Jizɔs Go Mek Po Dɔn

We Jizɔs bin de na dis wɔl, i bin sho se i rili lɛk pipul dɛn, mɔ di wan dɛn we bin po ɛn de sɔfa. (Matyu 9:36) I ivin gi in layf so dat bɔku pipul dɛn go bɛnifit. (Matyu 20:28; Jɔn 15:13) I nɔ go te igen, i go sho bak se i lɛk pipul dɛn bay we i go yuz in pawa as Kiŋ na Gɔd in Kiŋdɔm fɔ mek po dɔn na di wɔl.

Notis di fayn we aw di Baybul tɔk bɔt wetin Jizɔs go du:

• “Lɛ i fɛt fɔ di wan dɛn we ɔda pipul dɛn nɔ tek mek natin, lɛ i sev di wan dɛn we po dɛn bɔypikin dɛn.”—Sam 72:4.

Aw wi go sho se wi gladi fɔ ɔl wetin Jizɔs dɔn du fɔ wi ɛn wetin i go du jisnɔ? Wan we aw wi go du dat na we wi lan mɔ bɔt di mɛsej we i bin de prich bɔt we na “di gud nyuz bɔt Gɔd in Kiŋdɔm.” (Lyuk 4:43) Rid di atikul we gɛt di taytul “Wetin na Gɔd in Kiŋdɔm?”