Lɛsin dɛn we Wi Kin Lan Frɔm Samiɛl in Layf

Samiɛl bin kɔntinyu fɔ sav Jiova fetful wan te i day. We i bin smɔl, i nɔ bin gri fɔ fala di bad we aw Ilay in pikin dɛn Ɔfni ɛn Finias bin de biev. (1Sa 2:​22-26) Samiɛl bin de gro ɛn Jiova bin kɔntinyu fɔ de wit am. (1Sa 3:​19) Ivin as ol pɔsin, i bin kɔntinyu fɔ sav Jiova Gɔd fetful wan pan ɔl we in pikin dɛn nɔ bin du dat.—1Sa 8:​1-5.

Wetin Samiɛl in ɛgzampul kin tich wi? If yu na yɔŋ pɔsin na fɔ biliv se Jiova no di prɔblɛm dɛn we de mit yu ɛn aw yu de fil. I go ɛp yu fɔ gɛt maynd. (Ayz 41:​10, 13) If yu na mama ɔ papa we gɛt pikin we dɔn lɛf fɔ sav Jiova, mɛmba se Samiɛl nɔ bin fos in big bɔypikin dɛn fɔ kɔntinyu fɔ du tin di we aw Jiova want. Pan ɔl we i bin lɛf in prɔblɛm na Jiova in an, i bin kɔntinyu fɔ waka tret ɛn du wetin in Papa we de na ɛvin want. Sɔntɛm yu gud ɛgzampul go mek yu pikin kam bak to Jiova.

WACH DI VIDIO WE GƐT DI TAYTUL, LAN FRƆM DƐN—SAMIƐL, DƆN UNA ANSA DI KWƐSTYƆN DƐN WE DE DƆŊ:

• 

  Aw Samiɛl bin sho se i gɛt maynd we i bin smɔl?

• 

  Aw Dani bin sho se i gɛt maynd?

• 

  Aw Samiɛl bin sɛt fayn ɛgzampul we i bin dɔn ol?

• 

  Aw Dani in mama ɛn papa dɛn bin sɛt fayn ɛgzampul?