Tu sista dɛn de kɔndɔkt Baybul stɔdi na Chili
Wetin Wi Go Se
AWAKE!
Kwɛstyɔn: Bɔku pipul dɛn want fɔ gɛt wɛlbɔdi. Wetin yu tink se wi fɔ du fɔ protɛkt wisɛf fɔ mek wi nɔ sik?
Skripchɔ: Prɔ. 22:3
Wetin fɔ Se ɛn Gi: Dis Awake! tɔk bɔt tin dɛn we wi fɔ du fɔ gɛt sɛns ɛn ridyus di tin dɛn we go want fɔ mek wi sik.
TICH DI TRU
Kwɛstyɔn: Na Gɔd de mek wi sɔfa ɔ na ɔda tin dɛn?
Skripchɔ: Job 34:10
Tru: Nɔto Gɔd rili de mek wi sɔfa. Bɔt, na Setan de mek wi de sɔfa, di bad tin we mɔtalman kin disayd fɔ du, ɛn sɔntɛm we wi de na di rɔng ples di rɔng tɛm. We wi de sɔfa, Gɔd de fɔ sɔpɔt wi. I rili kia bɔt wi.
WETIN MEK I FAYN FƆ STƆDI DI BAYBUL? (Fim)
Kwɛstyɔn: Yu tink se na Gɔd de kɔntrol di wɔl? [Alaw di pɔsin fɔ tɔk wetin i tink.] Wetin di Baybul tɔk, go mek yu wɔnda. Dis shɔt fim tɔk bɔt dat. [Ple di fim.]
Wetin fɔ Se ɛn Gi: Insay chapta 11 na dis buk i tɔk bɔt wetin mek Gɔd dɔn alaw wi fɔ sɔfa ɛn wetin i want fɔ du bɔt dat. [Gi di Baybul Tich ɔ Teach Us buk.]
WETIN YU GO LƐK FƆ SE?
Yuz di ɛgzampul we de bifo dis fɔ pripia wetin yu go lɛk fɔ se we yu de prich.