Na Lɔv De Mek Jiova Kɔrɛkt Pɔsin

Disiplin kin min fɔ tren ɛn tich, bɔt i kin min bak fɔ kɔrɛkt ɛn pɔnish. Jiova de kɔrɛkt wi so dat wi go wɔship am aw i want. (Rom 12:​1; Ibr 12:​10, 11) Sɔntɛnde, wi kin fil am we dɛn kin kɔrɛkt wi, bɔt i de mek wi du wetin rayt ɛn gɛt bɔku blɛsin dɛn. (Prɔ 10:​7) Wetin di wan we de kɔrɛkt ɛn di wan we dɛn de kɔrɛkt fɔ mɛmba?

Di wan we de kɔrɛkt. Ɛlda dɛn, mama ɛn papa dɛn ɛn ɔda pipul dɛn fɔ tray tranga wan fɔ gi kɔrɛkshɔn wit sɔri-at ɛn lɔv lɛk aw Jiova de du. (Jɛr 46:​28) Ilɛk yu de gi kɔrɛkshɔn we at na fɔ gi am akɔdin to wetin di pɔsin du ɛn na fɔ du am wit lɔv.—Tay 1:​13.

Di wan we dɛn de kɔrɛkt. Ilɛk aw dɛn kɔrɛkt wi, wi fɔ rɛdi fɔ du wetin dɛn tɛl wi wantɛm wantɛm ɛn wi nɔ fɔ mek trangayes. (Prɔ 3:​11, 12) Bikɔs wi nɔ pafɛkt wi ɔl nid pɔsin fɔ kɔrɛkt wi ɛn wi kin gɛt kɔrɛkshɔn difrɛn we dɛn. Sɔntɛm wi kin gɛt kɔrɛkshɔn we wi rid di Baybul ɔ wetin wi de yɛri na di mitin dɛn. Ɔ sɔntɛm dɛn de judishal kɔmiti go nid fɔ kɔrɛkt pɔsin. We wi lisin we dɛn kɔrɛkt wi dat go sev wi layf.—Prɔ 10:​17.

WACH DI VIDIO WE GƐT DI TAYTUL, JIOVA DE KƆRƐKT DI WAN DƐN WE I LƐK, DƆN UNA ANSA DI KWƐSTYƆN DƐN WE DE DƆŊ:

• 

  Aw layf bin tan lɛk fɔs fɔ Kanɔn? Aw tin bin chenj fɔ am?

• 

  Aw Jiova bin kɔrɛkt am wit lɔv?

• 

  Us lɛsin dɛn wi lan frɔm in ɛkspiriɛns?