Aw Yu Go Ebul Bia we Dɛn Nɔ Trit Yu Fia Wan

Rid Jɛnɛsis 37:23-28; 39:17-23 fɔ lan bɔt aw Josɛf bin ebul bia we dɛn nɔ trit am fia wan.

Tray fɔ ɔndastand di ɔda vas dɛn. Wetin mek dɛn nɔ bin de trit Josɛf fia wan? (Jɛn. 37:3-11; 39:1, 6-10) Aw lɔng Josɛf bin nid fɔ bia we dɛn nɔ trit am fia wan? (Jɛn. 37:2; 41:46) Wetin Jiova bin du fɔ Josɛf insay da tɛm de; wetin i nɔ bin du fɔ am?​—Jɛn. 39:2, 21; w23.01 pej 17 par 13.

Du mɔ risach. Di Baybul nɔ tɛl wi se Josɛf bin difɛnd insɛf we Pɔtifa in wɛf lay pan am. Aw dɛn skripchɔ dɛn ya go ɛp wi fɔ no wetin mek sɔntɛm Josɛf bin disayd nɔ fɔ se ɛnitin ɔ wetin mek wi nɔ fɔ ɛkspɛkt fɔ no ɔltin bɔt wetin apin? (Prɔv. 20:2; Jɔn 21:25; Akt 21:37) Us kwaliti dɛn go dɔn ɛp Josɛf fɔ ebul bia we dɛn nɔ bin trit am fia wan?​—Mayk. 7:7; Lyuk 14:11; Jems 1:2, 3.

Tray fɔ no di lɛsin dɛn. Aks yusɛf:

• ‘Us we a fɔ ɛkspɛkt se dɛn go trit mi we nɔ fia bikɔs mi na Jizɔs in disaypul?’ (Lyuk 21:12, 16, 17; Ibru. 10:33, 34)

• ‘Wetin a go du naw we go ɛp mi fɔ ebul bia we dɛn nɔ trit mi fia wan?’ (Sams 62:7, 8; 105:17-19; w19.07 pej 2 to 7)