Protɛkt Yu Mared

Jiova de si mared vaw as sɔntin we rili siriɔs. I se maredman ɛn in wɛf fɔ kɔntinyu fɔ de togɛda. (Mat 19:​5, 6) Jiova in pipul dɛn de we mared we de sɛt gud ɛgzampul. Bɔt no mared nɔ de we pafɛkt. Prɔblɛm dɛn kin de. Wi nɔ fɔ tink lɛk aw bɔku pipul dɛn de tink se we prɔblɛm de na mared-os na fɔ sɛpret ɔ dayvɔs. Aw Kristian dɛn we mared go protɛkt dɛn mared-os?

Lɛ wi tɔk bɔt fayv impɔtant tin dɛn we go ɛp.

1. Protɛkt yu at bay we yu avɔyd fɔ du tin dɛn lɛk, fɔ mek lɛk se yu lɛk pɔsin we nɔto yu wɛf ɔ yu man ɛn fɔ ɛnjɔy yusɛf wit tin dɛn we gɛt fɔ du wit mami ɛn dadi biznɛs di we aw Gɔd nɔ want, bikɔs dat de ambɔg mared-os.—Mat 5:​28; 2Pi 2:​14.

2. Kɔntinyu fɔ gɛt tayt padi biznɛs wit Gɔd ɛn du tin dɛn na yu mared-os we de sho se yu want fɔ mek i gladi.—Sam 97:​10.

3. Kɔntinyu fɔ gɛt di nyu abit dɛn ɛn go de du smɔl smɔl gud tin dɛn we go mek layf izi fɔ yu man ɔ yu wɛf.—Kol 3:​8-10, 12-14.

4. Una kɔntinyu fɔ de tɔk wit rɛspɛkt ɛn tɔk bɔt tin dɛn we impɔtant.—Kol 4:​6.

5. Du di tin dɛn we yu fɔ du as maredman ɔ mareduman wit lɔv.—1Kɔ 7:​3, 4; 10:​24.

We Kristian dɛn de sho rɛspɛkt fɔ dɛn mared, dɛn de ɔnɔ di Wan we mek mared we na Jiova.

WACH DI FIM WE GƐT DI TAYTUL, WI FƆ “RƆN DI RES” ƐN NƆ TAYA—OBE ƆL DI LƆ DƐN, DƆN UNA ANSA DI KWƐSTYƆN DƐN WE DE DƆŊ:

• 

  Pan ɔl we mared kin bigin fayn, us prɔblɛm dɛn kin kam?

• 

  Aw Baybul prinsipul dɛn go ɛp maredman ɛn in wɛf we fil se dɛn nɔ lɛk dɛnsɛf igen?

• 

  Us lɔ dɛn Jiova dɔn gi bɔt mared?

• Wetin maredman ɛn mareduman dɛn go du fɔ mek dɛn mared-os go go bifo?