Tich Yu Baybul Studɛnt dɛn fɔ Lan Aw fɔ Stɔdi

Fɔ mek Baybul studɛnt dɛn lan bɔt Jiova ɛn bi machɔ Kristian dɛn, dɛn nɔ fɔ jɔs satisfay wit di tru tin dɛn we wi de tich dɛn. (Mat 5:​3; Ibr 5:​12–6:​2) Dɛn fɔ lan bak aw fɔ stɔdi fɔ dɛnsɛf.

Frɔm we una bigin fɔ stɔdi, sho yu Baybul studɛnt dɛn aw fɔ pripia fɔ dɛn stɔdi ɛn ɛnkɔrej dɛn fɔ de du am. (mwb18.03 6) Ɛnkɔrej dɛn fɔ pre bifo dɛn stat fɔ du dɛn pasɔnal stɔdi. Ɛp dɛn fɔ sabi yuz di ilɛktronik tul dɛn fɔ stɔdi. Ɛksplen to dɛn aw dɛn go ebul fɔ si di nyu tin dɛn we kin de na jw.org ɛn JW Brɔdkastin. Tich dɛn smɔl smɔl aw fɔ rid di Baybul ɛvride, pripia fɔ kɔngrigeshɔn mitin dɛn, ɛn fɔ du risach fɔ gɛt ansa to kwɛstyɔn dɛn we dɛn gɛt. Ɛp dɛn fɔ tink gud gud wan bɔt wetin dɛn de lan.

WACH DI VIDIO WE GƐT DI TAYTUL, ƐP YU BAYBUL STUDƐNT DƐN FƆ . . . LAN AW FƆ STƆDI, DƆN UNA ANSA DI KWƐSTYƆN DƐN WE DE DƆŊ:

• 

  Aw Anita bin ɛp Judit fɔ no se fɔ stɔdi nɔ jɔs min fɔ sabi di ansa dɛn?

• 

  Wetin ɛp Judit fɔ biliv se Jiova gɛt rayt fɔ tɛl wi nɔ fɔ du mami ɛn dadi biznɛs di we aw i nɔ want?

• 

  Wetin Judit bin ɔndastand bɔt aw fɔ tink gud gud wan?