Wan brɔda ɛn wan sista de gi wan trakt, nia Mɔnrovia, Laybiria

Wetin Wi Go Se?

●○○ DI FƆSTƐM WE YU PRICH TO PƆSIN

Kwɛstyɔn: Yu tink se di Baybul stil impɔtant?

Skripchɔ: 2Ti 3:16, NW

Kwɛstyɔn fɔ Nɛks Tɛm: Us mɛsej de insay di Baybul?

○●○ FƆS RITƆN VISIT

Kwɛstyɔn: Us mɛsej de insay di Baybul?

Skripchɔ: Mat 6:10, NW

Kwɛstyɔn fɔ Nɛks Tɛm: Wetin Gɔd in Kiŋdɔm go du?

○●○ SƐKƆN RITƆN VISIT

Kwɛstyɔn: Wetin Gɔd in Kiŋdɔm go du?

Skripchɔ: Dan 2:44, NW

Kwɛstyɔn fɔ Nɛks Tɛm: Aw di tin we di Kiŋdɔm go du, go afɛkt di wɔl?

Frɔm dis mɔnt, di mitin we wi de gɛt insay di wik nɔ go de gɛt tri difrɛn tin dɛn we wi go se fɔ prich. Bifo dat, insay di Layf ɛn Prichin Wok Mitin Buk wi go de gɛt ɛgzampul dɛn we go gɛt kwɛstyɔn, skripchɔ, ɛn ɔda kwɛstyɔn we wi go yuz fɔ ritɔn visit. Na wan fim we de sho wetin wi go se fɔ prich, dɛn go de ple ɛni wik. Ɛni pɔblisha kin disayd uswan pan di buk ɔ magazin i go want fɔ yuz ɛn i kin disayd bak if i go want fɔ yuz am di fɔstɛm we i prich to pɔsin ɔ di tɛm we i go du ritɔn visit. Apat frɔm dat, di mitin buk go gɛt ɛgzampul dɛn we go ɛp wi fɔ no wetin fɔ se we wi de go bak fɔ di fɔs ɛn sɛkɔn ritɔn visit. Dis go ɛp wi fɔ pe atɛnshɔn mɔ fɔ tich “ɔl di wan dɛn we rili want fɔ du wetin Gɔd want ɛn gɛt layf we go de sote go.”—Akt 13:48, NW.

Asaynmɛnt fɔ Studɛnt Dɛn: Di studɛnt dɛn fɔ du wetin de na di say we se, wetin wi go se. Pas nɔmɔ dɛn tɛl am fɔ du ɔda tin.