Fɔ Gi wit Ɔl Wi At to Jiova

Aw wi go “gri fɔ kam wit gift fɔ Jiova?” (1Kro 29:​5, 9, 14, NW) Dɔŋ say, yu go ebul fɔ si difrɛn we dɛn we yu go ebul fɔ gi kɔntribyushɔn fɔ sɔpɔt di wok we Jiova Witnɛs dɛn de du na yu kɔntri ɛn ɔda say dɛn na di wɔl.

KƆNTRIBYUSHƆN DƐN WE PIPUL DƐN KIN GI NA DI INTANƐT Ɔ PUT NA DI KƆNTRIBYUSHƆN BƆKS DƐN KIN SƆPƆT:

• 

  DI WOK WI WI DE DU ƆLSAY NA DI WƆL

  fɔ bil branch ɛn rimot transleshɔn ɔfis dɛn ɛn kia fɔ di tin dɛn we dɛn de du de

  tiokratik skul dɛn

  spɛshal ful taym savant dɛn

  dizasta rilif

  print, mek fim, ɛn put wi buk ɛn magazin dɛn na di intanɛt

• 

  MƆNI WE DI KƆNGRIGESHƆN DE YUZ

  fɔ tin dɛn we wi nid ɛn mek say dɛn we dɔn pwɛl na di Kiŋdɔm Ɔl

  ɛni mɔni we di kɔngrigeshɔn gri fɔ mek dɛn sɛn to di branch ɔfis fɔ:

  • bil Kiŋdɔm Ɔl ɛn Asɛmbli Ɔl difrɛn say dɛn na di wɔl

  • the Global Assistance Arrangement

  • ɔda tin dɛn we wi nid fɔ difrɛn say dɛn na di wɔl

KƆNVƐNSHƆN ƐN ASƐMBLI DƐN

Dɛn kin sɛn di kɔntribyushɔn dɛn we wi de gi na kɔnvɛnshɔn fɔ sɔpɔt di wok we wi de du ɔlsay na di wɔl. So dɛn de yuz dɛn mɔni dɛn de fɔ ɛnitin we dɛn nid fɔ kɔnvɛnshɔn insay wan kɔntri, intanashɔnal kɔnvɛnshɔn, ɛn spɛshal kɔnvɛnshɔn dɛn.

Kɔntribyushɔn dɛn we wan sakit kin gi, na in dɛn kin yuz fɔ rɛnt, ɛn mek say dɛn we dɔn pwɛl usay dɛn fɔ mek asɛmbli dɛn. Di sakit kin disayd fɔ gi di ɛkstra kɔntribyushɔn we lɛf, fɔ sɔpɔt di wok we Jiova Witnɛs dɛn de du ɔlsay na di wɔl.