Go na JW.ORG fɔ Fɛn Sɛns bɔt Wetin fɔ Du bɔt di Prɔblɛm dɛn we De Mit Wi Ɛvride

Gɔd in Wɔd de gi wi ɔl di tin dɛn we wi nid fɔ bia wit di prɔblɛm dɛn we kin mit wi insay dis las dez we tin tranga. (2Ti 3:​1, 16, 17) Bɔt wi kin stil nid ɛp fɔ fɛn advays dɛn na di Baybul bɔt wan patikyula tin we wi go want fɔ no mɔ bɔt. Fɔ ɛgzampul, yu na mama ɔ papa we de fɛn advays bɔt aw fɔ mɛn yu pikin dɛn? Yu na yɔŋ pɔsin ɛn i nɔ izi fɔ yu fɔ sav Jiova fetful wan? Yu at pwɛl bikɔs yu man ɔ wɛf dɔn day? Yu go fɛn tin dɛn na jw.org we go sho yu patikyula Baybul advays dɛn we go ɛp wit dɛn tin dɛn ya ɛn bɔku ɔda wan dɛn.—Prɔ 2:​3-6.

Na di om pej na jw.org, klik di say we se BAYBUL TICHIN. (Luk di fɔs pikchɔ) Frɔm di tin dɛn we i go sho yu, pik wetin yu want. Ɔ klik LIBRARY > ARTICLE SERIES ɛn pik wetin yu want fɔ no mɔ bɔt. (Luk di sɛkɔn pikchɔ) Yu kin si di sem sɛkshɔn dɛn na JW Library^®.a Yu kin ɛnjɔy fɔ pas yay pan dɛn atikul dɛn ya na ɛniwan pan dɛn tu say dɛn we wi dɔn tɔk bɔt. Wan ɔda tin we yu kin du na fɔ yuz di sach bɔks na jw.org fɔ fɛn di patikyula tɔpik we yu want fɔ no mɔ bɔt.

Tayp dɛn tɔpik dɛn ya na di sach bɔks ɛn mek not fɔ di atikul dɛn we yu go lɛk fɔ rid.

• Fɔ mɛn pikin dɛn

• Pwɛl at we pikin dɛn we dɔn pas twɛlv ia kin gɛt

• We pɔsin in man ɔ in wɛf day