Udat Dɛn De Du Wetin Jiova Want?—Aw fɔ Yuz Am?

Dɛn mek di buk we nem Udat Dɛn De Du Wetin Jiova Want? so dat wi go yuz am ɛnitɛm fɔ bigin Baybul stɔdi ɔ afta wi dɔn fɔ stɔdi di men buk wit wi Baybul stɔdi.a Lɛsin 1 to 4 de ɛp wi Baybul stɔdi dɛn fɔ no udat na Jiova Witnɛs dɛn, lɛsin 5 to 14 de ɛp dɛn fɔ lan bɔt di tin dɛn we wi de du, ɛn lɛsin 15 to 28 de sho dɛn aw wi ɔganayz. I fayn fɔ mek una tɔk bɔt di lɛsin dɛn lɛk aw dɛn de na di buk, bɔt una kin bigin frɔm ɛni ɔda lɛsin we go tɔk bɔt sɔntin we di Baybul stɔdi nid fɔ no bɔt. Ɛni wan pan di lɛsin dɛn de na wangren pej ɛn wi kin yuz fayv to tɛn minit so fɔ tɔk bɔt dɛn to bɔku pan wi Baybul stɔdi dɛn.

• 

  Tɔk bɔt di kwɛstyɔn we na di lɛsin in taytul

• We una bigin ɛni lɛsin, una kin rid ɔltin togɛda ɔ una kin rid am af-af

• Tɔk bɔt wetin una jɔs dɔn rid. Yuz di kwɛstyɔn dɛn we de dɔŋ di pej ɛn yuz di pikchɔ dɛn. If nid de, una kin rid ɛn tɔk bɔt di skripchɔ dɛn we dɛn nɔ kot we de na di lɛsin we una de tɔk bɔt. Mek di Baybul stɔdi ɔndastand se di sɔbɛdin dɛn we dɛn rayt big big wan ansa di kwɛstyɔn we na di taytul.

• If di lɛsin gɛt di bɔks we se “Tray fɔ No Mɔ,” una kin rid am togɛda ɛn ɛnkɔrej yu Baybul stɔdi fɔ du di tin dɛn we i dɔn lan