DI VALYU TIN DƐN FRƆM GƆD IN WƆD

Tek Tɛm Pik di Pɔsin we Yu Want fɔ Mared

Sɔlɔmɔn nɔ bin du tin wit sɛns bikɔs i bin mared uman dɛn we de wɔship lay lay gɔd dɛn (1Ki 11:1, 2; w18.07 pej 16, par. 7)

Smɔl smɔl Sɔlɔmɔn in wɛf dɛn bin mek i lɛf fɔ sav Jiova (1Ki 11:3-6; w19.01 pej 15, par. 6)

Jiova bin vɛks bad bad wan pan Sɔlɔmɔn (1Ki 11:9, 10; w18.07 pej 17, par. 9)

Pikchɔ dɛn: Wan singul sista de du in pasɔnal Baybul stɔdi ɛn de tink bɔt wan singul brɔda. 1. Di brɔda de kɔmɛnt na mitin. 2. I de du pɔblik witnɛsin. 3. I de ɛp fɔ mek say dɛn we dɔn pwɛl na di Kiŋdɔm Ɔl.

Gɔd in Wɔd advays Kristian dɛn we nɔ mared fɔ mared nɔmɔ to pɔsin “we biliv di Masta.” (1Kɔ 7:39) Bɔt bikɔs pɔsin dɔn baptayz nɔ min se i go bi di bɛst pɔsin fɔ yu. Di pɔsin go ɛp yu fɔ kɔntinyu fɔ sav Jiova wit ɔl yu at? I dɔn tek sɔm tɛm we di pɔsin de sho se i rili lɛk Jiova? Bifo yu gri fɔ mared to pɔsin, tek tɛm fɔ sabi udat di pɔsin we yu want fɔ mared to rili bi.