Yu De Yuz di Lan Mɔ Bɔt di Baybul JW.ORG Kad?

Wi fɔ rili prich wit zil naw bikɔs i nɔ de fa igen fɔ mek da big trɔbul kam. (Prɔ. 24:​11, 12, 20) Fɔ ɛp pipul dɛn, wi kin yuz di lan mɔ bɔt di Baybul kad fɔ dayrɛkt dɛn fɔ no mɔ bɔt Gɔd in Wɔd ɛn wi wɛbsayt. Di kad gɛt wan kod we go mek yu go na di say we gɛt di fim we gɛt di taytul Wetin Mek I Fayn fɔ Stɔdi di Baybul? ɛn wan inviteshɔn we yu go yuz fɔ aks fɔ no mɔ bɔt wi ɔ fɔ aks fɔ Baybul Stɔdi. Sɔm pipul dɛn nɔ kin want fɔ tek wi buk ɛn magazin dɛn bɔt dɛn kin gri fɔ go na wi wɛbsayt. Nɔ westɛm fɔ gi dɛn wan lan mɔ bɔt di Baybul kad. Bɔt, wi nɔ fɔ lɛf di lan mɔ bɔt di Baybul kad to di wan dɛn we nɔ sho se dɛn want fɔ no mɔ.

As wi de du di tin dɛn we wi kin du ɛvride, wi kin mek pɔsin want fɔ no mɔ bay we wi se: “A gɛt sɔntin we a go lɛk fɔ gi yu. Dis kad go dayrɛkt yu fɔ go na wan wɛbsayt we go ɛp yu fɔ no mɔ bɔt tin dɛn, ɛn fim dɛn we de tɔk bɔt bɔku tɔpik dɛn na di Baybul.” (Jɔn 4:​7) Bikɔs di lan mɔ bɔt di Baybul kad smɔl, sɔntɛm yu kin gɛt sɔm na yu bag ɔ pɔs fɔ gi pipul dɛn. Ɛn yu fɔ du am we yu gɛt ɛni chans.