Gri fɔ Mek Jiova Ɛp Yu Tru Prea

Na Jiova de mek di trut tɔch pɔsin in at ɛn gro. (1Kɔ 3:​6-9) So, fɔ mek wi go go bifo pan di prichin wok, wi nid fɔ abop pan Jiova fɔ ɛp wi ɛn wi Baybul studɛnt dɛn.

Beg Jiova fɔ ɛp yu Baybul studɛnt dɛn fɔ bia we dɛn de mɔna dɛn ɛn we prɔblɛm dɛn de mit dɛn. (Fil 1:​9, 10) Pre fɔ di patikyula tin we yu want. Pre fɔ oli spirit fɔ gayd di we aw yu de tink ɛn du tin. (Lyu 11:​13) Tich yu Baybul studɛnt dɛn aw fɔ pre ɛn ɛnkɔrej dɛn fɔ du am. Yuz yu Baybul studɛnt dɛn nem we yu de pre fɔ dɛn ɛn we yu de pre wit dɛn.

WACH DI VIDIO WE GƐT DI TAYTUL, GƐT GLADI-AT WE YU DE MEK DISAYPUL—GRI FƆ MEK JIOVA ƐP YU—PREA, DƆN UNA ANSA DI KWƐSTYƆN DƐN WE DE DƆŊ:

• Us prɔblɛm dɛn Anita bin gɛt we i de stɔdi wit Judit?

• Aw 1 Kɔrintians 3:​6 bin ɛp Anita?

• Aw Anita in prɔblɛm bin sɔlv?