LIV YU LAYF LƐK KRISTIAN
Rɛdi Ɔltɛm Bikɔs Wi De Insay di Las Pat na “di Las Dez”
As wi de bia di tin dɛn we de apin insay di las pat na di las dez, wi de ɛkspɛkt prɔblɛm dɛn fɔ bɔku pas aw i de naw. (2Ti 3:1; Mat 24:8) We dizasta kin apin, bɔku tɛm Jiova in pipul dɛn kin gɛt dayrɛkshɔn dɛn di rayt tɛm we kin sev dɛn layf. Fɔ mek wi go sev da tɛm de, wi nid fɔ rɛdi naw fɔ du di tin dɛn we dɛn de tɛl wi fɔ du ɛn gɛt tayt padi biznɛs wit Jiova.—Lyu 16:10.
Rɛdi bay we yu gɛt tayt padi biznɛs wit Jiova: Gɛt fayn program fɔ de rid di Baybul ɛn du pasɔnal stɔdi. Lan difrɛn we dɛn fɔ prich. Nɔ fred if yu nɔ de wit yu brɔda ɛn sista dɛn fɔ sɔm tɛm. (Ayz 30:15) Jiova ɛn Jizɔs de nia yu ɔltɛm.—od-E pej 176, par. 15 to par. 17
Du wetin yu fɔ du fɔ rɛdi: Apat frɔm di imajɛnsi bag dɛn we una fɔ pak, ɔlman fɔ gɛt it, wata, mɛrɛsin, ɛn ɔda tin dɛn we dɛn go yuz if nid de fɔ go de ɔdasay fɔ sɔm tɛm.—Prɔ 22:3; g17. 5-E pej 4 ɛn pej 6
WACH DI VIDIO WE GƐT DI TAYTUL, YU RƐDI FƆ DI TƐM WE EBI EBI BRIZ Ɔ REN GO KAM?, DƆN UNA ANSA DI KWƐSTYƆN DƐN WE DE DƆŊ:
Aw wi tayt padi biznɛs wit Jiova go ɛp wi we dizasta apin?
Wetin mek wi . . .
fɔ de tɔk to di ɛlda dɛn ɔltɛm?
fɔ rɛdi wi imajɛnsi bag?
fɔ tɔk bɔt di kayn dizasta dɛn we sɔntɛm go apin ɛn wetin wi go du we ɛniwan pan dɛn apin?
Us tri tin dɛn wi go du fɔ ɛp ɔda pipul dɛn we de na ples we dizasta dɔn apin?
AKS YUSƐF, ‘Us lɛsin dɛn a lan frɔm di KOVID-19 sik bɔt wetin mek i fayn fɔ rɛdi?’