Spɛshal Prichin fɔ Sheb Sheb Di Wachtawa Insay Sɛptɛmba

Pipul dɛn we de ɔlsay na di wɔl nid ɔda pipul dɛn fɔ ɛnkɔrej dɛn. (Ɛkli 4:​1) Insay Sɛptɛmba, wi go tray tranga wan fɔ prich wit Di Wachtawa, we go tɔk bɔt fɔ ɛnkɔrej pipul dɛn. Wi fɔ rili sheb dis magazin. Bɔt bikɔs wi rili want fɔ mit pipul dɛn ɛn tɔk to dɛn so dat wi go ɛnkɔrej dɛn, wi nɔ fɔ lɛf di magazin dɛn na os usay pipul dɛn nɔ de.

WETIN FƆ SE

“Sɔntɛnde wi ɔl want lɛ dɛn ɛnkɔrej wi. Bɔt usay wi go gɛt am? [Rid Sɛkɛn Lɛta Fɔ Kɔrint 1:​3, 4.] Dis Wachtawa tɔk bɔt aw Gɔd de ɛnkɔrej pipul dɛn.”

If di pɔsin sho se i want fɔ no mɔ ɛn gri fɔ tek di magazin, . . .

PLE DI FIM WE GƐT DI TAYTUL WETIN MEK I FAYN FƆ STƆDI DI BAYBUL?

Dɔn yu kin aks di pɔsin if i go want fɔ stɔdi di Baybul.

ARENJ FƆ DI TƐM WE YU GO GO BAK FƆ DU RITƆN VISIT

Aks wan kwɛstyɔn we una go tɔk bɔt we yu go bak to am, kwɛstyɔn lɛk “Wetin mek Gɔd de alaw wi fɔ sɔfa?”