayn we fɔ ɛksplen wetin una de stɔdi, ɛn sɔm kwɛstyɔn dɛn we go ɛp yu Baybul stɔdi fɔ ɔndastand wetin una de tɔk bɔt. Apat frɔm dat, ɛnti na Jiova de mek di sid we wi de plant gro na pipul dɛn at, wi fɔ pre to Jiova fɔ mek i ɛp wi we wi de pripia fɔ di stɔdi, fɔ mek i ɛp di studɛnt, ɛn fɔ mek i ɛp wi we de tich di studɛnt fɔ no am.—1 Kɔr. 3:​6; Jems 1:​5.