Yu Rɛdi fɔ Aplay fɔ di Skul fɔ Pipul dɛn We De Prich Bɔt Gɔd in Kiŋdɔm?

Yu na pɔsin we de bitwin 23 ɛn 65 ia we de ful-taym savis? Yu gɛt wɛlbɔdi, ɛn yu go ebul fɔ sav usay dɛn nid mɔ pipul dɛn fɔ prich? If yu ansa na yɛs, yu dɔn tink fɔ aplay fɔ di Skul fɔ Pipul dɛn We De Prich Bɔt Gɔd in Kiŋdɔm? Frɔm we di fɔs klas bigin, bɔku brɔda ɛn sista dɛn we mared, ɛn brɔda ɛn sista dɛn we nɔ mared dɔn aplay. Bɔt, wi nid mɔ brɔda dɛn we nɔ mared fɔ aplay. Aks Jiova fɔ ɛp yu fɔ want fɔ du wetin go mek i gladi ɛn fɔ falamakata in Pikin. (Sam 40:8; Mat 20:28, NWT; Ibru. 10:7, NWT) Dɔn tink bɔt aw yu go ajɔst wetin yu de du fɔ mek yu go kwalifay.

Us chans dɛn brɔda ɛn sista dɛn we dɔn gɛt dis tiokratik trenin, dɔn gɛt? Sɔm pan di wan dɛn we dɔn gradyuet dɔn gɛt chans fɔ sav na say dɛn we dɛn de tɔk ɔda langwej ɔ fɔ tek pat pan di spɛshal mɛtropolitan witnɛsin. Afta sɔm tɛm, sɔm pan dɛn kin bi substitut sakit ovasia, ɔ mishɔnari dɛn. As yu de tink bɔt di chans dɛn we yu gɛt fɔ sav Jiova, i go fayn fɔ mɛmba di wɔd we prɔfɛt Ayzaya bin tɔk se: “Luk mi! Sɛn mi.”—Ayz 6:8.

WACH DI FIM WE GƐT DI TAYTUL, MISHƆNARI DƐN NA WOKMAN DƐN WE DE PRICH, DƆN UNA ANSA DI KWƐSTYƆN DƐN WE DE DƆŊ:

• 

  Aw dɛn kin pik mishɔnari dɛn?

• 

  Us gud wok mishɔnari dɛn de du?

• 

  Wetin na sɔm pan di blɛsin dɛn we mishɔnari dɛn kin gɛt?