Ɔl Prɔblɛm dɛn Gɛt Tɛm We dɛn Go Dɔn

Prɔblɛm dɛn kin mek wi at pwɛl mɔ we dɛn de fɔ lɔng tɛm. Devid bin no se di prɔblɛm we i gɛt wit Kiŋ Sɔl go dɔn wande ɛn i go bi kiŋ jɔs lɛk aw Jiova bin dɔn prɔmis. (1Sa 16:​13) Di fet we Devid bin gɛt bin ɛp am fɔ peshɛnt ɛn wet fɔ Jiova.

We wi gɛt prɔblɛm, sɔntɛm we go ebul fɔ yuz di sɛns we wi gɛt, wetin wi sabi, ɔ ebul fɔ tink fayn fɔ chenj wetin de apin to wi. (1Sa 21:​12-14; Prɔ 1:​4) Bɔt, sɔm prɔblɛm dɛn go stil kɔntinyu fɔ de ivin afta wi dɔn du ɔl wetin wi ebul we gri wit Baybul prinsipul dɛn. If dat apin, wi fɔ peshɛnt ɛn wet fɔ Jiova. I nɔ go te igen, i go mek wi lɛf fɔ sɔfa ɛn “wep ɔl di kray wata” na wi yay. (Rɛv 21:​4) Ilɛk na Jiova sɔlv wi prɔblɛm ɔ na ɔda rizin mek wi prɔblɛm sɔlv, wan tin de we wi shɔ bɔt: Ɔl prɔblɛm dɛn gɛt tɛm we dɛn go dɔn. We wi no dis, dat kin ɛp wi fɔ ebul fɔ bia.

WACH DI VIDIO WE GƐT DI TAYTUL, PIPUL DƐN WE GƐT WANWƆD NA WƆL USAY WANWƆD NƆ DE, DƆN UNA ANSA DI KWƐSTYƆN DƐN WE DE DƆŊ:

• Us prɔblɛm dɛn sɔm brɔda ɛn sista dɛn we bin de na di sawt pat na Amɛrika bin gɛt?

• Aw dɛn bin sho se dɛn peshɛnt ɛn gɛt lɔv?

• Aw dɛn bin kɔntinyu fɔ pe atɛnshɔn pan “di tin dɛn we rili impɔtant”?—Fil 1:​10