Una biliv se na una gɛt di tru rilijɔn?

Pipul dɛn we siriɔs bɔt rilijɔn fɔ de tink if di rilijɔn we dɛn de na di wan we Gɔd ɛn Jizɔs gladi fɔ. If nɔto dat, dɛn nɔ bin fɔ du ɔl di tin we dɛn du fɔ dɛn rilijɔn.

Jizɔs Krays nɔ bin gri fɔ se na bɔku rilijɔn, ɔ rod dɛn, go mek wi gɛt layf we go de sote go. Bɔt, i bin se: “Di get we pipul de pas fɔ go usay tru layf de, smɔl, ɛn di rod traŋa fɔ waka pan, ɛn di pipul dɛn we dɔn fɛn am ɛn we go fɛn am, nɔ plɛnti.” (Matyu 7:14) Jiova Witnɛs dɛn biliv se dɛn dɔn fɛn da rod de. Bikɔs if nɔto bin fɔ dat, dɛn bin fɔ dɔn fɛn ɔda rilijɔn.