Udat Na Yu Padi dɛn Ɔnlayn?

Wi kin se padi dɛn na “tu pipul dɛn we lɛk ɛn rɛspɛkt dɛnsɛf.” Fɔ ɛgzampul, Jonɛthan ɛn Devid kam fɔ bi tayt padi dɛn afta Devid kil Golaya. (1Sa 18:​1) Dɛn ɔl tu bin gɛt kwaliti dɛn we mek dɛn lɛk dɛnsɛf. So na we wi sabi di tru tin dɛn bɔt pipul dɛn go mek wi bi tayt padi wit dɛn. Fɔ mek tu pipul dɛn sabi dɛnsɛf i kin tek tɛm ɛn ɛfɔt. Bɔt i izi fɔ gɛt padi dɛn na soshial midia bikɔs yu jɔs nid fɔ klik. Bikɔs pipul dɛn na soshial midia ebul fɔ plan wetin fɔ tɔk, ɛn fɔ kɔntrol wetin ɔda pipul dɛn tink bɔt dɛn, i izi fɔ mek dɛn ayd udat dɛn rili bi. Na dat mek i go fayn fɔ disayd ‘uskayn pipul dɛn yu go want fɔ mek padi wit’ ɔnlayn. If pɔsin we yu nɔ sabi sɛn frɛnd rikwɛst to yu, nɔ gri fɔ bi in padi bikɔs yu de fred se if yu nɔ du dat i go fil bad. Bikɔs ɔf di denja we kin de, sɔm pipul dɛn dɔn disayd nɔ fɔ yuz soshial midia atɔl. Bɔt if yu disayd fɔ yuz soshial midia, wetin yu fɔ mɛmba?

WACH DI VIDIO WE GƐT DI TAYTUL, TEK TƐM WE YU DE YUZ SOSHIAL NƐTWƆK, DƆN UNA ANSA DI KWƐSTYƆN DƐN WE DE DƆŊ:

• 

  Wetin yu fɔ tink bɔt bifo yu post kɔmɛnt ɛn pikchɔ dɛn?

• 

  Wetin mek yu fɔ tek tɛm pik yu padi dɛn ɔnlayn?

• 

  Wetin mek yu fɔ disayd ɔmɔs tɛm yu fɔ spɛnd ɔnlayn?​—Ɛfi 5:​15, 16