We Wi Liv Simpul Layf Dat De Ɛp Wi fɔ Prez Gɔd

Tide, i kin izi fɔ mek bɔku tin dɛn ambɔg wi. Wi kin nid tɛm ɛn trɛnk fɔ bay tin dɛn, fɔ pe fɔ tin dɛn, fɔ yuz dɛn, fɔ mek dɛn we dɛn pwɛl, ɛn fɔ protɛkt di tin dɛn we wi gɛt. Jizɔs bin liv simpul layf so dat prɔpati ɛn ɔda tin dɛn nɔ go mek i nɔ kɔntinyu fɔ du in prichin wok.—Mat 8:​20.

Wetin-ɛn-wetin yu go du fɔ liv simpul layf so dat yu go ebul fɔ du mɔ na di prichin wok? Pɔsin de na di famili we go ebul fɔ payɔnia if una ajɔst di tin dɛn we una de du? Pan ɔl we yu de yuz ɔl yu tɛm fɔ sav Jiova, yu tink se smɔl smɔl yu dɔn alaw prɔpati fɔ ambɔg yu? We yu liv simpul layf dat go mek yu gladi we yu de sav Jiova.—1 Tim. 6:​7-9.